Список на модераторите по категории

Стварно претерувате со бришењето. Оние правила ги сфаќате буквално, па форумот губи душа. Ако е шега и е во контекст на темата, зошто да се брише?

Или мислењето со песна во На срце ми лежи - како тоа ви беше оф топик?

Дај малце опуштете се. Доволна беше една Гордана.

 

Од што сакате премногу ред да внесете, го задушувате форумов.

Јас лично не гледам што е толку страшно и лошо ако се остави чат пат по некоја песна или поговорка во На срце ми лежи... На активните членови ова им е ко втор дом, па коа се тажни може баш тука сакаат да споделат тажна песна.... Некако е скриено и интимно тоа катче.
Плус нема на никој да му наштети.

После... Треба да се прави разлика помеѓу навредите....има потежок вид на навреди (пцовки, мешање семејство, физички изглед) и има полесни (кога му се кажува на некој дека замара, дека е трол, дека е досаден ко мува).
Вториве не мора да се бришат.
Дозволете му да диши малку форумов и членовите да си искажат револт во рамките на границите.

Па и вие сте луѓе побогу, не сте роботи.

За оф топици...друго е кога СДК ќе стане чет, или во темата за снаи и свекрви ќе пише некој дека продава мотор.... Ама сосема друго е кога некој умерено ќе се нашали на сметка на претходните постови или ќе пише дека има проблем со золвата во темата за свекрви.

Вторите не се толку страшни.
Има разлика.

Моите постови не ги гледам дали ми се избришани... Пишувам нешто и не се навраќам на него, но често знае да ми стигне известување дека ми е префрлено, редактирано или избришено мислењето, и се осеќам ко во некоја строга фирма да сум на работа.

 

Јас би сакала да ми стигаат известувања кога некое мислење ми е избришано, а особено кога ми е редактирано. Кога веќе некој ми чепка по одредено мислење и си брише делчиња од него, па ми ја уништи целата смисла и целиот контекст на мислењето, заслужувам барем да знам дека ми го редактирале.

 

Веројатно ќе треба да се научите благите навреди да ги искажувате со одбрани зборови, во тој случај ќе се нарече -интересна дискусија а не пост за бришење.
Уште кога видов кои се модератори (еден дел) знаев во која насока ќе се движи управувањето ама мислев дека заради другиот дел од модераторите ќе има поголема слобода. Изгледа овие вториве потпаднале под влијание на првите. Штета Ко учителки од минатиот век со крагна, очила и стапче во рака.

 

СДК и На срце ми лежи ми се омилени теми, и многу повеќе ми смета кога ќе видам како без осет се цитира во нив отколку дека некој песна објавил.
Меѓутоа ако пишува во воведниот пост дека не смее песни, тогаш нека продолжи така... Искрено не сум ги прочитала воведните постови.

Во врска со навреди нема толку да ми смета ако некој ме нарече досадна, колку што ќе се навредам ако некој ме нарече глупава, ми пцуе или меша семејство.
И не гледам зошто е толку страшно и навредливо ако на некој му речеш: Ајде не биди толку досаден.
Што е навреда тука?
Зар толку многу е строго на форумов?

Како и да е, друго сакав да кажам.
Всушност и ти погоре сама спомна дека новите многу строго му влегоа на форумот.
Не може да бидеме сите фини и расположени кон секого... Не може сите да сме другари и за се да се сложуваме.

Постои игнор, ама едноставно е невозможно една третина од форумов на игнор да ги ставиш.

Јас пак ќе нагласам дека немам досега толку големи проблеми во врска со моите постови... Што се избришало било со причина... било оф топик или навреда, но сепак се осеќа некое задушување општо по темиве.

 

А смее ли да се стави видео во спојлер? Не боде очи, не оптоварува скрол и процесор, а пак може кој сака да си отвори и види.

Инаку со среќа балансирање помеѓу полициски час и башибозук форум. Доброто е што сега барем има по неколку модератори на категорија, па може да се остави малку простор за тоа до каде ќе отиде оф-топикот. Можеби и ќе си остане на тие 3 мислења и никому ништо. Сепак, малку компромис не е на одмет. Не мора толку стерилна средина да се прави.

Се друго си е култура на пишување и дискутирање и нормално со право се санкционира.

