@Bella* мојата од 11 месеци спие сама во соба. Јас се секирав многу ама до некаде сама си покажа дека е спремна. Не и е рано за сама во соба, таман е. Ако сама сака. Проблемот обично е до нас родителите. Ама кога видов дека до нас и е жешко и се буди ноќе, а во соба спие од 20ч. до 8 сабајле, ја оставив.
Пишувам веке по не знам кој пат во темава зашто веке сум очајна Прави година за некоја недела , дремките преку ден се океј , по 30мин макс 2/3 пати , ама заспивањето навечер ме утепува веке. Заспива исклучиво во раце и преку ден ама навечер кога ја легнувам веке не се трпи. Заспивањето трае саат, саат ипол. Думкај, пеј, гали , не се предава а тешка е 12кг има, побудалев, се ме боли. Пробав се, на спална нема шанси да ја легнам до мене одма почнува со рипање, скокање по перници, мора исклучиво на мене да лежи. Тогаш лежи мирна ама не заспива.Се буди сигурно 3 пати за млеко. Совет? Ја има ли некој да ми ја испрати книгата за спиење или како и да беше? Секој совет е добродојден меѓутоа ве молам без коментари од типот ‘таква е помири се’ , верувам дека се паметни и итри многу и можат се да научат
Не мислам дека е мала за своја соба, ама ако сеуште станува ноќе и не е тоа нешто на кое активно би работела да се смени, сега не мислам дека е време да и правиш промени. Со самото менување на кревет дополнително ќе и се растури редот, па дури се навикне ќе стаса бебето, уште една промена, мислам дека само ќе се мачите и пак ќе завршува во вашиот кревет. Јас зошто немам друга спална, малата е сеуште во креветче до спалната, и иако може да се префли на нашиот кревет научена е да си спие во нејзиниот. Во план ни е да смениме стан пред следно дете, ама ако тоа не се случи, и второто би го ставила до спалната во свое креветче. Голем противник сум на тоа сите заедно на спална, прво зошто не е безбедно, а второ зошто ќе се разбудам укочена сабајле. За мене тоа не звучи како ефикасно решение. Книгата јас ја имам, ама не знам на оваа возраст колку ќе ти помогне, затоа што на една година според книгата треба да ја ставиш во детска, затвараш врата, и влагаш сабајле, колку и да станува и плаче цела ноќ. Во креветче како бебе е многу поизводлив тренингот, споредбено со дете кое оди, се качува и разбира многу повеќе. Лично го сметам методот за многу ефикасен, ама го применувам од раѓање и искрено не знам дали би го применувала да треба сега да почнам. Сепак ако сакаш ќе ти ја пратам, пиши ми мејл адреса во лп. Совет ако сакаш, јас би рекла ја спушташ и веќе не ја креваш. Го тргаш млекото и веќе не го даваш. И точка. Се спремаш за недела-две општ хаос секоја вечер, и ќе почнеш со рутина која ти одговара (без думкање и ноќно млеко) и го тераш истото секој ден без исклучок што и да се случи. Значи ако сака нека фрла перници, плаче, превртува во кревет, што и да е, седиш до неа, пееш, кажуваш приказни, се преправаш дека спиеш, што мислиш дека најдобро би било долгорочно да го тераш, и го правиш тоа со саати додека не се смири. Следниот ден ќе биде малку пократко и така додека не сфати дека нема веќе думкање. Ако на третиот ден ти се смачи и пак ја земеш само за да спие, буквално се враќаш пак од почеток. Значи освен ако не си решена дека така треба да биде, ич не се мачи да пробуваш. Исто и за млекото. Ако детето внесува доволно преку ден, со оброци и ужини, воопшто нема потреба да пие млеко ноќе. Замени го со вода. Никако сок или чај. Само вода. Ако не сака вода, тогаш нема да добие ништо. Ако првата ноќ е гладна, одма наредниот ден ќе надомести и ќе јаде повеќе. И организмот се учи дека внесува малку повеќе на секој оброк и ќе има пауза во јадењето секоја ноќ. Може ова што го кажувам звучи тешко, и е многу тешко. Треба стварно да ти биде смачено од досегашното, и да имаш пробано се друго, за да се решиш дека ќе преземеш нешто и да се држиш до тоа. Во ред е и да не можеш, ама алтернативата е да чекаш самата таа да го одрасне станувањето ноќе, што може да биде утре, а може да биде и за 2 години.
