Стручни совети од архитектки!

]
@AngelOfArh Еве ја сликата од кујната. Ова е цртано кога не знаевме, каде се точно инсталациите. Значи каде што е фрижидерот тука е приклучокот за шпорет и аспиратор, а каде што е шпоретот е приклучокот за садоперот. Прозорот не е толку блиску како што е на сликава. Дали по твое мислење би било паметно, ѕидчево што е на левата страна кај што треба да биде шпоретот да се продолжи, со цел да се добие на фунцкија, односно на некој начин да може да се стави уште некој елемент, а шанкчето да иде од прозорот до некаде повеќе од средина?

 

Вака како што изгледа скроз е поразлично тоа што ми го прати во порака и ова, некако премал е просторот за кујна во споредба со основата, мислам дека имаш нешто сменето, нешто со димензиите во овој 3Д приказ. Поготово што ѕидчето до прозорот е многу поголемо од ова овде прикажаното. Мој совет да ги провериш димензиите. За фрижидерот единствен простор би ти бил тој до прозорот. Не знам дали планираш мал фрижидер како на приказот, али не ти го препорачувам, мал е многу за фамилијарен стан. Ѕидчето не го продолжувај, не е така едноставно од линиска кујна да направиш кујна во Г на овој просотор, мислам дека треба да ја продолжиш кујната кај прозорот, значи на тоа ѕидче

 

Каде може да најдам таква програма?

 

Ако ми дозволите да ви се смешам во муабетов, мојата кујна и исто волкава и со ист распоред на приклучоците и на иста позиција има прозор. Замисли стан од 75 квадрати, а кујна од цели 3 . Можам да ви кажам ние како ја изведовме, со милион и една консултација со мајсторите и стопати досаѓав овде на форумов. Значи од лево на десно, прво шпорет со аспиратор 60 см, па вагонетка од 25 см, па машина за садови 45 см, следи садоперот кој е мислам околу 45 и има коше каде што стојат сите мали апарати (посебно се правеше таму инсталација т.е штекери и осветлување), и вртиш на фиоки мали некаде околу 40 см и уште фрижидерот кој е рамно до прозорот. И многу важно гледавме просторот во висина до крај да се искористи, односно горните висечи се буквално до плафон, и го купивме највисокиот фрижидер кој го најдов 201 см. И после една година користење моето искуство е дека кујната е скроз функционална. Имам и мала скаличка на дофат за поткачување за најгоре да дофатам.

 

Може да ми препорачаш некој столар од кој си задоволна за кујната? Кај нас истата е 4 м2, а станот е 52 м2. Така да ќе мора да ја правиме по мерка. Исто да те замолам ако можеш да ставиш слика од твојата кујна.

 

Кои плочки за купатило се најдобри за чистење,мислам на боја?
Еден куп прашања имам уф.Од кирија сега одиме во наш стан и имам стотици дилеми.
Исто ме интересира бојата на ѕидовите.Која е најпогодна за дневна,детска и спална.Се повеке налетувам на ѕидови во боја.

 

Joy според мене најдобри плочки за чистење се сјајните, буквално се паѓа од нив со слаби средства, додека гранитните си сакаат поагресивни хемии и повеќе триење. Но тоа од лично искуство, е сеа, за под некако сјајни не ми се ставаат, деца утре задутре ќе летаат ко пердувчиња по подот, најверојатно ќе ставам гранитни и јас. Бојата со чистење нема врска, на темните ќе се познава бигорот, на светлите ќе се познаваат флеките, и двата вида ако не ги исчистиш ќе се познаваат прљавштини.
Боите ти зависат од сопствените желби. Но основно правила, во дневна било каква боја стави но во спалните топла и смирувачка, пастелна боја.

