Сурогат мајка

@Cosmi еве, и Шпанија исто, по пресуда на европскиот суд за човекови права
https://www.iflg.net/spain-orders-c...p-of-spanish-babies-from-foreign-surrogacies/

Во принцип, случајот Франција ако не грешам е со двајца близнаци што по 19 години добиле државјанство.

 

Не зезај, колку има од факд ап семејства родени, биг фет чек е смешка во споредба со издрогиран уан најт стенд.

 

Уау, Камелија, на личност која кажува како се чувствува ќе и кажуваш како треба да се чувствува?
Мислам претеруваш, со оглед на тоа што го немаш неговото искуство, не можеш да го имаш. Не си во негови чевли и не можеш да си во негови чевли. Смири доживљај, стварно..

 

Ама претерувате со тоа кое дете како се чувствувало, па уште како би се чувствувало. Не да излеговте од тема сурогат, туку директно влетување во детска, тинејџ, адолесцент психологија.
Мислам легитимно родено дете од легитимни родители, ќе има фаза во животот кога ќе се чувствува вака или онака и некој од родителите ќе му биде крив за нешто. Јас им имам речено на моите, на свои 5-6 години, зошто сте ме родиле, ако сакате да не ви се вреви дома, децата прават врева ( од мала сум многу умна). Ене ја темана токсичен родител, ене ја, родителите ми бранат дечко, ене ја родителите не ме сакаат, сите ли се посвоени, од изнајмен семенски материјал, од туѓа матка ли? Во секоја фамилија се дешава некоја драма, некогаш поголема, некогаш помала, секакви предизвици има за надминување, и ништо од тоа нема врска со темата.

 

Не сум, ама и не сум сигурна дека е репрезентативен примерок или само служи за наративот.
Има некоја поопсежна студија? Сериозно.

 

Има и една што држи говори против абортус, самата е резултат на неуспешен абортус.

While I feel for her, сепак поддржувам абортус.

 

33 години има детево од мојата приказна, одамна одминало дете.
Било некогаш дете родено од сурогат, сега е возрасна жена која може да си изгради став за сурогатство, нели.

 

Нормално, го има секое право.
Ама не можеме да зборуваме за сите, тоа се кажува.
Исто како за посвоените деца, исто како за децата од еднородителски семејства, исто како децата од разни дисфункционални семејства, не можеме да ги ставиме во еден калап.

А посебно што сурогарството е релативно младо, за разлика од останативе, мислам дека се' уште не постојат поопсежни студии за постоењето и видот на психолошки последици врз децата од истото.

Така што се сведува на лични искуства, а не факти.

 

Па и посвоените деца на Миа Фароу одамна не се деца и излегуваат сега со секакви приказни. И роденото дете од Мадона избра да живее со татко му. И не знам, продолжи ја низата...
Без контекст ми е снепшот од изјава и ништо не ми менува во ставот дека родителството е однос кој се гради и во секој момент може да тргне узбрдо.

 

Ми избришале 3 мислења од темава. Зошто?
Порано раѓале по 7 8 деца па и повеќе. Познато ми е дека некои сакале да фрлат деца оти биле мали родени, една си го заборавила детето, итн.

Од сите работи кои ги спомнавте, продавање органи, проституција, сурогатството за пари не е ни приближно со иста тежина. Крајниот резултат е човечки живот, ни крив ни должен.
А има жени кои своеволно оставаат деца пред пожарна, ни за пари, ни ништо.

 

Веројатно затоа што си оф топик

 

Човечки живот егзекли, со мајка и татко кои едвај го чекаат во својот живот аман.
Што е со демонизирањево, чиниш луѓево што одбрале сурогат сакаат бебе за да му го усерат животот.

