Штета што започнувам членство со ваков пост. Некој (едно јадно и одбиено суштество, со кое да зависи од мене нема да си имам никаква работа) се обидува да пласира гнасни лаги и измислици за мене со кои би ми го нарушил угледот на некој начин. Многу сум пребирлива и одбивам секакви секојдневни понуди за мување, лапање и слични глупости, како и оние за врска. Едноставно не сум заинтересирана. Така што, оние кои ме познаваат мене, а го познаваат и суштеството никогаш не би му поверувале, но проблемот е што не сите ме познаваат добро, а знаете дека на луѓето малку им треба да почнат да зборуваат, да филуваат и т.н. Значи се работи за многу лоша лага која многу ме навреди лично. Дури, ако размислам не ми е ни гајле што ќе помислат другите, мене ме боли тоа што ми се наметнува нешто глупо и бедно кое никогаш нема да го направам и никако не ги одобрувам сите што го прават. Клеветата е прв пат изустена во мое присуство, јас бурно реагирав, се подразбира. Таков карактер сум и сакам да спречам да биде повторувана и на други места. Размислувам дали да вратам така што некој ќе го превоспита лажгото, или да вратам со иста мера - проширување муабет?
Пушти му муабет. Јас вчера имав страшна кавга затоа што ме клеветеа. По ова сериозно ќе се преиспитам кој каков однос заслужува. Врати му и не попуштај.
Јас си имам едно непишано правило кое гласи: тоа што зборуваат за мене, не треба да ме интересира мене, а уште помалку тебе. И, да, секогаш кога некој ми отвара рекла-казала муабети, го потсетувам на ова мое правило. Нема што да им се нервирам на таквите, а уште помалку да се спуштам на нивно ниво за да се карам со нив.
Никогаш не можете да им затворите уста на таквите, но вистината треба да им се каже во очи, чисто да не мислат дека не знаете што ви прават зад грб.
Заради вакви работи, бирам со кого се дружам, на кој му посветувам внимание и кој дозволувам да ми се приближи. Не заслужува секој да е покрај мене. Сакам нормални, добри луѓе. Ми се случило да ме клеветат, да измислуваат работи, можеби и сега некој тоа го прави некаде позади грб и немам поим за тоа, но важно вака со луѓево со кои контактирам, нема таков проблем.