 

Извини MissDaisy не објавувам лични фотографии на форумов, кујната горе е бел сјаен медијапан и е буквално до плафонот, а долните елементи црна иверка. И за столар е тешка работа, јас можам да ти дадам контакт од мојот, но не можам да ти го препорачувам. Мислам крајниот резултат е добар, ама до крај охоооо, влечуга невидена, за кујна од 3 квадрати чекав со месеци, па вамо бил па таму, па утре, па нема да дојде а не се јавува на мобилен. Среќа па и ние не брзавме со вселување, ама иритира, и се ти е поврзано едно со друго

 

Те разбирам Иренче Сите столари се влечковци, чудна работа, досега кој да прашам, сите одговараат ќе ти сработи ама дур ти сработи..... А кога си ограничен со простор мораш по мерка. Ќе видиме ние нешто мора да смислиме, за да го искористиме убаво просторот.

 

Јас се имам на неколку пати изгорено со препорака и од тогаш не препорачувам, ако имам своја екипа да, ќе работам, ќе го буткам јас, ама вака не. Мојот столар беше брз, ама страшно скап, ќе се договорам ја една цена со клиентите, друга он ќе ми стаи, страшно ме нервираше тоа. На еден ентериер го закрпи 5 000 евра повеќе инвеститорот, за цел стан мебел, епа не се малце, а инвеститорот да не ми каже дознав на крај, од тогаш раскрстивме со него, не работиме повеќе заедно.

 

Имам прашање околу замена на парно, електрична инсталација и паркет.
Бидејќи ќе го реновираме целиот стан, не знам што да правиме со парното-дали да купиме нови или овие да се извадат, да се исчистат, да се префарбаат и да се вратат назад? Каква е процедурата-дали ова може да го изврши Топлификација или треба мајстори да си бараме?

Во врска со електричната инсталација-дали мора да се менува или може да остане истата (немаме никакви проблеми).

Паркетот е стар, оштетен, на некои места кога ќе згазнеш-крцка. Не знам дали скроз да го менуваме или само да се иструга и излакира.

Ве молам за совети, стварно не знаеме што да правиме! Секој архитект и мајстор би рекол се да е ново-затоа што така им е полесно, плус е поголема заработката, ама стварно не знам дали има потреба.

 

Дали има некаква врска на која страна е сместен брачниот кревет?Ми кажаа не требало со главата запад да биде.Вистина е?

 

Тоа според мене се суеверни мислења, не е до толку до правила. Најдобро е да биде со главите кон ѕид кој не е фасаден заради ладниот воздух, да не ви биде ладно во зима, иначе друго нема врска. Мене на пример ми е филм под прозор, ама тешко дека ќе го ставам под прозор, некако ми нема логика убава просторот. Единствениот убав простор ми е кон север, ама па тој просор ми е измислен за плакарите и никако не си Кога работам ентериери за клиенти е толку лесно што си мислев ех кога ќе дојде мојот ентериер на ред, штоооо? Лудило, главата ми исчури додека да го скоцкам како што сакам :/

 

Здраво. Ми треба совет за уредување на соба со ширина 3м а должина 4м. Собата е моја и на сестра ми, значи како за две поголеми девојки. Милион пати сме ја преуредувале ама бидејќи не располагаме со голем простор никако да погодиме соодветно уредување. Оваа пролет сакаме се да купуваме ново и да ја уредиме, но никако да најдеме соодветен распоред на нештата, како и да ја наместиме пак ни е тесно.

 

Да стварно е премал, ама сите други соби се зафатени така да немаме друг избор. Вратата испаѓа некако во ширината кај што е 3м, скроз на крај, а прозори има 3, исто во ширина од спротивна страна на вратата.

 

Мене за мали простори ми се супер оние кревети кои преку ден можеш да ги претвориш во софи, за да може да ти дојде некој во соба и да не ти седи врз постелнината. Види на страната на домиталиа, малку се поскапи, ама барем за инспирација.
Ако имаш место во ходник или некоја друга просторија, стави го таму плакарот, во соба стави некој фиокар или помал плакар, колку за долна облека, пешкири и други неопходни работи.