Кај мене долните елементи се со висина од 90цм, висечките се поставени на 50цм над работниот простор. Јас тие димензии ги знам како просечни (задолжително минимум 40цм над работната површина, никако пониско од тоа), а секако има мал милион варијации. Битно е да биде функционално и да не си ја удираш главата од висечите ако се поставени прениско или да се достигаш до нив ако се превисоко поставени.
Јас многу сакав да ми се на 40-50 см растојание горните елементи. Како кај американците, кај нив се многу ниско поставени ама заради аспираторот ги кренавме горните на 65 см. Инаку ќе требаше останатите на 50, а аспираторот 65-70, а тоа многу грдо ми изгледа.
Дали знаете колку земаат архитектите за да ти направат проект за уредување на спрат? И ако знаете да препорачате некој.
Ми треба совет за тапети. Сакаме да кречиме и сакам во салон само на едниот ѕид да ставам тапет. Ѕидот позади комодата и ТВ то. Не сум сигурна дали се става тапет само на еден ѕид. Може совет од некој архитект? И освен во домус, кај можам друго да најдам тапети?
Зависи како го замислуваш тој тапет. Баш класични тапети или слика на цел ѕид? Мене лично слики на цел ѕид позади телевизор не ми се допаѓаат, ми го одвлекуваат вниманието, ама, на пример, тапети во неутрални бои и дезени би изгледале интересно.
Да, на тапет мислев. Сакам на крем боја. Се мислев дали да биде на линии или да биде со некои шари. Оние тапети сами од себе што имаат дезени..Фала ти
Боа ако сакаш пиши ми лп што те интересира подетално, уредување само на ентериер или со архитектонски решенија? Јас сум дизајнер и можам да ти дадам понуда ако си заинтересирана.
Планираме да направиме детска. Е сега најголем проблем ми е материјалот за креветот и плакарот. Сакам нешто што нема да се познаваат прсти. Кујната и комодата во дневна ми се медијапан и многу се познава. А и многу тешко се брише. Значи нешто полесно за одржување. Што би препорачале.??
@НаталиЛили Фурнирана иверка е обично материјал од кој се произведува мебел за детски соби. Можеш да најдеш фурнир во секаква боја, поефтин материјал е од медијапанот и полесен за одржување.
Ми треба совет за реновирање на купатило, големото ќе ги кршиме плочките и ќе ставаме нови, за малото што е само тоалет, сакам да се поштедиме од кршење па дали да лепиме врз тие плочки или има некоја опција за ѕидни облоги? Што би препорачале за уредување без кршење на плочките?
Мими ние во кујна редевме над старите плочки. Супер е, не се познава ништо. Инаку која цена отприлика да ја очекувам за стругање и лакирање на паркет?
А дали се намалува просторот визуелно дека малечок е тоалетот? Иначе за паркет 3,5 евра со наш материјал од квадрат, а со негов 7 евра, демек со попуст ама отприлика се толку.
Доколку старите плочки не се одлепени и не пропуштаат вода, доколку не се оштетени - нема потреба да ги вадите. Мајсторот си знае, ќе стави лепак за плочка врз плочка и ништо нема да се познава. Плочките се 5 милиметри максимум, лепак се става максимум 1 сантим (доколку нема потреба да се "исправа" ѕидот) и се на се нема да изгубиш многу простор. Ако реновирате само од естетски причини тогаш нема потреба да олепувате плочки а нема ни да се забележи дека се лепени нови одозгора. Моја препорака е да изберете посветли плочки за визуелно да го отворите просторот. Прашајте каков лепак ке ви стави, има огромна разлика во јачината на лепакот. Доколку ви стави послаб лепак ке ќари многу, послабиот лепак е поевтин.
