Стручни совети од архитектки!

Ако сакаш да работиш на таков сличен проект,зошто да не те видиме и тебе во таква емисија?

 

А на која програма ја даваат емисијата и во колку часот?

 

Ако мислиш на емисијата Ајде дома,таа се емитува секоја недела во 15:35 на Телма

 

Лејди, мислам дека нема млад архитект кој не би посакал таква работа, мислам дека концептот е супер, предобар, мислам дека е многу забавна целата таа работа, но еднаш пуштив CV и не добив никаков одговор и не ни знам како би влегла во емисијата. Додуша да се пофалам и камера ме сака и имам желба, само уште некој да ми ја оствари де

 

Имам еден мал проблем, ако може помош.
На терасата би сакала да ставам масичка, но за жал просторот каде што единствено може да се стави масичка е тесен, и исто така ако масата биде статична нема да може да има премин до местото за пружање алишта. Не знам колку добро ја објаснив ситуацијава , но ако некој има совет ќе приложам и слика.
Всушност, сакам масичката да биде само една даска или плоча која би се повлекувала накај ѕидот или би се извлекувала нанапред при што не би заземала простор кога не е извлечена.
Прашањето ми е, дали ова може да се изведе?

 

Може, за мобилна ќе ти треба мајстор, треба да намонтираш шарки како за врата на даската кои ќе се спојат со оградата или ѕидот и плус ногарки кои ќе бидат на расклопување и ќе се отвараат кога "масичката" ќе се отвара. Се надевам ме разбра, ако не ќе треба да нацртам да ти испратам

 

ја гледав вчера, ама не догледав и мислам дека не ни заврпи.Опремуваше стан од 140м2 со фури 4 спални.
И мислам дека не успеа се за во една емисија.
Искрено ме привлекуваат ваков тип на емисии, но не ми се допаѓа многу тоа што таа го прави со боите, бидејќи ја не сум љубител на шаренило.И се на едно место и во боја зидови и тапети и стикери и...шарениз авеси и принт на плакарите...сепак е премногу.

 

Фала ти на одговорот, супер е. Мислам дека ќе се снајдам.

 

И без ногарки може . Како на сликава. Потпора на зидот, две ментешинки за масата да може да се спушта.уште две за тоа што ја држи, се свиткува рамно кон зидот и масата паѓа надолу за склопување. Икеа ги продава готови, ама малку од малку мајстор некој, лесно ќе ти скове една за поевтино. И ако ти ја прави некој да вдлабне и кочница за потпирачот да не клиза лево десно кога масата е во употреба, маса пери носи.

 

дома сакаме да ставиме нов под зошто имаме штици обични и над нив теписони од најстарите. Сакав да прашам дали да ставаме на нив паркет или да ги вадиме па да циментираме па после паркетот. Собата ни е 5x4 метри огромна е.не знам колку пари ке не фати ако ги извадиме штиците па подлога да се направи?знае ли некој од прилика колку би испаднало?

 

Мислам дека мора да се вадат штиците и да се става цементна кошулка(така се вика) за да се стави паркет.Поинаку не е изводливо, може штиците не се ни рамни.Јас учев само еден предмет за тоа и не сум толку согурна, ама распрашајте се убаво, за после да не утнете со паркетот.А за пари сигурно нема да ве фати многу зошто ако така треба да се направи сигурно ќе биде вклучено во цената на мајсторот, а ако веќе сами си местите нема што парите да ве загрижуваат.

 

Доколку сакате да лепите паркет класично, како што на времето се лепеше со асфалт, мора да оди цементна кошулка. Но доколку сакате да ставате Таркет или Ламинат нема потреба, оди изолација од филц или стиропор и плочите се редат. Е сеа што и да се одлучите ќе ве фати исто, ако вадите штици па да ставате кошулка и паркет да лепите и да ставите Таркет или Ламинат, со тоа што вторава варијанта е многу побрза и нема потреба од чекање да се исуши, да легне, да се залепи, па после паркетот да се струга, па лакира... Јас сум секогаш за Таркет, за разлика од ламинатот е поскап малку ама затоа е многу подобар и има изглед буквално како паркет ако е убаво наместен и нема потреба од стругање, лакирање и чекање

 

Здраво! Мене ми треба некој добар архитект или некој за внатрешно уредување, да може да ми помогне околу бои, плафони, преградување и слично. Ве молам ако има некој од вас што работи ова или имате искуство со некој добар, пишете ми контакт. Ви благодарам многу.