Од кај ја зема книгата? Малава ми е скоро 4 и пол месеци. Проблем ни е што освен кај мене на града не заспива, денски пак имаме проблем со тоа што морам да сум до неа за да спие, неколку дена ја заспивам па се тргам ама за 15 мин пак ете ја будна. На вечер немам некој проблем пошо за 15-30 цицсње веќе е заспана ама пак станува тешка.. само слушнав дека од 5ти месец на горе се препорачувала овАа метода
Книгата ја купив на Киндл, ама ја симнав како пдф фајл и ја давам на кој е заинтересиран зошто за мене се покажа преефикасна. Напишана од педијатриски сестри и според неа се почнува на 2 недели. Различни автори имаат различни мислења за тоа кога може да се почне, ама имам група на мајки кои ја користат книгава и имаат бебиња кои спијат 10+часа уште на 7-8 недели. Ќерка ми спиеше 12 саата цела ноќ на 15 недели. Генерално се базира на cry it out, но има техники на смирување за помали бебиња кои може са се користат и кај поголеми ако не сакаш толку ригорозно да го следиш методот. Сепак се почнува со денски распоред, па после се тренира ноќното спиење. Пиши ми лп со маил адреса, ќе ти ја пратам ако сакаш. Општо за сите мајки да знаете, дека деца што заспиваат со цицање или шише, најтешко се учат да спијат цела ноќ или да презаспиваат сами. Ако нешто сакате да пробате, прво тоа. Бебето се легнува будно или полузаспано, а не да се комира при јадење, зошто така се создава навиката дека мора да цица ноќе за да пак заспие дури и кога се поголеми и не цицаат количински којзнае колку.
ке ти пишам маил во лп, фала мила. Искрено по се ова што ми пиша, мислам дека нема да имам желудник да го издржам, мн голема грешка ми е што уште пред да заплаче трчам накај неа, никогаш ни секунда не сум ја оставила да поплаче, и затоа така сега ми прави само на мене. Со татко и кога се заспиваат не прави воопшто вака. Во однос на млекото , јаде супер 3 оброци обилно, ужинка плус, не верувам дека е гладна, сигурна сум дека е навика будењево за млеко, а е лакома колку да и понидам ноке го пие. Ке ја прочитам книгава и ке пробам бар нешто од нешто. Инаку спие со нас, креветчето го тргнав пред месец дена бидејки тесна ни е спалната и привремено сме кај неговите овие 2-3 мес додека го реновираме станот, тоа доплнително ми отежнува. Затоа бар да ја научам со заспивањево на спална , па здравје кога ке се преселиме ке ја ставам во креветче
А @Spidy ќерка ти спие сама во соба нејзина? Зашто на пример за да го применам методот, треба да го ставам бебето во негова соба, па одвреме-навреме да влегувам само да го утешам, без да му дадам да цица, така? Бебево ми е 2 месеци и 12 дена, би можела уште сега да почнам? И дали толку мало бебе може без цицање да речеме 6-7 часа? Кај мене максимум што има спиено е 5 часа без цицањњ, а почесто се буди на 3 часа.
Јас имам само една спална и тоа е единствената причина зошто спие во спална со мене. Ама спие во креветче исклучиво, никако со мене на спална. На таа возраст ќерка ми стануваше 1-2 пати, со првото спиење од 21ч до 4 или 6 сабајле. Без разлика дали е во иста или друга соба, целта е да не го презаспиваш со думкаље или цицање. Тапшање по грб или газе, шушкање, пеење во траење од 1-2 минути, после се тргаш 3-5 минути, ако не се смири пак влегуваш, така 3 пати, ако до третиот пат не презаспие даваш да цица, и барем си го поместила цицањето за 15 минути повеќе од претходно. Некогаш ќе презаспие, некогаш не. Ама така полека ќе се зголемуваат периодите помеѓу подои и плус ќе учи да презаспива самото. Ова е во кратки црти, според книгата многу е битно да има добар дневен распоред и да внесува доволно преку ден. Ако не ја внесе вкупната количина на млеко што е потребна, нормално дека ќе се разбуди ноќе зошто бебето е гладно. Или ако има "скршено" спиење преку ден (4 пати по 30 мин наместо 2 пати по 2 часа), ќе се буди и ноќе зошто не влегува воопшто во фаза на длабок сон.
Фала ти @Spidy на објаснувањето. Во однос на денското спиење, 2 до 3пати син ми има пократки дремки до кај 30 минути и една подолга попладне околу 2 до 3 часа, некогаш и повеќе. Не е секогаш исто, нормално. Навечер заспива од 20 часот и околу 21 ч. се продлабочува, околу 3 часа просек прво будење за цицање,(поретко на 4 или 5 часа) второто будење е за 2 часа, значи околу 3 или 4 часот по полноќ е второто цицање, и тогаш му се намалува спиењето, ама сепак уште е мамурно недонаспано, и треба подолго да го понишкам. Според доктор Goodnight, од 4 месеци би требало да се работи на регулирање на сонот. Според тој метод што го објаснуваш, не постои блискоста преку заспивање, цицање, нишкање, нели дури е мало доенче да му се даде близина, за како што расте да е посамостојно, да има стекнато доверба во родителите. И јас не знам дали би издржала да вришти а да не го утешам или надојам. Сепак е машко и велат не дај Боже, можно е при плачење кила да добие, не се остава машко да плаче неутешно. А реално моево ако не му погодам особено за јадење и спиење, плаче уште посилно. И згора на се` во зграда сме, стварно ми е незгодно да слушаат по полноќ и комшиите.
