Здраво дечки. Имам проблем со наоѓање на материјал за изработка на шанк/остров. Конкретно ми кажаа дека за горниот и страничниот дел на шанкот ставаат работни плочи од истите што се за во кујна, и тоа ми е целта да биде комплет, меѓутоа само од дрвените има поголеми димензии. Би сакала да најдам нешто како мермер, да биде квалитетно за да се користи во склоп на кујната, не само за изглед. Предлози?
Компакт има по сите салони за плочест материјал. Јас конкретно од мегатехна земав пошто они даваа и половини. А за ламинам прашував кај некој по гоогле што ги најдов ама немам искуство.
Женски споделете искуство со стаклени паравани во бања, директно ставени на плочки, дали изработуваат по мерка и како ги одржувате
Нема нешто поубаво и попрактично. Се поставува на лајсна долу на подот и на зидот од едната страна. Има и со готови димензии ама изработуваат и по мерка скоро сите. За одржување се многу едноставни, можеш со било какво средство да го чистиш стаклото и после тоа го одржуваш после секое бањање со оние што се за тргање вода, не знам дали имаат име, ќе ставам слика. Од мене голема препорака, никогаш не би заменила со нешто друго.
Фала за исцрпниот одговор Ние имавме голема када и ја тргнавме мачна беше за одржување, сега ми треба време да се навикнам на новиот простор
Женски, дајте предлог што можам да сторам на ѕид што се протега низ цела дневна и цела трпезарија. Бел е, неглетуван и во должина отприлика 6-7м. Голем простор е некако и слики уметнички би се изгубиле мислам, освен ако не се поголем формат, а таквите ми се скапи. Некоја по буџет френдли опција барам што ќе ми го оплемени просторот, оти ваков празен личи како сеуште да сме во градба. Прашањево можда е повеке за ентериер, отколку за архитектура, ама сигурно и вие би имале убави идеји.
Одлични идеи. Посебно полициве. Јесте дека гледам да намалам на површина за бришење , ама ваквите не се захтевни многу. Не сум многу по апстрактна содржина и да земам такво нешто колку да ми пополни простор нема да ми е по ќеиф и ќе ме нервира. Фала ти!
Ако сакаш да продолжиш со опцијата слики, можеш да поминеш многу поефтино а визуелно да добиеш убави ефекти така што ќе си нарачаш нарачаш да ти испечатат слики во било која од маливе печатници, со дизајн, односно слики што ти ги сакаш. Само треба да се потрудиш да најдеш високи резолуции. Лично би одел со што поминималистички фотографии со што до израз ќе дојде и самата форма на паноата и просторот ќе добие малку 3Д ефект. Слично ко тука (зборам за сликите на ѕид, не другите ситници) Печатењето не би било повеќе од 50е. Друга опција се било какви дрвени вертикални структури во комбинација со позадинско осветлување. Ама ова е веќе подолгорочно решение и секако поскапо. Оттука и третата опција, да си играш со осветлување на ѕидот (што преку ден само по себе се губи како ефект). И на крај ко што е спомнато пред мене, некаква метална структура со минимални полици (и ова не е ефтина верзија). Така да зависи колку долгорочно сакаш да ти е решението...
Гледав и вакви како колажи слики, да. Би ми завршиле доста работа, во смисол ќе има нешто на ѕидот, ама ич не ми лежат само заради тоа што немаат рамка. Не сум сигурна како би изгледале со рамка ваквите слики на делови, ама вака ми изгледаат недовршени. Моментално имам еден принт купен некои си 1500 денари, ама ми немаше длабочина никаква, па јас шлакав со темперни да го направам порелјефен. Немам талент и нормално, изгледа лошо . Поентата ми беше да минам што е можно поефтино и со помалце мајстори и прашини по дома. Оние вертикални дрва, медијапани, некако сум презаситена од нив, и нив ги имав предвид некој период сѐ додека не почнав да ги гледам насекаде, ординации, влезови на згради... Полициве ми се најприфатливи во моментов, ама со иверица нема да се вклопи ич. Во близина имам шанкче од орев, а на спротивниот ѕид имам полици исто така од орев. Да биде полицата комбинација метал орев, ќе ме чини бааги. А и сакам да ми е решен проблемот еднаш засекогаш, не планирам пак да му ја мислам за 1-2 години. Вакво нешто ми се допаѓа, веројатно не би била многу скапа опција. Фала ти многу на одговорот, сѐ ќе имам во предвид.
Сега имаш и релјефни медијапани, скоро секое дрво го имитираат. Може да прашаш со такво нешто колку би чинеле полички
На толкав ѕид не ставај мали детали, како овие мали слики или група од слики. Подобро испринтај било каква графика и урами ја, нема да кошта многу. Јас визуелно би ги одделила, можеби големо огледало во делот кај трепезаријата и некоја минималистичка комода за пијачки под/пред него, а во дневната голема слика со некое високо саксиско цвеќе од страна.
Дали има некој искуство со СС студио? Дали може да предложите дизајнерско студио за уредување на домот?
Дали имал некој искуство со СС студио и дали може да препорачате некој за целосен проект од цртање до изведба?
Препорачајте ми некој архитект кој ке ми направи нацрт план за нова градба на внатрешноста без внатрешно уредување и план за изведба на истиот. И дали некок во скоро правел и која е цената од метар квадратен
Здраво.Ми треба малце помош,не можам да најдам конкретна тема за прашањево па пишам тука.Да ми кажи некој искуства со плакари,дали се подобри тие на лизгање или пак тие што се отвораат со обичен механизам со врати,сум слушнала различни мислења ама не можам да се одлучам.
Ствар на вкус е. Шината за лизгачот зафаќа малку повеќе место па ако е кнап просторот тоа едино може да ти направи разлика. Убави дизајни има и со двата, и двата може да ги направат и квалитетно и не квалитетно. Мене лизгачот само ми се покажа како не функционален пошто постојано ми ја оставаа вратата отворена.