 

Девојки архитектки, сакам да прашам дали е лесно уништлив светлиот (бел, сив) ламинат?
Како реагира во контакт со штикли, чест негов контакт со течности ( било при чистење, било при истурање) и слично?

 

Ламинатот има демек нешто поиздржлива фолија од паркетот, а бојата не игра улога. Најголем проблем кај ламинатот е прашината, ако не бришеш секој ден по ќошовите ќе се нафати една прашина во вид на волна и се гледа, е сеа таа е сивкаста па кај оваа боја не би имало проблем, проблем е кај темните, Венге бои или Црешово дрво. Во врска со издржливоста, па познат е по тоа демек не е толку осетлив како паркетот, има нешто поголем праг на толеранција, нормално ако истурите вода која нема да ја избришете или ако се потопи од голема количина на вода ќе се оштети. Се зависи од тоа како ќе го заштите самите, дали ќе се гази на него постојано со штикли, дали ќе биде на место каде постојано вода ќе биде во добир со него, а нормално и од тоа како е наместен, и од каде е набавен, си има и тој класи

 

Сакаме да правиме нова кујна, па размислуваме дали да земеме предузимач кој ќе ни ги заврши сите работи или сами да си бараме мајстори.
Како иде постапката, односно кои профили на мајстори ќе ни требаат? Мене ми текнуваат овие:
1.демонтирање на старата кујна
2.ставање на гипс картон
3.ставање на нова врата
4.преместување на парно
5.кршење на плочки
6.лепење на плочки
7.менување на прозор
8.водоинсталатер
9.електричар
10.изработка и монтирање на кујната
11.кречење

Ќе ни треба ли уште некој мајстор?
Вака ли оди процесот или грешам?
Дали е потребно архитект да ни ја нацрта кујната пред било што да почнеме да правиме или се може да ни нацртаат тие што ќе ни ја изработуваат кујната?

Се извинувам за поставените 100 прашања, но навистина многу ни се потребни овие информации пред било што да почнеме да правиме.
ФАЛА однапред за одговорите!

 

На дел од прашањето сама ќе си одговориш, бидејќи не може да ти одлучи никој дали ќе викнеш или не архитект. Во принцип јас би ти рекла да, побарај архитект, но тоа ако не се поклопува со твоите сметки нема да си земеш. Архитектот може да ти ја нацрта кујната и да ти ја испроектира, да ти помогне во изборот на бои, на облоги, да ти даде некоја идеа, а мајсторите ќе ти ја направат но естетиката нема многу да ти ја добираат. За останатите работи ќе ти треба друг мајстор, гипсар, плочкар, водоводџија, електричар, молер... Може не е лошо да земеш предузимач, ама они обично не се нафаќаат да работат мал обем на работа, си сакаат да си работат поголема работа, не им се исплати вака. Најубаво е да си побараш сама, поефтино ќе те фати така да си најдеш две-три екипи, да си ги изорганизираш и готово, обично плочкарот и работи гипс, често имаат и водовдции и електричари, па и молерисуваат. А за архитект ти се нудам јас Ветувам Фемински попуст

 

Купив нов стан на кој му треба комплетно уредување.
Сеуште сме на почеток, околу подот... треба наскоро да одговориме дали сакаме паркет или ламинат. Скоро сите со кои се консултирав ме советуваа тоа да биде паркет.. но слушнав за некој си германски ламинат водоотпорен и као демек бил поквалитетен. Па кој може, ако не му е тешко да сподели мислење и тука, со оглед на тоа дека овде има стручњаци
Туку уште нешто...погоре прочитав "Таркет" и да бидам искрена прв пат слушам за тоа..
Ќе може ли совет што е најдобро да се стаи?!

 

Ако имаш избор јас би одбрала Таркет, тоа е тоа што тебе ти кажале германски ламинат, тоа е всушност нова техлогија на местење на паркет, не се струга, не се лакира и не, паркетот не е подобра варијанта од ламинатот. Како прво и основно е поскапа варијанта, а потоа и рачунај дека сака стругање, лакирање, па ако не е убаво одбран и ако не е дрвото квалитетно ќе се истроши, црв може да го нападне или да се исуши и дупчиња да ти се направат на крај, цели процепи. Јас би одбрала квалитетен ламинат или Таркет

 

Феминки ќе Ве молам да ми кажете каде во Ск има убави салони за столици трапезариски?