Леле зашто увек мора да се најде некоја мајка Тереза и да пише, "дечињата што чекаат посвојување да ги спасиме", а они ни едно куче од улица не посвоиле
Не зборував за конкретни случаеви и нема, веќе кажав зошто. Само прашав дали си сигурна дека е толку тешко за накнада парична да родиш дете кај нас?
Не би била сурогат мајка, ниту би донирала јајце клетки. Неќам. После се створаат комплексни односи, кои се со емоции и не би можела да не мислам дека 'таму некаде' има мое дете. Ама некоја ако сака, било што од ова, нејзина работа си е. Конкретно, зошто женава на 51 година одлучила ова да го направи? Оти 'се подразбира' мајката да е жртва за потомството, без разлика на последиците. Се' поинаку се смета за себичност. Ама пак ќе речам, личен избор и покрај ризиците. Пошто менталната матрица во која се наоѓа таа жена, не е нешто што некој би можел да го смени сега. За Хипокритовата заклетва и докторите, ич не е битно. Ионака и кај нас и секаде во светот, се' што ќе побараш и можеш да платиш ќе ти го направат. Ако не... Биг фарма, постојано прави експерименти на 'доброволци' за пари. А, да... заборајв. Пластични операции и Хипокритова заклетва, како одат во пакет? Никако!
Ова не е направено под присила,па да коментираме дали фали етичност. Ова е личен избор направен со цел да му се помогне на најмилото и е за восхит.
Иако ја сфаќам загриженоста и згрозеноста за украинските жени, зборуваме за крајности. На непозната би и' направила таква услуга. Не романтизирајте работи кои не мораат да се романтизираат. Мое дете е она кое јас го сакам како мое дете. Оттаму сфатете дека за една жена две цртки значат крај на светот, а за друга целиот свет. Меѓу белото и црното постои сива зона, онаа во која сакале или не сме скоро сите. Нема ништо лошо во сурогатството се' додека не е под присила. Како и во се' останато.
Прво: тотално си офтопик, целото мислење ти е за мене, мене и мене Второ: да, зборувате за тема за која немате никакви познавања без да имате желба да ја разгледате подлабоко од твитер наративот. Вика сурогатството го имало секаде, јас кажувам во кои држави е нелегално и следниот одговор на тоа е: "Сурогатството го има секаде ти си заостаната". Значи, да, додавање на "ти си заостаната" на аргумент не го прави посилен. Ни еден реален аргумент не видов на темава. Трето: научи дефиниција за гејткипинг. Четврто: Зборуваш од привилегирана позиција, без никаква класна анализа. Сурогат по сопствено убедување колку и да збори дека ќе биде, нема да биде Лела што има можност да иде и да прави нешто друго со себе. Комерцијален сурогат по сопствено убедување ќе биде жена што е напуштена од општеството и нема друг избор. The problem isn't whether you choose to eat apples or oranges in the cage, the problem is the cage. Многу е вака интересно како сите што кажуваат "мое тело - мој избор" за вакви ситуации зборуваат од привилегирана позиција за која не се ни свесни, со одбивање да сослушаат луѓе кои поминале низ тоа, без разлика дали се сурогат мајките или жени кои излегле од проституција. Смешно е колку блокирате било каков аргумент кој може да ви го "раздрма" мислењето дури, а не да го промени. Слабо увереност во мислењата, а? Да, "драга" Лела. Тоа е дефиниција за гејткипинг. Баш тоа. Ама нема везе, ќе пораснеш. Ваљда... There, I said it. I've said all there is to say.
Не реков дека е тешко, само дека е поевтино да отидат во Украина. Не се исплати трудот и парите што би ги дале тука за да направат нешто нелегално, кога за истите, ако не и за помалку можат истото легално да го направат во Украина. И не, не е крајност. Не можаш да отфрлиш секој аргумент што не ти се допаѓа како "крајност". Србија прави обиди да го коменрцијализира сурогатствово (под Вучиќ, нели, оној од светото Тројство Вучиќ, Орган, Груевски). Да дојде ВМРО на власт, не би ме изненадило да се обидат да го направат истото и кај нас. Тогаш ќе бидеме Украина. Искрено, ми се згрози од темава. Се трудам, читам, истражувам. Читам и гледам се, од крајно десничарски до крајно левичарски политики. Гледам држави кои водат борба против штетни пракси, и тешко ми е кога гледам дека не сте спремни да погледнете подалеку од привилегираниот нос. Да, целата дискусија ви се држи на тоа што се привилегирани. Што зборувате за избор кој не мора да го направите. За шанса за избор која ја имате. И да, извини @Doozy ама споредба на работата што ја работиш со продавање на телото? Озбилно? Да имале тие жени шанса за работата која ја работиш никогаш не би си го продавале телото. Јас навистина нема што да барам веќе ни на темава ни на форумот. Она, правете што сакате. Literally. Дискусијава е beyond морбидна, и на секој што малку подлабоко погледнал во тоа му е, не само мене. Aма не сите можат да го издржат backlash-от што го добив, па ќутат. Бидете ми со здравје. Искрено, ова е beyond морбидно.