Dvete pogolemi spijat sami od 1.5(gi zaspivav na nivni krevet vo nivnata soba i ne sum imala problem so naviknuvanje voopsto) Na brat mi devojcinjata spijat so snaa mi i ona e utepana sekoj den,a pogolemoto e 7 godini i ne saka da spie vo svojata soba,maloto e 2 godini,no ona sama kazuva deka napravila greska sto ne gi odelila navreme. Bebuska moja momentalno spie so mene zasto se selime i malku e komplicirana organizacijata,no vo princip i nea na 1.5 ke ja odelam da spie sama. Kako za batko i dada taka i za nea!
Мојава е сега 16 месеца, пак сака да се гушка, пак има денови кога мама од уста не ја вади, кога сака да биде во раце, а од друга страна кога сме надвор, не се врти да ме види кај сум, шета сама без страв. Знае да плаче кога ја оставам кај баба и, ама знае да плаче и кога сакам да ја земам од кај баба и Според мене, блискоста не се гради само ноќе, и нема да се сакаме помалку ако не спиеме гушнати. Баш напротив, доброто ноќно спиење на двете ни дава енергија денот максимално да го користиме, да играме и да се дружиме. Сосема разбирам ако викаш дека не би можела тоа да го издржиш, дефинитивно не е лесно. Без разлика дали плаче 3 минути или 3 часа. Јас само споделувам што функционирало за мене, и здравје и за второ дете исто планирам да терам ред. Книгата дури има и распоред за тодлер и новородено, мислеле на се. На никого не би му рекла дека мора да го научи детето да спие цела ноќ, и јас сакав да го избегнам плачењето. Сепак кога ќе дојде моментот кога ќе си речеш "вака веќе не бива", човек е спремен се да проба. И не се каам воопшто што се водев по овој принцип.
@Bella* Знам дека е непопуларно мислење а ама моето бебе спие само во соба од негови 2 недели. Немавме место во спална за никакво креветче и спие сам во соба до нашата. Немаме бебе монитор, ама у стан од 58m2 цел, буквално го слушам кога кака, не па да плаче да не го слушнам. Ќе прави за 3 дена 7 месеци, не сме имале проблем што е сам во соба. Во кревет нема ништо, ни перници, ни оградица, ни играчки, покриен е со многу тенко мало ќебе. Јас не сум го оставала да плаче, ама од почеток го спуштам полузаспан со шшшш, од кога е роден денски делиме цицање од спиење.. односно јаде кога ќе стане, а не пред спиење. Навечер откако ќе се нацица, кренат е да ждригне и да отвори очи и да заспие во кревет. Потешко е првите месеци зошто на секое станување одиш во друга спба за доење, ама искрено он е повеќе наспан, ја сум повеќе наспана. Татко му е повеќе наспан. Е сега, нормално како секое бебе се буди, посебно последиве 3 недели е во регресија и вади заби и се буни не сака во креветче, сака во спална до мене , ама не му попуштам и спие во креветче. Генерално колку се помали, полесно е префрлањето. Гледам и по другарки. Тие на 1 година што ги префрлија во соба многу полесно им прифатија децата да спијат сами.
И ние исто Само што " големата " спие во нејзин кревет залепен за нашиот. Јас, мм и синко спиеме на спалната. Неговото креветче најчесто е празно, а тој е до мене А пред да се роди спремив се за да не биде вака, ама, тој си сакал поинаку Мајка ми па, вели сега сте најсреќни, уживајте во овие моменти, брзо ќе пораснат. Оттогаш рает уживам што сме си заедно
Здраво на сите. Ние сме 3 месеци и имаме проблем со спиење преку ден. Навечер спие сама во креветче, но преку ден само во раце. Што се не пробавме и не сака. А ако не се отспие, многу е кенкава. Во моментов не ми пречи, но ме плаши на подолг рок. Дали ќе и стане навика? Знам дека е многу индивидуално, но ме интересираат искуства. Поздрав
Ке помине, и јас бев во иста ситуација со синко. И треба нежност и близина, затоа сака во раце. Штом ноќе си спие, немаш гајле. Мене така ми беше прифатливо. Ноќе спијам цврсто, и тоа ми е доволно да одморам. Сега синко не сака да седи во раце ич, би ти кажала да ја гушкаш додека можеш.
Бебето спие од кога е роден во креветче, 9+ е, кога има вадење заби кинка преку ноќ и презаспива кај мене во раце легнати, па го враќам во креветче. Немам размислувано за во друга соба кога да го префрлам, ама би било на годинка, со спуштен душек во креветче да не се превртува. Заспива во 21:30 отприлика плус минус, последен оброк е во 19 часот, преку ден не пие млеко туку има 3 оброци и понекогаш ужинка, што понатаму сигурно ќе ги има повеќе-ужинки. Се буди во 23 часот за млеко, на ад сме и после на 4 часа пак. Сите оброци ни се на 4 часа, така е навикнат, незнам како да се одвикнеме од млеко преку ноќ, но преку ден не пие сигурно поради тоа и си бара ноќе.
