Знам тоа. Мислев да се снајдете за толку кратко време. Ако е веќе неиздржливо. Знам како ти е. Маж ми кога живееше сам беше под кирија кај една баба. Маста му ја вадеше. Секој ден доаѓаше да проверува како му е внатре.
Баш денеска разговаравме со дм на темава, правевме пресметки. Под ќирија сме, и ќе купуваме стан веќе кога ми се платите поголемки. Реално, ако немаш на почеток поголема сума на пари за учество да дадеш, кредитот ќе биде преголем, за исплаќање 20-30 години и каматат што ќе ја вратиш на крај ќе биде како да си купел уште еден стан со 1 спална. Од оваа гледна точка, поевтино е пример цел живот под ќирија. Но тоа значи дека на децата свои (Дај Боже нели да ги имаат сите што сакаат) нема да имаш што да им оставиш, и ќе ги задолжиш и нив автоматски со кредит за живелиште. Само поради ова е поисплатливо да се купи стан. Најдобра варијанта е да се земе пример на 20 години, и да гледаш првите 10 години да го исплатиш цел. Сега има и поповолни услови, 3.5% фиксна камата за првите 10 години. Порано беше обично 3 години+2, и потоа од 5.нешто% нагоре каматата. После 10та година се качува каматата ептен. Моја другарка направија вака, и на крај им испадна камата да платиле како потрпшувачки кредит. Кредитот им беше на 20 и нешто години, ставија наеднаш поголема сума (продадоа недвижнини некои), и на крај ќе им дојде околу 4000 евра камата на 50000 евра кредит.
Јас би се решила за стан под кирија Не би сакала својот живот да го потрошам во стегање и без да го прошетам светов само заради децата да би им оставила наследство Што ако јас потрошам живот во сиромаштија за да исплатам стан ,за децата да имаат на готово све и ќе им текне или да го продадат или некое поколение да го искоцкаат цел мој влог ... Јас би се решила за квалитетен живот не за печалбарење , ако на децата им треба стан кога ќе пораснат нека работат и нека си купат
Ама немаат сите недвижнини да продадат. Без тие недвижнини ќе го исплаќале кредитот до 30 години. Без учество тешко се доаѓа до кредит.
Без учество не може, мора барем 10% минимално. Зборот ми беше дека најдобро е да се соберат барем 25-30% за учество, и каматата и рокот на исплата ќе се помали. Знам дека нема секој, за жал. Затоа и се чудам искрено кога гледам луѓево на колку ниски плати зимаат станбени кредити. Нас ни е страв некако, голем чекор е. А двајцата заедно немаме мали примања. Инаку изводливо е ако пример покрај ратата што ја плаќаш месечно, да успееш барем 100 евра на страна да тргнеш исклучиво за кредитот. И кога ќе се собере извесна сума да ја уплатиш, и се’ така. Ама пак зборувам за луѓе кои имаат повисоки плати од минималната/просечната. До душа и на пониски плати би требало да не даваат големи кредити, најмн 1/3 од плата мислам дека може да е ратата.
И станот си има рок на траење, ако мислите за децата внуците итн, тој стан тогаш ќе биде 50-60 години стар. Видете некоја зграда изградена во 60тите како денес изгледа, тоа треба да се руши, скапана руина. Децата и онака веројатно ќе сакаат да бегаат странство или пак ќе се испокараат хаха. Дефинитивно кирија е поефтината варијанта со овие цени на купување и издавање.
Во основа економско правило е ако киријата за 20 години е помала од цената на станот повеќе се исплати кирија, а ако е поголема се исплати купување.
Пак се зависи од платата. Ако имаш настрана некој денар, и висока плата каде нема да мораш да си скратиш работи бидејќи плаќаш рата од кредит, тогаш зошто да не земеш. Всушност, разликата е во парите кои ќе ги дадеш на почеток за учество и мебел. Потоа рата од кредит ли си плаќал, ќирија ли си плаќал - исто е. Дури може и ќиријата да е повисока бидејќи ако си пример 4-5 члено семејтво ти треба стан со 2 спални минимум. А ќирија денес за стан со две спални е мин 300 евра (зборам за солидно наместен, не некој со мебел од пред 40 години). Ратата од кредит би била и помала.
Швајцарија, Германија i Австрија имаат најмала стапка на жители што живеат во сопствен стан додека Молдавија, Романија И РСМ најголема во Европа.
Сега повеќето сакаат квалитетен живот отколку печалбарењето Се согласувам , овде на балканот е таков менталитетот , до душа за да се земе кредит за стан во Швајцарија или Германија тоа ќе биде рамно на роб, осудени се на работање цел живот само за тоа и за едно парченце леб Зградите пред 30 години во мк се во очајна состојба
Подолг период сме под кирија и се одлучивме да вложиме (да се задолжиме) за нешто наше... Во секој случај подобро е да купиш стан, куќа отколку да плаќаш кирија, но доколку си со помали примања, не ти е сигурна работата, или чекаш прва прилика да заминеш странство подобро кирија. Сега не сме за жалење за разлика од пред неколку години кога банките воопшто нудеа можности за станбени кредити или било каков кредит поголем од 10.000€. Кредитот ни е во процедура чекаме зелено светло за свелување. За кредит доколку сте 2ца едниот кредитобарател а другиот ко-кредитобарател или едниот станбен кредит другиот потрошувачки за учеството Во секој секој случај станот, куќата може и под хипотека.
Мојата рата за стан е еднаква како киријата за ист таков стан. Дефинитвно подобро да се купи според мене, колкав и да е. Само да земеш кредит е борбата.
Исто е и кај нас. Подобро да плаќам кредит, отколку кирија. Барем на свое сум. Не може да ми дојде газдата и да ми рече утре сели се. Или да дојде да ми проверува како ми е дома.
Истото е буквално. Стан под кирија е минимум 150 евра, зависи од населбата. Рата за стан е исто така од прилика таа сума, сега се зависи колку учество имаш и која квадратура. Сметам дека парите за кирија се фрлени пари во воздух. А кредитот не мора цел живот да го плаќаш. Пример месецов ти останал некој динар повеќе, тргни го на страна и секој пат така. Сепак свој стан е свој стан. Си го уредуваш како сакаш,знаеш дека е твое, знаеш дека е чисто и дека никој освен тебе не стапнал во него. Единствено позитивно под кирија да си е што не ти треба жирант, не ти треба договор на неопределено, не ти треба некоја посебна висина на плата, не ти треба учество. Ама пак, тие пари подобро за рата ќе ги дадам него за користење на нешто туѓо.
Тој што живеел под кирија знае како е. Даваш пари за нешто што нема да биде твое. Е сега...и кредитот е зезната работа. Нема да спиеш мирно додека не го исплатиш. Подобро да заглавам со кредит, отколку под кирија да седам.
Не сум била под кирија никогаш. Со маж ми се договоривме да штедиме за учество и кога ќе собереме некоја солидна сума, тогаш да купиме. Двајцата бевме едногласни дека сакаме да живееме во свое. Уште кога бевме дечко и девојка почнавме и таман кога се земавме, веќе беше наш. И еве сега си плаќаме кредит, имаме уште малку до крај и после има да го терам да се частиме некое екстра патување
По муабетиве ме потсетивте на другар шо седеше под кирија, газдата живеел над него и секоја недела доаѓал да провери дали им е исчистено и ги потсеќал дека на недела се чисти. Имал клуч и си влегувал без да ѕвони.
