Споредба на цени во маркети

Не знам за месото, но сувомеснатото и кашкавалите им се скапи.

 

Не да се скапи, изгор.

 

Нема врска мало или поголемо место. Влегуваш - прашуваш. Ако дадеш повеќе пари и на крај на месец ти недостасуваат, нема тие да ти ги дадат. Затоа, за твои пари ич да не ти е гајле. И за поголемо место, таму каде што пазаруваш пак си редовен така да воопшто не треба да ти е тоа на памет.

Браво за пензионерката, така треба. Нема потреба да дава екстра пари кога може со нив да си купи уште работи, а и знаеме какви им се пензиите. За губење време? Може тоа ѝ е хоби плус е добро да се движи и шета наместо да скрола на фб како останатите. За други со поразлични обврски можеби не е толку одржливо ама за нејзе е.

 

Нормално дека ќе се скапи во Веро имаш 10 различни видови кашкавал и салами, наспрема другите маркети. Месото им е со врвен квалитет, таков квалитет никогаш не можеш да добиеш во Кипер или Стокомак. Затоа цените се високи.

 

Жито маркети ај што имаат ултра лоша атмосфера па и некои од продуктите поскапи и од Веро

 

Жити се со коментаров. А другите артикли потполно истите а со дупла цена во веро што е разликата?
Не знам кој уште пазари во веро.

 

ЈАС секој ден.

 

Разликата е во тоа што во Веро имаш огромен избор на производи наспрема евтините маркети. Веро постои уште од многу оддамна и секогаш има уникатни производи кои не се достапни во другите маркети. Прво таму почнаа со месара, пиљара, одел за сувомеснати, одел за сирења и кашкавали, играчки и друго што другите маркети по долго време започнаа со ова. Ако ти не пазариш таму многу луѓе пазарат.

 

Рекламен блок за Веро ли е ова

 

Не само беше посочена разликата зошто се таму високи цените.

 

Хаха најде мене баш да ми кажува за веро што имам информации од прва рака. Ова може на друг да му го продава

 

Не зборам за уникатните производи во Веро, зборам за оние секојдневните, од брендови што ги има и по останатите маркети. Не зборам за Бри сирење, туку пример за обично од Вемилк или Трница пример, што се поефтини на другите места. Поскапи се и тоа доста. Ама за свежо месо се добри.

 

Чувај си ги за себе информациите и пазари каде што сакаш никој не те примора да пазариш во Веро. Слободен избор имаме нели.

Тоа го зборувам затоа што имаат избор ги креваат цените на уникатните производи и на обичните производи што ги има секаде. Дискутабилна е темава ако зборуваме за најевтини производи такви се во Кипер, но колку им е квалитетот добар. Добро им е месото, јас секогаш пазарам месо и сувомеснати кај нив.

 

Супер. Продолжете да го богатите гркот, за исти артикли плаќајте дупли цени.

 

Леле со коментаров значи да го богатиме гркот, сите некого богатиме зависни сме од маркетите.

 

Месото во веро Битола…. По смрдено не постој. Открив една месарница каде што месото е за три класи подобро и се куртулив од смрдливото и стојано месо во веро.
Веро и вемилк сирењето биено што го има секаде е со 200ден поскапо од кам. И, поквалитетно да не им пуштаат баш за веро?

 

Такво такво, ако сакаш да се почувствуваш елита пазариш само од Веропулос пак каква и да била цената и квалитетот шо го добиваш

 

Супер што си нашла, твои пари ти одлучуваш каде ќе купиш. Јас основни намирници пазарам во Кам, а некои што ги нема, месо и сувомеснати од Веро. Од исто место набавуваат роба Кам и Веро. И да во Кам исто свежото месо е многу добро.

 

Истиот кашкавал, слајсови 100гр, го гледав производството од исто место, во Веро беше над 150ден, а во Стокомак беше 60ден. Од лани е покачено и во стокомак, мислам околу 80-90 ден е сега, ама пак е скоро дупло поефтино од Веро.
Нема врска квалитетот на вакви работи, маржа само имаат поголема.

 

Веро, Рамстор, Тинекс, Кит-го секогаш ќе имаат поскапи цени, затоа што земаат помали количини и по поскапа набавна цена, немаат попуст на фактура, за разлика од Кам, Стокомак, Кипер кои земаат поголема количина директно од магацин на добавувачите и сами си ја носат до маркетите.

Продавам на сите овие маркети и знам дека сите земаат по различна цена и од таму сите имаат различни цени за еден призвод.
Пример ако овие имаат набавна 34ден и продаваат 42ден, тогаш Кам, Стокомак и Кипер истото го земаат со камиони по 28 ден и го продаваат 36ден.

Месечно хардисконтите земаат роба од кај нас колку заедно сите други. Околу 5 пати поголема количина од Веро, Рамстор, Тинекс, Кит-го итн.