Спиењето кај децата

Мојава па и во градинка си бара да спие, ми викаат учителките, уште ручекот не го дојала, вика јас сакам да си легнам Прва заспива и таму и последна станува

А за маж ти, и мојов е ист Јас двапати годишно се случува да заспијам преку ден и после сум мутава. Така вчера заспав со децава и после не знаев кај сум

 

Мојот откако го одбив од цицање некаде околу 15 месеци преспива цела ноќ. Од тогаш само еднаш станал сред ноќ без да презаспие, а тоа беше кога мачето го заборавил кај баба па со рикање стана да го бара и не сакаше да презаспие. Спие сам во соба од лани летото. Добро сеуште знае да се разбуди сред ноќ и да побара во големиот кревет (тоа значи кај нас во спална), ама генерално преспива во свој кревет.
Сега на 3 г 8 м. сам почна да откажува дневна дремка. Еднаш во 10 дена ќе дремне попладне, ама тогаш заспива во 10. Вака си заспива 8-8:30. Мене ми фали неговата дневна дремка, ама сам си ја откажа и не можам со сила да го натерам да преспие. Може да одеше во градинка уште ќе ја тераше, ама откако почна ситуацијава сеуште не сум се решила да го вратам.
Е во последно време знае да се расплаче во сон (буквално спие и плаче, не е респонзивен) веројатно преживува нешто од денот, ако сме се скарале или слично (иако не викам и карам), знам само да се подналутам. Ќе го гушнам и откако ќе му помине продолжува да спие како ништо да не се случило. Не знам само како да му помогнам со плачењево. Не е каран или казнуван, ама некако мора да му покажам кога греши и обично се лутам. Прво игнорира, а после некое време кога ќе види дека стварно сум лута доаѓа и прашува мама каква си во лицето (мама дали си лута значи ова). Затоа гледам да избегнувам вакви ситуации, ама понекогаш е неизбежно.

 

Од супер ред до пред 2 месеци, се претвори во ужас. Навечер заспива во 12.30, сабајле во 10 станува. Цела ноќ се буди и кенка. Пробав да го станам рано сабајле неколку дена по ред, да добие ред - не се трпи цел ден. Не сака да спие денски, па накај 5 - 6 заспива и ако не го разбудиш спие до кај 9 па се буди. Не го оставаме да спие за да легне порано, заспива играјки, гледајки цртан, се навалува и топ не го буди. Ако имате совет, добредојден е.

 

Скоро 2 год, уште заспива во 7:00 (6:00 зимско време), станува во 10 до 7, некогаш ќе се разбуди за вода и ќе се бапне во кревет. Само на регресии ми се будел, дали цицал или не, исто ми беше. Има и дневна дремка во градинка. Кратка е, гледам и дома за викенд, ама не се жалам. Си лежи он јас кажувам приказна он си збори нешто и си заспива.
За мене веќе накај 8 ми е доцна. Јас тоа време го користам за да се спремам за утрешниот ден, дали ручек дали алишта, работа по дома. И некоја епизодка од сериите од сериите да изгледам. И јас рано легнувам. Не ретко и после него сум заспала.
Имав среќа изгледа... Сабајле станувам во 5, пијам кафе се спремаме за градинка/работа и почнува денот наспани.

 

Моите близнаци се година ипол. Во 21:00 ни почнуваат ритуали за заспивање, до 21:30 најдоцна се заспани и двајцата. Во текот на ноќта може да се случи да се разбудат да побараат вода, среќа презаспиваат одма. Наутро се будат во 07:30. Денската дремка им е од 13 до 15 часот.
Доброр функционираме вака, наспани сме сите.

 

Ви се случува ли некогаш да има една дремка?
10 месеци е.
Вчера едвај дремна вториот пат, само пола сат. Денес скроз ја одби втората дремка, па заспа во 6 преморен, со плачки. 6 часа беше буден пред спиење, очигледно му беше премногу. А пробував цел сат да го заспијам за дремка, само триеше очи ама продолжуваше да игра.
Мислам дека му е рано за една, ама што да правам?

Испаѓа рано да заспие, утре ќе стане пред 5 и ај, сигурно ќе има 2 дремки. Па ќе заспие доцна и задутре ќе го направи истото ко денес.
А таман го среди денското спиење.

 

Продолжи да го будиш во истото време.
Исти ритуали пред прва и втора дремка.
Можеби е преод од две дремки на една. Период. И ќе има само една дремка од скоро. А преодот таков е, хаотичен.
Можеби си му утнала нешто во дневната рутина, во распоредот.

