Стручни совети од архитектки!

Зависи колку пари имаш да потрошиш, мене ми се за цената оние во YUSK сосем добри, но се знае квалитет и модели најубави за трпезариски столчиња имаш во Дени Мебел, тие едно време беа исклучиво ориентирани на столици, имаш најразлични модели и изработки. Инаку и во Југоекспорт стил ми се допаѓа изборот.

 

Благодарам на советот

 

Ние во станот имаме таркет, предобро изгледа, монденски и дава многу убава свежина на собата. Воопшто не ми е жал за паркет, има добра изолација, супер е за одржување. Го одржуваме 3 години со усисавање и бришење со маслените средства за под, како нов е уште.

 

Има ли некој начин на иверица да и се смени бојата? Некој вид „лепенки“ ? Не знам како да ги наречам ама нешто да се залепи врз иверицата?

 

Да има, се лепат слично како тапети, само им го заборавив името, ќе се распрашам и ќе ти кажам, а може Angel знае, ќе се јави во темава.

 

Мајка ми ми вика дека гледала во Џамбо ама тоа било одамна, не знам дали има сега.. Инаку на кое друго место да барам?

 

Епа вака, мојата дневна соба е со бела кожна гарнитура и со комода бела со црно . Ѕидовите се бојадисани бели сиви и потемно сиви. Поврзана е со кујната која има бел шанк и нејзините елементи се црно бели. Е сега сакам да ставам и друга боја за да го освежам станот да не е толку едноличен но не знам со која боја да бојадисам и да ставам такви додатоци кои би го смениле изгледот до некаде..... Ваше мислење ?

 

На бела и црна одговара секаква боја, зошто пред се тие не се бои, но за да избегнеш канцелариски изглед јас би ти препорачала да не користиш бои како црвена, лилјакова и сл на нив.Убаво би изгледало со нијанси на кремава, темно зелена, тиркизна, исто и жолти детали изгледаат одлично иако тоа се малку посмели комбинации, кафеаво и дезени на дрво се препорачуваат во вакви ентериери затоа што ќе дадат топлина, сепак ако остатокот од мебелот е со висок сјај потребно е ептен на лице место да види дизајнер или архитект за да може да најде соодветно и убаво решение.
Еве ти некои примери

 

сите комоди се со висок сјај и воопшто нема топлина и не изгледа на дом затоа сакам некоја боја која ќе внесе топлина во овај ладен простор

 

Вие сте ја направиле грешката уште на почетокот, затоа збориме цело време дека не секој може да биде дизајнер и проектант.Јас како стручно лице никогаш во дом не би препорачала црно-бела комбинација со сиви детали и елементи со висок сјај.Најпрво делува канцелариски и ладно.Јас ја сакам црната и веројатно би ја сместила во ентериер, но во комбинација со некои топли бои и дефинитивно со парчиња мебел во дезен на дрво.Ти го кажав решението, бидејки не планирате да купувате нов мебел ти останува да смениш боја на ѕид во некоја од боите што ти ги кажав, може да вметнете некој стол во друга боја како на сликиве што има, уметнички слики во некои јаки и топли бои, завеси, пернички, подни прекривки и сл.

 

А која боја би ја вметнале во комбинација-лилаво,бела,сива комбинација???Ставивме слика во тие бои + нијанси на зелено,тиркизна.Остануваат завесите и најверојатно тапета на еден зид.Совет?

 

Јас ѕидовите би ги фарбала виолетови,ама онаа темна виолетова мислам дека најубаво би било

 

Со темна виолетова ќе биде многу затворено и ладно, најдобро завесите да ги ставиш бели, а тапетите може да бидат со нијанси на зелена(како на сликите), зошто ако ставиш уште некоја боја ќе настане една каша.Тапетите нека бидат еднобојни, евентуално ако имаат шари и тие да бидат за нијанса посветли или потемни, најдобро ѕидот да го исфарбате во боја место тапети, зошто тапетите се тешки за отстранување ако некогаш посакате да промените.

