Мајстор што работи со гипс картон, ти фалат места за лепење прашина? Лајсниве се магнет за прашина собирање, а пошо се гипс и фарбани не можеш да ги бришеш со ништо освен прашко и сува крпа. Моментален тренд е, не би ти препорачала.
имав напишано таму мислење може си го видела може си го игнорирала пред да почнам да градам куќа се изформирав читав и постетував куќи монтажни Тоа шо го видов воопѓто не ме бендиса па се одлуив за тврда градба ем скапи ем за ниакде квалитет шупа права шупа за стока а 500 е квадрат
Не сум го видела коментарот….хмммм а колку се убави на лик….. Цврста градба ѕидана куќа,колку е цена по м2 дали знаеш?
Јас имам подни гранитни плочки. Не се лизгаат ама моите се некоја светла крем боја и многу тешко се чистат.
Треба да одберам под и врати за стан во изградба. Имам (според мене) многу ограничен избор, и особено не можам да се одлучам која боја на под би била најдобра за тоа што ќе го сакам понатаму. Овие трите се изборот што го имам, со тоа што таа најдесно не е баш таква нијанса, туку е многу специфична боја, некоја комбинација од портокалово и жолто. Можеби на другите слики подолу ќе се гледа подобро. Не дека се разбирам нешто од дизајн, ама претпоставувам дека сепак подот треба да си одговара, односно да е складен со вратите. Еве ги подовите спрема изборот на врати: Оваа врата е она што јас би го избрала во идеален свет, ама не ми одговара со ниеден од подовите. Ја ставив сликата ем за да кажам кон кои нијанси на дрво тежнеам, ем затоа што се гледаат подовите во различна светлина. (и левата и десната врата можат да се изберат, меѓутоа мене лично не ми се допаѓа десната врата) Вратата лево не е баш бела, туку е бела со светло сиво. Најмногу ми одговара со сивиот под, иако мислам дека може да се искомбинира и со кафеавиот под (тој во средина). Што мислите вие? Класична бела врата, одговара со сѐ (десно од неа е првата врата, малку поинаку изгледа бојата од овој агол - вака и повеќе ми се допаѓа, не е толку светла како што изгледа на првата слика). Најголем страв имам за чистење, затоа повеќе тежнеам кон другата сиво-бела врата која не е баш чисто бело. Од друга страна, можеби оваа е сепак подобра за чистење, односно кај сиво-белата можеби полесно би се познавало некакво оштетување после чистење, или? Е сега, да дадам контекст зошто ми е тешко да изберам под, а со тоа и врата. Сѐ уште немам детална замисла како би изгледал стилот на дневниот простор (дневна + трпезарија + кујна), меѓутоа знам дека сакам пример комодата кај телевизорот, масите во дневната и трпезаријата да имаат изглед на дрво, односно да не се во некоја боја, или барем не целосно (вратничките на комодата секако може да се прошарани со некоја боја). Нешто како првата врата, може и малку потемно. Мислам, не сум фиксирана толку на една боја, само кажувам дека не би сакала дрвото да е темно кафеаво, ептен рустично или пак пребледо крем. Сакам простори кои даваат „огнена светлина“, како навечер во кабина со камин на филм, не знам како поинаку да објаснам . Значи, најсветлиот под да изгледаше како на скроз првата слика можеби ќе беше и идеално, ама како што гледате од другите слики (барем се надевам се познава), има некоја посебна боја што не знам со каков мебел потоа би одговарал, ама не верувам дека со таква нијанса каква што би сакала, можеби е премногу „дреч“. Сивиот под ми дава „канцелариски“ вајб. Мислам, гледав слики на интернет, не велам дека нема добри решенија за дневен простор, ама мислам дека примерите што ги гледам се малку спротивни од вајбот што го сакам . Што нѐ доведува до кафеавиот под. Не е темен под како што има изразено темни кафеави подови, повеќе го доживувам како избледен кафеав под со темен поттон, ако прави некаква смисла Никако не можам да најдам пример на интернет со ваков под, сите се или претемни, или имаат друг поттон, па не знам како би се вклопило со мојата замисла, односно мојата желба за мебел, не знам дали ќе одговара. Во суштина, сфаќам дека што и да одберам, нешто ќе жртвувам, само не знам со кој под „штетата“ ќе е најмала . Се чувствувам како докторска дисертација да направив за 3 бои под и 2 скоро исти бои на врати, ама размислувам со денови и никако не можам да одлучам, затоа и се решив да пишам тука, може ќе се најде некој поискусен да ми каже . Во план сум да ангажирам дизајнер/архитект, ама тоа е нов поход сам по себе за кој ќе се консултирам со вас подоцна, сега немам толку време .
Ако планираш да ангажираш дизајнер на ентериери направи го тоа пред да го одбереш подот и вратите. Од подовите види дали можеш да го најдеш моделот и на интернет да видиш слики од големи површини како изгледа. Не сум архитект ама мое искуство вика дека се што сум видела на мал примерок на поголема површина доаѓа посветло. Лично јас сивиот под ни под разно не би го гледаа пошто сиво, а исто и за вратата. Другиве два не можам да доловам што нијанси се иако се од различни агли и светла сликани. На првата слика десниот примерок личи загасен и ми се свиѓа, на другиве ми дречи портокалово. За вратите исто не сакам дрво или сиво, би одбрала бела, не е дека се прља повеќе или дека се чисти почесто. Мислам дека дрвениве дезени на врати многу ограничуваат и дека брзо ќе излезат од мода, за да ги вклопиш бар по мој критериум треба да го направи тоа дизајнер и да биде дизанерски складно и пак мислам дека за 10 години ќе се смени стил, а и ако не ги вклопиш добро може кич да изгледа. За да не направиш грешка барај си 3д модели некој нека ти изработи за да го доловиш просторот со боиве, многу значи.
Јас мислам дека би ти било најскладно бела врата со најсветлиот под Т.е врата да е бела а подот како или сивиот или тој светло кафениот Тој жолт портокалов не
Вратата на првата слика ми одговара со подот на средина. Иста боја се само подот е малку потемна нијанса. Белата врата на втората слика ми одговара со сите три, само што јас не би го избрала најсветлиот. Портокалово жолтиот под на прв поглед изгледа лошо, меѓутоа ако дома ти е повеќе на бело ќе даде топлина во просторот. И јас сакав кај мене да е бело со сиво и не се каам што го оставив паркетот со таква боја. Некако се вклопи. Ако комбинираш елементи со дрво запази да е секаде исто дрво, само играј со нијансите. Третата врата јас не би ја одбрала