 

Кога веќе сте разврзале дискусија околу ова, сметам дека е правилно да ви упатам критика околу тоа дека на некои многу побанални работи обрнувате повеќе внимание, отколку на работи кои се посериозни. Дали баш тие теми немаат (или немаат толку многу) модератори, или тие теми не се ни отвораат, не знам, ама според мене поправилно и поитно би било да се бришат мислења (и воедно да се предупредуваат членовите кои ги напишале) кога во мислењата има говор на омраза, закани, желби за убиства, генерализирано вреѓање интелигенција и што ти јас знам. А ова на повеќе наврати сум го видела на одредени теми, од одредени членови. И реално е да е тоа посериозно отколку некоја рандом споделена песна за што сте дискутирале во коментариве погоре.
И уште нешто. Пологично (според мене), би било бар сосема да префрлате или бришете одредени коментари, наместо да ги редактирате во крајности, зошто на крај се губи целата смисла на коментарот, и од она кое личноста сакала да го каже, до она кое останало по редактирањето, нема никаква поврзаност. Иако сте модератори, сепак не влегувате во главите на останатите членови за да би знаеле како да редактирате нечие лично мислење. А ако мислењата напишани од наш профил испаѓа дека не се лично наши, тогаш се губи секоја смисла. Имам во читање затекнато по некој така редактиран коментар каде и после петто препрочитување јас не сфаќам што би трeбало коментарот да значи.
За друго немам забелешки.

 

Реин, нејќам да навлегувам во приватност на членката. Што ми лежи на срце + насловот на песната и нејзиниот текст, доволно да сфатите дека таму припаѓаше мислењето. Во овој случај дури и бездушно е бришењето.

 

Не може се да се исконтролира до степен да мислењата на форумот бидат во ред како аптека.
Некаде темите налагаат да се оди оф, некаде баш тоа развржува дискусија, некогаш и шегите и ироничните коментари совршено се вклопуваат во одредена тема.
Јас досега имав забелешка само во темите за шминка и козметика. Иако модераторките ми се бескрајно драги членки и ги почитувам, многу повеќе ми се допаѓаше катчето кога не се бришеше се што беше оф.
А во тема за шминки и која како се нашминкала, 300 жени, различно гледаат неизбежно е да се отиде оф.
И на другите теми исто имам приметено. Бришете, ама и опуштете се малце.

 

Мислам дека проблемот е во неинформираноста во врска со правилата на темите. Затоа се прават офтопици. Можеби да знаеле членките дека не треба песна во темата да се постира не би го направиле тоаА зошто би, ако е правило, никој намерно не сака да е офф?
Е сега информираност не значи на првата страна да е напишано бидејќи во големите теми ретко кој отвара на првата страна туку директ на последното мислење а плус и се менуваат правилата, се репишува првата страна и потешко е да бидеш во тек. Новите членови разбирливо е дека би биле поНеинформирани но еве и старите толку не ги знаат тие правила зошто на правилата се повикува откако ќе се напише/избрише мислење и така дознаваме дека уствари постоеле. Значи подобро да се спречи ( доколку може ) отколку да се лечи/избрише/премести.
Ако ни кажете или објасните ние сме послушни

 

И тука сте сите сега офф.

 

Цецке бе мила, пишува се .. Гледај колку убаво

Исто како што пишува дека е задолжително пишување локација во Поинаков фемина инстаграм, а ретко кој почитуваше до пред некое време. Ама ако, јас и @CrazyOne сме си упорни, па на фин начин се обидувам да излезам во пресрет на секоја членка што не поставила локација, за сликата да не биде избришана. Морам да признаам дека во 90% од случаите наидов на соработка и сум благодарна за тоа на членовите.

Така е и со темава, ако се прочита се убаво, нема да има недоразбирања.. така е со сите теми, така треба и да остане..
За се постои правило, наше е да го почитуваме..

Јас како модератор мислам дека сум крајно толерантна за многу работи, признавам не сум 24/7 присутна, па некоја пријава стои по 2-3 саати, ама сите имаме живот и надвор од форумов, па нормално е..
Истото го мислам и за моите колешки и колегата Модератор, секогаш мислам дека биле тука за членовите со цел форумов да го направиме мирно и спокојно виртуелно катче за нас..

Само смирено убавици

 

Кога веќе сите сте тука и си прашувате сè, зш да не прашам и јас нешто?
Прашувам...
Каде ми е мислењето од темата Трета смена на форумов, го напишав сабајле во 4 и нешто или повеќе, не знам...сега гледам ме цитирале, гледам горе доле мислење ска !
Кадееее ми ееееееее мислењетоооо? Ааа?

* а тоа па едно мислење....ама онака само ме интересират

 

Не е лошо сите членови да си ги прочитаат правилата, да нема после зошто вака зошто така.

 

Битерке, ами ги читаме бе како не, но само онака ме заинтересира ...
Нели, таа тема е онака кафе муабет.
Моето мислење не беше ни навреда ни оф топик.
А и не знам што е оф топик на тема без тема...

*се објаснив зошо мислам дека мене ми префрлаш, ако не е така пардон. Фала пријатно.

 

Мојот коментар се однесуваше на сите членови, не конкретно на тебе но те вклучува и тебе @Kukla994 Ако си ги прочитала правилата ќе знаеше дека едно од нив гласи: Не испраќајте смајлиња без текст. Така да, другпат нема потреба од прашања Зошто мислењето е избришано. И јас не сакав некои мои мислења да бидат избришани или префрлени, но модераторите знаат како треба, а ние наместо да се противиме, треба да бидеме повнимателни.