Знаеш колку проститутки има кои работеле прилично добро платени работи, па на крајот решиле да бидат проститутки? Зошто? Нивна работа. Нивно тело, нивен избор. Која си ти или јас да им поставуваме правила. Ако си вистински за феминизмот ко што тврдиш, тогаш ни во лудило нема да се мешаш во изборот на жените и во тоа што сакаат да го прават, па дури тоа да биде проституција или сурогатство за пари. Не знам како ти го сфаќаш феминизмот, ама за мене преставува ослободување на жената да биде тоа што сака. И почитување на нејзиниот избор. Без квази-морални или квази-етички притисоци од страна што е добро или не. Ете толку е просто. Се останато, не е феминизам и не си ништо подобра од шовинистиве. За темава, браво за мајката. Некој рече се очекува да се жртвува, демек присилена. Хм.... 99% од мајките кои јас ги познавам (вклучувајќи се себе си) ќе ја направат истата “жртва” Не оти тоа се очекува од нив, туку оти го сакаат.
Тешко е да се најде донор на јајце клетки, барам 2 год. Ако има некој да сака, дете ми е најголема желба. Поз до сите
Немојте само "јас вака никогаш,јас ова никогаш" толку ќе ви кажам,какви шамари задава животот не сте свесни. Конкретно за случајов,најреално само таткото е биолошки родител на децата,можеби и заради тоа се решиле за оваа сложена постапка,наместо да посвојат,нивна работа! Друго,има жени кои би дале и би зеле јајце клетки,има жени кои не можат да износат дете,има жени кои би износиле дете за друг,многу е едноставно,секој нека си прави онака како што сака и што ќе го исполни и направи среќен,постојат опции за сите и НЕ,ништо од ова не е НЕНОРМАЛНО!
Ова е убаво кажано, ама ја разбирам поентата на @DAngel и во право е донекаде (ако сум разбрала правилно). Зборувајќи за комерцијално сурогатство, станува збор за телесна експлоатација. Да, приказната на Маргарет Атвуд, богатите и привилегираните имаат робинки за расплод. Немањето избор на тие жени што влегуваат во комерцијално сурогатсво, не е избор. Ако тоа е единствениот начин да се дојде до пари, не е тоа избор туку присилна одлука (брзи пари, кои во нормални услови не би можеле да ги заработат за цел еден работен век, претпоставувам, ако зборуваме за (не)приликите во Украина). Веројатно од тие причини, меѓу другото, во Мк е легално алтруистичкото сурогатство, што во пракса значи некој близок да биде сурогат. Вакви или слични случаи не се туѓи во нашата традиција, добро не во буквална смисла сурогат, ама никогаш не сте чуле од генерација на вашите дедовци, како едниот чичко му дал едно дете на брат му, оти тие вторите не можеле да имаат деца? Зошто? Веројатно затоа што детето е сметано за радост, неопходен дел за едно семејство да биде комплетно, ако брат/сестра не ти учини, комшијата сигурно нема. Не дека тоа се мои лични ставови околу имањето дете, ама разбирливо ми е, човечки ми е. Е сега, медицинските интервенции во конкретниов случај што ја возобнови дискусијава, дали и колку се ризични, веројатно е предмет на медицинска експертиза и тука не би навлегувала. Ама мајчиниот алтруизам ми е сосем разбирлив и не гледам причина да разглобувам, чии биле јајце клетките, чија била спермата, кој на кого што му е. Јас од чиста мира, за алтруизам кон друго битие не би се подложила на никакви медицински интервенции, ама хипотетички, за сопствено дете или блиска личност, резонот можеби би бил поинаков. Во глобала се согласувам со кажаното од @Doozy , ова чисто како дополнителна перспектива.