 

Точно, денес стана во 7.30 што никогаш не се случило и е баш голема отстапка за него. Стриктна рутина немаме и дремките не му се во исто време (кога ќе покаже знаци тогаш го успивам), ама ова беше поголема отстапка.

Ех, лесно ќе ми беше да го будам во исто време ако не стануваше прерано. Пример, ми одговара да станува во 6 а тој станува во 5 и рееетко ми успева да го презаспијам. Тоа без разлика кога заспал. Во последно време почна после 6 да станува па ми е жал да го будам точно во 6.
Последниве два дена стана после 7. Обично спие 9-10 часа навечер (со повеќе будења за цицање), а два дена беа 11.

Хаотични ни беа преодите и претходно, баш вака... Ќе го следам, ќе видам како ќе биде периодов, иако мислам дека е рано и за преод. Ама нешто се менува, ете и вечерното го продолжува.

 

На која возраст вашите бебиња/дечиња почнаа да спијат сами во соба?

 

Женското од 1г спие сама, машкото од 3г. Тогаш добија посебни соби и одма почнавме да ги адаптираме сами. Е имаше моменти на вадење заби кај малата после 1г, неспиење и знаеше да заврши до мене. Сега скоро нешто викаше се плашела и затоа ги ставив во иста соба заедно (4г и 6г се), па ќе пораснат и ќе ги развојам пак.. Има денови кога си спијат со мене на спална, ама кога се слободни наредниот ден. Кога одат во училиште и градинка обавезно си се во нивна соба сами, на посебен кревет.

 

Ве молам за совет, веќе некое време теравме денско заспивање на града, едно единствено цицање му беше за денска дремка, денес конечно се решив воопшто да не давам зошто празни ми се градите, а и сметам дека 22м доволно му беше цицање, денес многу плака урлаше, јас веќе при крај со нервите ама не дадов и цел ден не заспа, се плашам од утрешниот ден како ќе биде, не знам како да го заспијам барем 40мин да отспие, се плашам да не тера како денес без дневна дремка

 

Исто како денеска ќе тераш. Упорна мора да си. Како по правило плачките се 3 дена, со секој ден се помалце. Сега треба само да пробуваш различни начини како да се успие. Мојата на пример заспиваше легната над нас долго време, потоа многу лесен беше преминот од над мене - до мене.

 

Благодарам на одговор
Не очекував дека толку ќе урлат, ноќните подои кога ги тргнавме не плачеше ко денес изгубив и нерви и трпение.
Истото навечер заспиват легнат над мене ќе го нишнам и си заспиват. Дај боже да се три дена ќе ги издржам

 

Толку е. Ситно денови се плачките, брзо ќе помине, само не попуштај.
Чим му е познато да заспива над тебе веројатно така најдобро да тераш. Како поминавте денеска?

 

Фала што праша
Вчера пренервозна бев, денес решив да се потприберам, постелив креветот ко за спиење, затемнив, плачеше ама решена бев да заспие па што сака нека е, исто ко за навечер го нишкав легната ама може еден саат, а целиот подмижан ама се предаде.
Да те прашам дали ова време од еден час за денско заспивање ќе се намалува или ќе си тера исто темпо?
Фала на одговор и што праша.

 

Мајки во колку навечер ги заспивате малите од 22 месеци ?
Имаме сеуште дневна дремка од околу два часа . Навечер заспива само со цице иако пробував во неколку наврати да ја одбијам но не успеав.
До 21 30 е заспана најкасно. Е сега наутро почна во 6 да станува и несака да спие , плаче и ме бара. Не успевам да се спремам за работа .
Дали е подобро да ја оставам повеќе да седи навечер?

 

Децата шо легнуваат рано се будат рано, децата шо легнуваат касно исто се будат рано.
Ако ти ја преспива цела ноќ спие одлично од 21 30 до 6 и преку ден два часа.

 

Се буди неколку пати и тоа обично во период од 2 по полноќ до 5.
Не паметам кога има преспиено без да се разбуди ниеднаш.

 

Нема проблем Ели. По некое пишано правило би требало да намалува. Ама тоа е многу индивидуално и зависи од дете до дете. Исто, зависи дали спие подобро ако е изморен, ако непосредно пред дремката имал некакви активности, или спие подобро ако претходно направиш атмосфера како што си направила. Во секој случај, пробај што ќе му одговара повеќе. Мојата на пример сака да е уморна, ама изнаиграна, изнаскокана значи преуморна. Затемнети светла и тивка атмосфера ниту ноќе не ми успева.

Не мора да значи. Мојата доцна легнува, доцна се буди. Под 12 саати спиење, нема жива сила што ќе ја стане од кревет. Едвај чекам да почне во градинка, да и се среди распоредот.