Спиењето на вашето бебе

Од која возраст почна да заспива сама? Мојата на 2 месеци вришти плаче ако ја оставам будна во креветче

 

Само на првата дремка се успива сама. После и треба помош и тоа како поминува денот се потешко е.
Па мислам дека од кај два ипол месеци негде почна. На три веќе дури и две дремки сама можеше.
Сега не знам дали е до четврти скок или нешто друго, само од сабајле се успива сама.
Денес, значи прва дремка малку се побуни, ама сама заспа. За втора почна да се нервира, што не може да заспие, ја зедов во раце и малку нишнав и така заспа. Ама полусвесна ја легнав во креветче. Трета дремка морав да си легнам до неа. И тоа не ни сакаше да спие во спална, туку мораше во дневна да одиме..
На крај навечер се успива со татко и. И он така ме зезна значи. Пошто од скокот одбиваше со него да се успие и пак ја научи на нишкање и сега сред ноќ, некој пат очекува да ја занишкам или да ја легнам меѓу нас.
Ама ова се привремено е. Знам дека до четвртиот/петти месец уствари немаат ред. Сега кај и да е ќе има регресија на спиењето и тек ќе мора да се учиме на спиење.
Инаку не секирај до втори месец имало денови кога и во раце сум држела по саат ипол, само и само да сврзе дремка да не е преморено. И на цицка имаше една дремка еден период и тоа и дозволував ако беше изморена и нервозна.
Најважно е да следиш прозорци на будност за да може да воспоставиш ред. За вас, прозорец на будност е сега макс 1ипол саат. Што значи од како ќе стане за саат ипол најкасно треба да го легнеш за дремка. Или дури и порано. Следи кога бебето ќе почне да покажува знаци дека му се спие.
Моето штом почне да зева и се фаќа за очи одма давам цуцла, пуштам звук од правосмукала или некој друг бел звук и оставам да спие. Ако не успее сама и помагам.
Ама она веќе знае сега дека штом се дава цуцла и се пушта звук се спие.
Пробај можеби прво да и направиш асоцијација дека е време за спиење, и после да пробуваш само да го оставаш.

Ние друг проблем имаме. Мислам, не е нешто драматично ама сепак е малку напорно. Навечер откако ќе заспие, до дека да се успие цврсто, се буди и плаче во сон. Значи не се буди да стане и да е будна туку, плаче. Ја земаме од креветче гушкаме, нишнеме и заспива и пак враќаме надзат. И ова трае од кај 7:30 до кај 9. Значи вака ќе стане околу 3-4 пати. И баш поради тоа, еден од нас седи во спална додека помине овој период. И после заспива и спие се со кај 3-4 кога станува да јаде.
Значи не би го дефинирала како лажен почеток, пошто не и е дремка. Негде грешиме веројатно. Сакам да пробам некој пат јас да ја успијам, ама па и мене ми се баш тие саат ипол време, време кога јас низ дома нешто можам да потсредам и да одморам.
Некој со слично искуство?

 

Моето е 7 и уште не се успива само, на 2м мислам дека е ептен ретко бебе само да се успива. Секој тренинг за спиење самостојно не се препорачува пред 6м, оти до тогаш ем имаат многу развојни фази и едноставно се премали за тренинг.
Ако сакаш во креветче да спие или полубудна ќе ја ставиш или скроз заспана. Јас моето го префрлував заспано во креветче докај 4ти месец и немаше проблем ќе поспиеше неколку саати, ама денески строго во раце спиеше само.
Сега вечерно време заспива после доење, ама само се успива, ќе престане да цица и ќе се повртка малце ќе си погуга и ќе заспие, ама сега спие со мене на спална и во креветче не знам дали би заспивал така.
Денски до сега ни јас не знам колку начини смени на спиење, со цицање, со цуцла, со нишкање, без нишкање, со доење додека стојам и шетам, во кенгур, во раце(исправен или легнат) сега само во количка и шетање спие строго надвор и ако пробам на друг начин вришти плаче и се тегне со саати. Едноставно има различни периоди со различни потреби и јас ги следам, не знам и не сакам поинаку.
За мене е важно барем до година да пробам да му бидам на располагање за секаква утеха околу спиењето. Може ќе се заебам за натаму во животот, ама за сега сакам да му удоволам макар скратила и на мој сон. Си велам ако имам друго дете нема да можам веројатно така да го гледам па со ова ќе се водам по инстинкти.

 

Фала многу не очекувам дека сама ќе се успие сега, ама очајно барам начин за успивање, ништо од ова што спомнавте не функционира веќе, и на раце ако ја држам се буди секои 10 мин и нишкај пробувај до бескрај.. Не стигам ни да јадам деновиве по цел ден се успиваме само. И на града се нервира, вика ако е поспана.. уморно ми е детето, уморна и јас, со денови повеќе од 1 саат сон не сврзува ни ден ни ноќ... После дремка е весела, педијатарот рече се е нормално, не е болест, само требало да фатиме ритам. Ама како?
Инаку цуцла никако не прифати, а изгледа тоа е битен дел од заспивањето.

