Главната вечер оваа година е на 28ми фебруари. Одам секоја година, а ќе одам и оваа. Еден од најдобрите карневали во Македонија. Дали планирате да се маскирате и да одите?
Не е во исто време. Прилепскиот е на прочка, а струмичкиот пред. Е сега кај мене дома на едниот календар прочка е на 1ви март, а на другиот на 8ми март. Според тоа дека велигден го пишува на 19ти април тогаш би требало прочка да е на 8ми март. Дај некој ако знае нека каже. Забегав малку од темата. Мислам дека порано карневалот беше подобар сега некако послабо ми е. Не верувам дека ќе одам годинава тие што ќе одаат убаво да си поминаат.
Оваа година изгледа ќе успеам да отидам и многу се радувам Прекрасен настан ми е, ниеден друг карневал во државава не се споредува со овој во Струмица, барем според мене.
На 29ти е карневалот оваа година, прочка е на 1ви. Многу ми се допаѓа карневалот како манифестација и како традиција. Ми буди многу убави чувства и имам ептен драги спомени од детството. Се сеќавам како со сестра ми ги пречекувавме мајка ми и татко ми од работа секоја година, па ги брзавме за порано да отидеме, да не случајно испуштиме нешто. Потоа седевме во некоја пицерија, секогаш тие неколку што се најблизу до паркот, и не пуштаа да прошетаме малце. Еве се разнежив сега. Последните 3-4 години, па и оваа, поради студирањето го испуштам карневалот. Секоја година ми е толку мака што не сум дома, па си велам следната обавезно ќе си одам, и пак ништо.
Главната вечер е на 29(сабота). Почнува од вторник мислам, ама за тоа не можаж да тврдам бидејќи не е нешто што многу се применува. Во четврток има маскенбал за средношколци и петок продолжува општо за сите и од еден потесен круг се бираат крал и кралица на карневалот кои ја отвараат следната вечер. Во недела е прочка и утрото се маскираат мали дечиња и шетаат. Според традиција треба да си биде во вторник, и долки години беше така. Го сменија во сабота заради поголема посетеност, тогаш луѓето се послободни.
Се сеќавам како мали не носеа со сестра ми на детскиот карневал во Струмица преку денот. Ама бевме среќни Додека ги гледавме сите учесници потајно ни беше криво и си посакувавме и ние да сме дел од маските, а вечерта гледавме пренос во живо на телевизија од главната карневалска вечер Како средношколка одев, ама мислам дека имаше поинтересни забави од сега. Сега не би отишла бидејќи го нема тој дух и радост околу случувањата. Возрасните одбегнуваат гужви и излегувања од дома, децата веќе не се радуваат на тоа и имаат други интереси.