Здраво, би сакала да прашам за мислење. Имено климата кадешто ќе ни биде наместена, треба да имаме цел кабел малтене по дневната, и сакаме некако да го покриеме без да мораме да ја ставаме цевката во ѕид и да се буши и крши. Дали би било добро да се стави опшивка околу и како тоа би изгледало ако некој веќе правел такво нешто? Нешто налик на ова но секако поубаво.
Ако имаш каде да бушиш и кршиш, буши и крши. Исто за гредите, не ги прави нешто што не се, ако се бетонски, остај ги и искомбинирај ги како такви
Во кујната имам еден функционален штек каде треба да ги вклучувам бактериската чешма, лед диоди и плус по потреба тостер/блендер. Го имам тој додаток со 3, но премногу грдо и несредно изгледа. Ми треба совет и идеја како да ги покријам кабелот и по можност целиот штек. Видов постојат некои како кутии,ама како би се извело тоа и каде може да најдам. Еве слика како изгледа, значи чешмата е од оли, а сијаличките од горе, па целиот тој дел некако би требало најверојатно да се прекрие
Здраво, Што мислите за стан од 90м2 да биде исклучително со плочки под? И дали е добро да се постават во спални, детски и дневна соба без подно греење? Секакви споделени искуства се добредојдени.
плочки без подно јас сите шо ги прашав ми рекоа не, па на крај си ставив ламинат, многу скапо ми искачаше
Od temu ima prikrivaci za kabli, jas imam za televizorot kupeno vaka izgleda na sivo. Isto taka imas razlicni vidovi so samolepliva plastika
Зошто не си ставиш надградно шуко на плочките, некој што се разбира во струја, ама мислам може да го ставиш, да не кршиш и копаш, а пак поуредно ќе личи. Во вертикала стави го и таман ќе дојде. Што и да ставиш да го покриеш раздвојников ќе биде преголемо. Или да пуштиш кабелче од постоечкиов штек и да ставиш едно вакво на долниот дел од висечките да не се гледа.
Девојки ми треба совет, сакаме да ангажираме архитект за внатрешно уредување на нов стан. Најдовме неколку чии понуди ни се прифатливи, но имаме дилема како да одбереме дали според стилот кој го претставуваат на инстаграм или пак според начинот и процесот на работа (постојан/привремен надзор). Логично ми е дека треба да се приспособат на стилот кој ние го сакаме ама не знам..Имате ли некој совет искуство?
Зависи за каков материјал се работи, ама би требало да успееш и сама. Одбери си некоја од Crown боите, ги има во Тинтура (дуќанот е во уличките блиску до Песталоци, карши L'angolo кафичот). Може да се фарба и мебел со боиве, имаат некои такви линии. Пиши им на инста, ќе те упатат што да направиш во случајов.
Дали некој знае некој што држи часови за софтвери, поконкретно за sketch up нешто да ми помогне ми треба некој?
Не знам личност што држи часови, но јас научив 3dsMax на Udemy. Има голем избор на квалитетни курсеви за многу мала цена. Ако не најдеш, ова ти е супер алтернатива.