 

Веројатно е во прв скок, симни ја апликацијата и ќе видиш до каде сте исто наппер апликација мене многу ми помогна да се стабилизирам со спиењето, вака пред неа 10 мин да задоцнев со прозор на будност ептен маки имав да го успијам, во неа ти покажува кога треба да го успиеш и колку да спие.

 

Ризикувам да ме нападнат овде, ама уствари си сподрлувам од мене искуство. Не мора никој да проба или да прави јас како што сум правела или правам.
Баш околку два месеци беше и кај нас најтешко да се успие. Пошто нели учи веќе сама да спие. Тогаш спиеше и во раце и на рамо и кај мене врз нозе. Само и само да врзе дремка.
Една вечер така во очај пуштивме правосмукалка и бебе заспа во секунда. Оттогаш и пуштам бел звук на за секое спиење дома..
Тогаш и беше и најизразен моро рефлексот. Значи точно после 10 мин се штрекнуваше и будеше веднаш и не можеше секогаш да презаспие.
Со количка возење ќе заспие и на прва нерамнина се буди и пак плачеше.
Тогаш почнав по препорака од бабица, да ја повивам..Ама не типично повивање туку со една голема тетра само рацете да и ги фатам. Она после некое време во сонот си ги вадеше. Ама повивање никако после трет месец. Тогаш веќе зголемуваат физичка активност и во текот на ноќта. И треба да си вежбат мускулатурата. Ама па и рефлекосот се губи тогаш и полесно заспиваат.
Цуцла нашето фати со два ипол месеци не порано.
За во креветче оставање, она сама си посака..не можевме никако да ја успиеме и накрај кога ја оставивме заспа.
Јас сум по цел ден сама дома. Нема баба сервис. Маж ми работи.
За мене е битно да има бебе рутина инаку нема да можам ни да јадам, а тек па нешто друго.Бебе смее да спие кај сака и колку сака до 4 месеци и не можеш да го тренираш точно, ама според мене ок е и ако го оставаш за дремки на едно место. Сепак после го поврзуваат со спиење.
Знам баш сега кога бевме за мк. Спиевме по пат на различни места, па и во мк. Де кај мои де кај свекрви. Де со мене спиење преку ноќ и после кога се вративме тотално изместени бевме со рутината. Иако се трудевме сегде барем да се држиме до истио дневен план. Сега одкако се вративме бара со мене да си спие. Порано не беше така. Може и од скокот е, не знам.
Ја следам неа нормално што сака, и не ја оставам да плаче никако. Пробувам да ја смирам. Не ја оставам во креветче по секоја цена.
Иако, не се споредува бебе со плачење на два месеци. Ама стварно после три месеци има разлика. Издржи.
Еве ќе кажам, четвти скок до сега е мачја кашлица во споредба со првите два скока, кај нас барем де.

 

@јolene те погодив во никот хехе

Гледам дека имаш искуство со заспивањево, ајде некое советче дај ми за мојов синко.
Има 9 месеци. Спие во дневна на софата во аголниот дел. Сакаме за брзо да го свикнеме во спална на неговото креветче да спие.
Ноо, ме кочи моментот што ако во текот на ноќта бара да цица 2пати 3пати и да треба да го кренам ајде ок, ќе цица и кога ќе го вратам ако не продолжи...
Има 9 кила, таман е килажава и да не цица навечер нема потреба. Значи можам со чиста совест да му прекинам ноќно.
Е сега кога го тренирав првото со доктор гуднајт, и го префрлив во креветче и му намалив цицање. Кога почна сам да заспива по тренингот, навечер не се будеше за цицање.
Сакам и со второво така да е, ама не ми се плаќа програма, а за првото се сеќавам како правев, ама немам храброст.
Ко да ми треба некој да ми каже вака и вака ќе правиш ако плаче.
Пример за првото ми рече откако ќе заспие до 11 никако цицање. Другово секако не цица до 11, периодов не се буди.
Дилемата ми е во текот на ноќта дали да го кревам ако плаче многу. Односно секако ќе го кренам тогаш, ама дали да цица.
А исто знам дека е клучно да научи да заспива самото во креветче за да знае да призаспие.

 

Леле со никот. Исто некој друг ми рече. Јас не сум ни свесна ни па се сеќавам како сум го пишала .
Немам искуство драга, да знаев ќе ти кажев. Го следам бебето и пробувам од она што читам да применувам.
Ние од сам почеток сакавме да спие во креветче и затоа и постојано секоја вечер, од прв ден ја легнуваме во креветче. За време на скокови има потреба некогаш да спие со нас и тоа е ок. Ама не секоја вечер.
Друго, јас за жал не дојам ексклузивно. Немам доволно и морам дохрана. Навечер пред спиење добива формула. Сигурно затоа и спие толку долг блок.Сред ноќ некогаш шише, некогаш цице. Генерално на цицка се успива сред ноќ полесно, ама некогаш морам и да додадам шише. Некогаш само шише. И ја пресоблекувам еднаш кога станува за јадење во 3-4. Значи ептен се расонува. Секако е пола саат будна.
После ја држам во раце дур стаса до полусон и враќам. Ми успеало и будна да се презаспие, ама многу ретко. А некогаш дури бара и до нас да спие. Па ќе заспие на спална и ја префрлам.
Можеби од што и е познато креветчето не и е проблем да заспие и презаспие.
Значи јас се водам по неа. Како она ќе бара така. Нам ни беше битно да знае кога е ден, а кога ноќ и да знае каде е местото за спиење. И уште се учиме реков погоре, саат ипол еден седи до неа дури да завлече цврсто. Тв немаме пуштено од како се роди. Скроз сме ориентирани само на нејзините потреби. Инаку најреално поима немаме што правиме. Важно е она сега за сега си спие ок. Дури страв ми е да пишувам, да не се подречам.