 

Се зависи од тоа каква е иверката, дали е сјајна и мазна или е рапава со текстура, додуша и едната и другата ќе се залепат, ама кај мазната е многу полесно, додека кај рапавата може и да се одлепи со тек на време или пак да не се залепи воопшто. Фарбањето исто, но и кај едните и кај другите може да не заврши работа бидејќи треба претходно да се обработи со шмиргла парчето, а фурнирот не се обработува никако. Обиди се, не знам што да ти кажам.

Јас најмногу се “плашам“ да работам со монохроматски бои. Изборот ќе биде твој, бојата што ти се допаѓа, но ако преовладува повеќе црната од белата внимавај многу, да не биде премногу “шарено“ со употреба на некоја боја, кај посветлите ентериери во монохроматски израз јас секопгаш давам прилика на жолтата, на тиркизната, на портокаловата или на боја на егзотични дрва, оние дезени на фурнири кои ги рекламираат како егзотични дрва од Азија или Бали, лупетам, ама убаво делуваат кај бледите ентериери.

Мислам дека веќе многу бои сте вметнале па да се држите за една малку подоминантна што е, за да оди целиот ентериер на таа боја, да не се двои многу.

 

Ми треба совети за станот, бидејќи порано ќе заминам на породилно, па во план сум да си пречекувам мајстори дома
1. Станот ни е нов, 3 години од изградба. До пред 1 година немавме комшии и звучната и топлинската изолација ни изгледаше перфектна. Откако се всели комшивката нема мир од 6 саат сабајле (кога станува да се спрема на работа, а се враќа од работа после 4 со нас). Да не должам, се слуша кога ќе влезе во тоалет и како моча (пШШШШШ) и како се тушира, абе низ цел стан брмчи! Срам ми е кога ќе дојдат гости попуштам тв! Тоа што се слуша како брмчи е вентилаторот од тоалетот, а се слуша низ цел стан - бидејќи вентилаторот е поставен помеѓу двата стана. Нашата дневна со ходик и нејзиниот тоалет се граничат.
Прашањето ми е, бидејќи може да поставиме дополнителна врата и да го затвориме ходничето, дали брмчењето ќе се слуша повторно до спалната (ѕидот до спалната и нашиот и нејзиниот се граничат исто така)

Незнам дали сум јасна, ако неможете да помогнете дајте предлог за добри мајстори што фино и културно ќе ме дружат периодот за одмор.

 

Доколку ставиш врата нема да го решиш проблемот, зависи додуша каква врата ќе ставиш ама тоа нема да го реши проблемот. Најдобро да си ставиш изолација и покрај тоа што ќе ставиш врата. Не е до комшиката да се разбереме, до инвеститорот кој ви ги продал становите е, парите за изолација завршиле на некоја плажа во Грчка. Мој совет, изолација и врата!

 

Благодарам Ангелче, а мислиш дека велнтилаторот во тоалетот е со можеби лош приклучок. Познаваш некои мајстори што тоа можат најпрофесионално да го завршат?

 

Мајстори не можам да ти препорачам, немам, порано работев со едни дечки сега некако не ми се врзува со мајстори пошто вистинска уметност е да најдеш мајстор на денешницава, ужасни се. А што ти значи тоа можеби лош приклучок? Не работи или? Мислиш дека брмчи ради лошиот приклучок? Не разбирам. Инаку најдобра опција ти е да си поразговараш со комшиката и заедно да делувате, не знаеш па како е кај неа дома со звуците од кај вас и ако се делува на ѕидот од двете страни е поголема веројатноста да се постигне саканиот квалитет

 

Мислам дека брмчи од лош приклучок или лош тип на вентилатор.
Знам дека добри мајстори нема ни за заби, ни за плочки, ни за чешма да ти стави, а не па изолација.
Благодарам на одвоеното време