Лесна книгичка, интересно напишана, се чита во еден здив, ве прави среќни, тажни, возбудени, збунети, зачудени... и остава да барате уште. Не знаев ни дека е преведена на македонски јазик, всушност, до вчера не ни знаев за книгава, но случајно налетав на факт дека според неа ќе биде снимен филм кој би требало да излезе во 2016 година (и случајно, главната машка улога му припаѓа на Robert Sheehan, ), така што ја најдов набрзина во pdf. формат на англиски јазик, ја прочитав за 2-3 часа, и да признаам, не ме изневери, па планирам деновиве да си ја купам од некоја книжара (издание е на Сакам Книги). Можам слободно да ја ставам во моите топ три од овој жанр (Young Adult), и топло ја препорачувам секому кој сака да потроши неколку слободни часови задлабочен во една несекојдневна приказна, полна со пресврти и многу случајности.