Може е малце чудна темава, али ме интересираше што правите со старата облека ако ви е целосно здрава. Односно дали знаете дали може да се продаде некаде, на пример во некој од оние second hand продавниците?
имаат проект од влада мислам дека може да се донираат во социјално ,ние се јавивме на 080055800 рекоа дека доаѓаат и од дома ги зимаат
Исто може да се однесе и во Црвениот Крст, во секој град има и таму после прават пакети за економско загрозени семејства
Имав многу стара облека и на таван и тука што не ја носам или ми е малечка па ја собравме исправме и подаривме на едни комшии роми имаат мали деца нека си носат.
Во принцип имам некои да ги наречам „евергрини“, стари не знам колку години, одлично сочувани, според трендот ги комбинирам, па ми се случувало повторно да ми ги честитаат Имам парчиња кои сум ги купила со преголема љубов, па штом станат демоде, ги прекројувам, кратам или теснам, додавам детали и си правам нов модел. Остатокот одат кај едно семејство, за кое не сметам дека којзнае колку сум му помогнала, едноставно сум дала придонес на некој начин да им го ублажам горчливото секојдневие, со оглед на фактот дека имаат две прекрасни тинејџерки. Радоста на нивното лице, кога ќе буричкаат по кутиите е непроценлива и веднаш прават комбинации која што ќе носи, како ќе го комбинира, на кој начин ќе го преправи - е тоа е веќе креативност. Понекогаш се случува меѓу таа облека да има и парчиња со неизвадени етикети, што сум ги добила на подарок, а не и прилегале на мојата фигура или самата јас сум ги купила, со надеж дека некогаш ќе ги носам, но сум се здебелила и останале да висат во плакарот. Гардеробата од моите деца ја носам кај мајка ми, бидејќи се надевам дека брат ми и неговата идна сопруга ќе издвојат нешто од тие алишта што ќе им се допадне за нивните деца (кога ќе ги имаат), иако повторно ги пребирам поубавите или брендираните парчиња, а остатокот го пратив во хуманитарна помош за поплавените деца чии домови настрадаа во поплавите во Србија и БиХ. Гардеробата од мојот сопруг, најчесто ја наследува свекор ми.
Ја даваме или во Црвен Крст или на Роми и сиромашни семејства. Нема потреба да се фрла кога може да некому да му се подари што ќе има корист од истата.
До пред некое време ги давав на сиромашни или во црвен крст ама со оглед на тоа што имам сестра некоја година помала од мене сега кај неа одат они ги сака и си ги изнаносува
Порано старата облека ја давав на една моја познаничка која е помала од мене, потоа им ја давав на Роми кои живеат во близина, но во иднина ќе ја оставам за бездомниците кои жално ми е да ги гледам како буричкаат по контејнерите.
porano gi davav na edni komsii sto bea navistina nemaa i si gi nosea sekako i bea presrekni (bev poslaba pa poradi zdrastveni problemi se zdebeliv 20kg pa se sto imav odite kaj niv imase nekoi rab sto ni ednas ne bea obleceni)
Редовно се ослободувам од старата облека затоа што не сакам да трупам многу облека, посебно нешта што знам дека веќе нема да ги носам. Освен некои парчиња што се безвременски и квалитетни и можат да се носат неколку години, друго не чувам предолго. Нешто сум донирала, но признавам дека доста облека имам и фрлено.