Тоа во Украина Е крајност. Злоупотреба на финансиска немоќ итн. Не е крајност за сестра ми да бидам инкубатор. Или за некоја за која можам и сакам да бидам инкубатор, рерна, најдобра другарка, спас... значи бирам. Не случајно постојат сите ивф процедури, не случајно жените се изложуваат на таква емотивна и физичка болка, финансиски да не зборувам, затоа што САКААТ. Јас за себе знам дека тој пат нема да го одам затоа што за мене не е приоритет во животот. За некоја живот значи. Не си давам за право да судам колку е тоа исправно, затоа што за мојот живот и мојот пат не е. За некого е. Моралниот кодекс не е универзален и не може да биде. Колку што посвоеното дете е дете, толку е и тоа растено во друга матка, со друга јајце клетка. Перцепцијата за "свое дете" одамна ја надминавме белким. Малку подразмислете што зборувате кога викате "може му е старател, мајка не му е". Оти не сте во право. Колку што е мајка мајката на посвоеното, толку е и онаа што во своја матка растела дете со донирана јајце клетка. И онаа што во трета матка чекала да порасне нејзината јајце клетка. Се' на светов може да се злоупотреби, абортус ти е пример. Може, за соодветна сума да "абортирам" во 6ти месец здрав и прав плод. Тоа што јас го злоупотребувам правото, не значи дека треба абортусот како процедура да не постои.
Не знам каков е овој мајндсет ваква физичка и психички сложена процедура да биде опција пред посвојување. Генетски секако не е нејзино во смисла сплотување на брачниот генетски материјал, значи донорска јајце клетка а родено од бабата. Со среќа на детето во школо кога ќе разберат останатите деца, а ќе разберат бидејќи по дома се збори пред децата сешто. Колку е етички комплицирано ич да не почнам. Сине баба ти те роди, ама пола од генетиката ти е непозната и пола од тато, мхм лепота..ставете се на местото на детето. Претпоставувам дека старосната граница за посвојување ја исполнуваат со оглед дека бабата е 50 год. За ситуираноста и материјалната обезбеденост исто така бидејќи ваква сложена процедура бара многу материјални средства, а крајниот резултат ќе е бил исти.
Аман,има луѓе кои нејќат да посвојат или не им се чека толку.Процедурата за посвојување е долга. Тие сакале децата да имаат гени бар од едниот родител. Нивен мајндсет,нивен избор,нивна одлука и нивно право.
Е добро де ние не им го ускратуваме правото веќе им е остварено, ама со тоа што се согласиле нивната приватност да биде јавно објавена по медиуми ние дискутираме за истата секој од своја гледна точка. Не знам зошто одредени личности се толку погодени ако се дискутира на одредена тема поттиканата од некој настан.
Паралела со Хендмејдс тејл? Сериозна ли си со ова? Девојките во приказната се буквално сексуални робинки кои се ПРИНУДЕНИ да раѓаат деца, кои потоа им се одземаат. Значи оплодувањето е по сексуален пат, а тие се мајки на бебињата во биолошка, генетска и секоја смисла. Каде е паралелата тука? Јас навистина не ја гледам. Да се биде сугорат мајка е право на избор. Значи ти лично одлучуваш дали сакаш да носиш нечие дете, без разлика дали тоа е од алтриустички причини или материјални причини. На темава разговарав со мајка ми. За конкретнава приказна беше воодушевена. Мајка и ја подарила најголемата среќа на ќерка и. Вика доколку е потребно, со задоволство би го направила и таа тоа за мене. Разговарав и со сестра ми. На прашањето дали би носела мое дете доколку јас не можам, одговорот беше чест би и било. Патем она има дете. Точно знае што значи да носиш и родиш дете.
Единствена причина поради која на другарка ми не сум и' сурогат, е што морам да имам свое прво. До сега сто пати ќе се нафатев.
Украина, Украина и само Украина. Оќее. Важи. Ако сум здрава и права и некој пар во кој сум сигурна би ми побарал да им бидам сурогат, ќе им бидам. Нема да се гледам како искористената страна. Лично, знам блиски луѓе кои чекаа над 15 години да посвојат дете. Има многу деца оставени по домови ама постапката многу се чека. Не го гледам сурогатството како грев. Ни ги осудувам тие што би се нафанале, ни пак тие што не би се нафанале. Секој има право. Искрено, не гледам ништо лошо во самиот процес и не го сфаќам толку драматично па цели филмови. Инаку, нели е и во САД дозволено?
Ама баш тука е разликата, дали од алтруистчки или материјални причини. Ако е од материјални причини, влегуваме во сфера на пазарна економија, што ќе работам цел живот, кога можам да износам едно дете: за 9 месеци, пари колку за 19 години работа. Не е исто, не е избор ако е за пари. Имаше пред сто години еден амерички филм на темава, беше нешто со докторка која не можеше да има дете, па се договорија со мажот на засегнатата носителка, да им роди дете. Дали беше нејзино или сурогатно, не памтам, ама тоа беше поентата. Мажот на таа со плодната матка ја убедуваше дека е последен пат . На времето кога ја читав книгата, врз која е базирана споменатата серија, негде пред 20 години, книгата беше сметана за футуристичка утопија. Не било утопија, за жал.