Прашањава се повеќе за во темата завеси, ама истовремено е и за уредување, а и оваа тема можеби е поактивна, па ќе пишам тука. Живеам во двособен стан, една соба отворен концепт, другата спална соба. Ориентацијата е североисток, што значи генерално не добивам премногу светлина во собите; особено кај собата отворен концепт - кујната што е на спротивна страна од прозорците слабо се осветлува дури и преку ден. Пред мене има слободен видик, па не се грижам толку за приватност. Ќе почнам прво за спалната. Треба некако да го решам затемнувањето, ама не сум сигурна како да постапам. Зебри и такви како ролни не сакам, плисе гледам и тоа постои blackout, ама не знам колку е лесно за одржување. Наместо да пишувам реферати и да се објаснувам што е и како е, еве скица (димензиите се во цм): Значи, вратата и прозорецот се веднаш под гредата, има буквално само 5 цм (од самата рамка на вратата/прозорецот) меѓу гредата и самата врата. Гредата прилично штрчи напред (40 цм), па не можам баш да ставам завеси пред неа, мора да се под неа. Е сега, желба ми е да има некаква тенка завеса секако, затоа што голи ми се вратата и прозорецот така. Прашањето е дали (имам услови) да одам со blackout драперија, или сепак пожелно е со ролетни? Ролетни знам дека се најдобриот избор за затемнување, ама не сакав затоа што ми се тешки за чистење, иако можеби е полесно со парочистач..? Од друга страна, знам дека и драпериите фаќаат прашина, ама си велам може полесни се за одржување, ги ставаш само во машина и.. толку? Или сепак ќе треба да се малтретирам со пеглање.. Од трета страна, некако без врска ми изгледа подолга драперија за вратата и пократка за прозорецот, пошто не можам и таму долга завеса, имам шкафче.. Од четврта страна, ако ставам само обична завеса, можам да ставам S фалта, што зафаќа малку место горе, додека ако одам дополнително со драперија, треба да изберам некоја друга фалта, и пошто е толку мал просторот горе меѓу гредата и вратата, не знам како ќе испадне при отворање, дали ќе биде згодно со фалтата.. Во однос на другата соба, што е дневна/трпезарија/кујна, таму е ваква ситуацијата (ќошот горе лево е греда): Исто како во спалната, во најмала рака би ставила само завеса, некоја полесна и попроѕирна (со S-фалта), до подот, ама да не се влечка. Ако има пак драперии, не може S-фалта. Знам дека драперии би стоеле убаво, ама дали мислите дека уште толку ќе ми се затемни просторот? Како што гледате, лево и десно од прозорците нема место за да стојат драпериите, или поточно, лево скоро и да нема место, што значи дека веројатно делумно би ми го покривале прозорецот. Треба да ги настегам скроз на крај за да не е така, и во тој случај, ми немаат поента драпериите, ќе изгледаат само како 2 тенки линии боја околу прозорецот. Не знам да дефинирам, ама има некоја пропорција на ширина на драпери и ширина на обичната завеса што ми се допаѓа; не сакам кога просторот меѓу левата и десната драпера е преголем. Веројатно затемнувањето може да се намали ако драпериите се врзани, ама не знам, некаде кога ќе видам ми изгледа ок, некаде старомодно.. Од друга страна, тука одма имам и балконска врата, што исто не ми доаѓа да ја оставам само така. Да не изгледа па глупаво драперии кај прозорците, и само обична завеса кај неа? Исто, лево планирам да ставам биро, свртено кон левиот ѕид. Да не нема тогаш поента да се замарам со драперии, ако технички дел од нив ќе се скрие? Не планирам некое претешко, гломазно биро, ама сепак. Зависи и што ќе ми се допадне. Генерално, и во двата случаи, многу ми е важно нештото не само дали го личи, туку и лесно да се одржува, а не само да ти се отвори многу повеќе работа... Кога сме веќе тука, дали имате препорака и за продавница за завеси, како и материјал? Во продавнициве што прашав, ми викаат ленените или бамбусовите завеси биле најлесни за одржување, т.е. не се гужвале, односно не се познавало толку.. Отворена сум за кои било препораки, мислења итн
Според мене најдобро е зебра.. Се одржува со бришење со крпа.. Со нив на овој дел внимавај може ѕидот да смета ако не ти се рамни со ѕидот и нема да се отвара убаво прозорецот. Друго решени е плисе, не фаќаат многу прашина, ама не сум сигурен како се одржуваат. Во спалната не би завеса поради фиоките што ќе биде долга едната другата кратка. Драпери се перат во машина и мокри се закачуваат и така не мораш да ги пеглаш сами ќе се исправат.. Драперите ќе ти прават доста сенка. Ролетни не би ставил никогаш јас, прават и сенка и се расипува механизмот и тешки се за чистење, од надвор најмногу прашина има и треба да ги бришеш душата да ти излезе (особено бели) иако најтемно ќе ти е за спиење. За зебрата а исто мислам и за плисето е лошо ако се пуши внатре или ако готвиш а немаш аспиратор (така се викаше?) впиваат доста и може често ќе треба да ги бришеш и по тешко ќе е за бришење...