 

Кога почнуваат да сврзуваат дневни дремки повеќе од половина час?

 

А зошто не пробаш да го гушкаш, тапкаш и сл кога ќе стане ноќе, да не нудиш цицање па види дали ќе презаспие.. моето само си скрати ноќни подои ама не значи дека нема да се буди, и сега се буди околу 12 некогаш и во 4 да види дали сум тука и презаспива

 

Слична ситуација сме, сама дома, многу тешко уште од почеток за денски да спие откако ќе ја спуштам во креветче, гнездо.. само на мене останува заспана, ама како што велиш не можам ни да јадам така, а не нешто друго. Ама навечер спиеше, исто повиена само на рачиња и со бел шум. Ама сега ни така, ни ден ни ноќ не се знае..

 

И јас сама бев, во марама спиеше на мене, јас јадев, готвев, шетав и зачистував дури

 

Милион пати пробав со марама и кенгур. Не ги сака и не. Вришти во нив.
@kozuf да не е гладно? Или пробај да ја изморуваш повеќе кога ќе е будна?
Низ надвор на прошетка макар и во раце испадни. Или оставај ја на под малку да си поигра, пробај да ја анимираш со играчки и песнички.
Тогаш беше кулминација и кај нас во втор месец, ама вечер спиеше барем. Потешко се успиваше тоа да..т.е. ептен тешко, ама после спиеше.
Успивањето навечер беше и по цел саат и повеќе. Де јас де татко и. И заспиваше кај 9:30 или 10. А почнуваввме со бањање нешто пред 8.
Имавме и прошетка околу 7. Беше лето затоа. Сега сменивме како се смени саатот, бањање во 6:30 до кај 7 најкасно. Масажа. Млекце. Гушки. Вреќичка за спиење и успивање.
Ама да вреќичка за спиење на ваша возраст беше мисловен поим. Среќа што беше топло па не моравме.

 

Мајки на бебиња неспијачи и бебиња што не сврзуваат повеќе од 30мин преку ден сакам да ве прашам кога тоа се смени?
Бебе е 6 месеци, нема абер од промена, дури бетер станува со скокови и регресија. Јас имам трпение многуу ама мислам дека веќе и физички не се издржува ова. Дај некоја нека ме просветли дека има надеж.

 

После 5ти скок,т.е кога ќе направи 6 месеци,ќе скрати 1 дремка ако има 4 и ќе ги продолжи по малку тие 3 кои остануваат.

 

После годинката смени, не е некоја утеха знам
Спиеше макс 45 минути со едно-две презаспивања. Кога наполни годинка деновиве почна да сврзува саат ипол исто со презаспивања, сега на 12+++ спие 2 саати без да го презаспиваш.
Мислам има удел лазењето и тоа што секаде се пентари и оди држејќи се на се живо. Премногу е активен сега, не застанува ни минутка.

 

Очигледно до детето е. Јас престанав да мислам дека ќе смени. Сега и тие 30мин што ги спие јас одмарам, јадам или пијам кафе.

 

од 8 месеци мојов мајка, катастрофа беше претходно, ако не си до него да го лулаш, едвај 15-20мин ќе спиеше, цел ден нерасположен, многу дремки а сите кратки, искрено ужас, те разбирам скроз..

Моментално на 8++ има 2 дремки, првата е 9;30 до 11:00ч, втората е од 14:30 до 16;00ч, со рутина почнуваме 19:30, 20;15 е заспан, спие до 06;30 сабајлето.. конечно е добро вака

 

Ме преморува. Ме исцрпува.
Кога не е наспана (а тоа е бидејќи неможе да спие повеќе, се обидувам да ја презаспијам, не сака) е премногу кенкава, неможе да се заигра сама, трља очиња и така во круг се вртиме постојано.
Се пробав, прозори на будност, бели звуци, количка, надвор, внатре.. ама џабе.
По се што прочитав на интернет се работи за темпераментно бебе кое има многу лесен сон и е многу подложно на секакви дразби.
Затоа и ме интересира од прилика да си дадам некоја мотивација и одговор на прашањето: до кога?
Веќе ми е панично.
Немам ни на кого да ја оставам да ја причува бидејќи е стварно тешка.
Ах.. се пожалив.

 

Оф, фала мајка.
Пишав погоре, неможам веќе да издржам.
Мислам дека ќе излезам на улица и ќе почнам да вриштам.
Зачаран круг без крај.