Спомени од моето детство

Изгледа. И јас ги сакав Take That, имав десет години кога почнаа со кариерата
Арно ме потсети на Land before time, го заборавив. Are you afraid of the dark и Storyteller не ги гледав баш, Clueless не ми се допаѓаше толку колку Girls just want to have fun, башка постара бев кога излезе. За Титаник веќе и полнолетна бев.
Од списанија купував и јас од тоа италијанското, баш ради подароците, мислам дека Cioe се викаше. Тоа беше покрај популарната Gioia. Купував и Smash Hits! пошто ептен следев британска музичка сцена, слушав се што излегуваше, ама омилени ми беа Take That. Уште имам цели албуми музика од тоа време, полни ми се телефонот и компјутерот.

 

@Annath, Clueless? Цело основно ги замени ранците со папки, да не останеме покуси и ние

Го побарав Girls just want go have fun, според содржината мислам дека го имам гледано многу (многу!) одамна и од цел филм само ја памтам сцената каде фината девојка отпадна од натпреварот по танцување и другарка и влезе место неа (или нешто слично се случи). Го ставив да се симнува Претпоставувам дека и песната на Синди Лопер ја има во филмот?


Инаку, купував покасно, кога веќе бевме средно и едно германско списание, Браво мислам дека се викаше ама никако не ми текнува имаше ли и таму подароци

 

Оригиналната песна ја има, не од Синди Лопер. Го имавме снимено цел филм на видео касета, и нонстоп го вртевме со другарките. Сега да ме утепаш не знам што гледав во филмот, ама ете, интересен ми беше тогаш. Може дека сум ептен по танцувањето.
А за Clueless, стварно бев постара, средно веќе. Не ми беше нешто посебно и не се сеќавам дека паѓаа во несвест за тој филм кај нас. За Титаник да.

Браво само постери имаше. И јас го купував, оти имаше едно време и џиновски постери, колку цел ѕид од соба

 

A Mame32, компилацијата од игрици, ви текнуе?
Немавме никој компјутер тогаш, па ја терав мајка ми секој втор ден да идеме кај едни луѓе на гости за да ги играм игриве, поточно омилената, Cadillacs and Dinosaurs.


И секако Hercules

 

@Annath, даааа постерите!!!!! Знам дека имаше некоја причина зошто го купував, ама никако не ми текнуваше зошто А дека германски учев и во основно и во средно, се „вадев“ дека го купувам за да го вежбам јазикот

Појма немав дека Girls just want to have fun не е на Синди Лопер Како одеше она интернетското- I was today years old кога дознав дека ова е оригиналот. Песната ко створена е за неа.

 

Не, преработката ја прослави Синди, а Синди ја прослави песната. Обострано беше
Јас Smash Hits! го купував ради јазикот. Браво ради постерите, Cioe ради подароците. Што пари сум дала за списанија тогаш....

 

Колку пари имам и јас дадено за списанија, чудо Најмногу германските ги купував.

@Annath, мислам дека во Браво, освен џиновските постери, имаше и подароци одвреме навреме. Ако не во германското Браво, тогаш во српското сигурно, а 20 денари беше српското издание, се сеќавам. Германското беше некаде 70-80, ако не се лажам, ама имаше двојно повеќе страници.

Еве на пример во овој број имало приврзоци за ташна и бесплатни карти за кино ама тоа за нас секако не важело



Mислам дека и купував Popcorn одвреме навреме ама тоа беше скапо многу, еднаш месечно го носеа само.
Е сега ме фати носталгија да одам и да си купам списание, не е исто да читаш од интернет и од хартија

 

Српско не сум купувала, само германско. Во периодот од 93-98 беше тоа. Имам и Попкорн купувано. Се сеќавам дека парите што ми ги даваа моите за јадење на школо ги чував и собирав да имам доволно. Тогаш Smаsh Hits! го купував еднаш на две недели, чинеше прво 90, па 130 денари. Тогашната вредност на парите беше друга, скапи беа списанијата за тоа време.

 

Списанија ретко купував, ми текнува понекогаш земав Наш свет, и Тин шема
Ама затоа најредовна бев во купување на весникот Вест, секој ден од прва средно заминував право во трафика да купам, бидејќи во него имаше сликички и по некои содржини за тогашните мои омилени серии, Млади бунтовници и Клон

 

Мм уште ја игра Cadillacs and Dinosaurs.И на компјутер ја чува а сега скоро и на таблет гледам си ја игра.
А се сеќавате на овие игри ?
Судбина си кажувавме ,што како ќе ни се сличи

И ова исто многу го игравме

 

Ние со другарките си "гледавме" да не речам гатавме, на колку години ќе се омажиме и за кој
Вака на лист пишувавме години кога сакаме да се омажиме, пишувавме број на деца, број на симпатии, дали ќе бидеме богати, сиромашни и пази, милионери, држави каде ќе живееме, и броевме со годината за мажење, вртејќи во круг, се додека од сите наброени работи кои одеа во пар, да останеше по едно

Исто и на кафе секој ден си гледавме, и бурма од мајките, со конец врзана ја вртевме над чаша полна со вода, и колку пати ќе чукнеше бурмата, тогаш ќе се омажевме мислевме
И цигарата откако ќе ја испафкав, јер не бев пушач никогаш, и неа ја вртев колку што имав години, и на крајот излегуваше буквата В секогаш

 

Леле даа,ме потсети на некои работи што ете не ми текнувале .Мене секогаш ми искачаше памтам С ,а замисли и мм е на С .
Имало вистина ,не дека не .

 

Мене 100 години по ред само В, и дур не се омажам за некој таков нема да верувам

 

Ова и ние го игравме.
Во квадрат на колку години сакаш да се мажиш. Горе тројца симпатии, Трајче Стојче и Петко да речиме, десно богати, сиромашни, милионери, долу 1, 2 или 3 број на деца и лево мислам беа местата на живеење. Кои петарди од деца сме биле.

Имаше и едно лимонче мислам се викаше. Парови се поврзуваа, кој со кого ќе се падне.
Гледања на карти за љубовна судбина сто и кусур знаев. Еех времиња.

 

А колку често им барав по 20 денари на моите, ги исцедив буквално Освен Чунга Лунга и овие ги џвакав многу, не знаев за мерка, целата лента на два-три пати



Други десерти и грицки

 

@prominent кај ти се минти и шок мастиките, хуба буба?

 

Super Mario



Panini албуми со сликички

 

@bicycle, прво не ми текнуваше кои беа Минти, ама кога ги видов веднаш ми текна... Имаше сликички и од Касандра мислам, радости



Овие мислам ги има и сега ама мене страшно ме потсетуваат на деновите од основно, на секој голем одмор ги јадев како десерт по тостот или бурекот