 

Не е ок да си сурогат, не е ок да немаш деца, не е ок да посвоиш дете, не ок да имаш едно дете, не е ок да имаш 3 деца....
Зар не сфаќаш, ништо не е ок денес

 

Во други теми велите дека жената има право на избор,нејзино тело,нејзино право.
Во оваа тема споредувате ситуација во која жената дала согласност со ситуации во кои не дала согласност.
Тука не чини нејзиниот избор иако таа своеволно се согласила да си го изложи телото на ризик.
Многу контрадикторно.
Кога во друга тема на друг/а му велите кој/а си ти да кажеш што да прави Стојанка со своето тело,тогаш тој/таа има право да ви рече кои сте вие да кажувате што да прави Стојанка со своето тело.
Да,ситуациите во кои жената не дала согласност се забранети и казниви и треба да останат такви.Треба и уште подобро да бидат регулирани.
И сурогатството за кое дала согласност треба да биде строго регулирано.Ама,не и забрането затоа што има лоши примери како Украина и затоа што некои луѓе се против тоа.Нека си се против,ама не е во ред ради таквиот став жените да бидат лишени од можноста да добијат дете.
Ако жена која сака да има дете не најде жена од фамилија или пријателка која би го носела бебето,зошто да нема можност да побара надвор од нејзината околина и да плати пари?
Не сака секоја да посвои и тоа е во ред.
Не треба да боде очи ако е соодветно регулирано и изведено.
Има разни ситуации.
Жената која се нафаќа заради пари,можеби и сака да помогне.
На жена која вели дека е алтруист и се нафатила на такво сурогатство пред очите на институциите и државата може скришум на рака да ѝ дадат додатни пари за нешто што не е наведено во договорот.Па,некој ќе рече дека сурогатството само е маскирано во алтруистичко.
Какво и да е сурогатството,треба да има детални проверки.

 

Ама не забрането затоа што има лоши примери како Украина, забрането затоа што е забрането во лошиот пример Индија. Вие уствари сакате цел свет да биде Америка, затоа што таа е супер пример? Затоа што се може да се купи за пари, ако не за малку, за многу? Америка кајшто е нормално да немаш здравствено и пензиско ако не си богат, кајшто здравственото и пензиското не ти се дел од договорот за вработување? Никој не рече ни дека во Америка е супер, прекрасно уредено и ружи цветаат.
Да се вратам на лошиот пример Индија. Знаеме дека таму трговијата со органи цвета, сега проверив, и тоа не е легално. Зошто продавањето органи не е легално? Дали ти, имаш аргумент дека треба да биде легално? Да, можеби не ви изгледа никако поврзано, ама технички станува збор за биолошки корелиран феномен, нарушување/ интерферирање ( па нека е и привремено ) на туѓ физички/биолошки интегритет во име на остварување на некаква цел. Не може и не треба да биде условено со пари, предмет на пазарна економија, затоа што, еј, имало побарувачка. Ако е за така, сите имаме цена, за се. И не треба да бидеме оставени пред таква морална дилема, за колку пари би направила нешто што без пари не би го направила.

@RainBow да ги префрлиш мислењава во другата тема?

 

Мене не ми е 'племенито', да се одделиш од плодот кој си го носел 9 месеци во стомак, само поради тоа што некоја страдала оти немала пород.
Јас не би можела... Ниту би можела да донирам јајце клетки.
Да знам дека 'некаде таму', има мое дете, ќе полудам од тага.

Знам дека е тешко да се бориш со неплодност, тетка ми 15 години го правеше тоа... Бог да ја прости.
Ама ова испаѓа, маката на онаа која не може да има деца, да се замени со мака на таа што ќе се 'искористи' како инкубатор.

Сакам да поставам едно прашање, кое искрено ме мачи... со години.
Не да иритирам некого, него навистина ме интересира...
По она што го гледав со тетка ми, пеколот кој го минеше само и само за да има дете... дали се исплати?
Искрено, не би се подвргнала на сите перипетии кои инволвираат 'санирање неплодност', само за да имам дете.
Кога enough is enough?

Вредноста на жената не се мери по тоа дали е мајка или не.
Односно, не би требало да се мери нејзината вредност според тоа дали е мајка, или не.
А имам слушано од многумина: Целта на жената е да роди дете - посебно од мажи.
Не ве навредува таквиот став?

 

Ако е тоа моја блиска личност, детето ќе продолжи да е дел од нејзиниот живот. Не знам, еве вие што сте реализирани како родители повеќе знаете, може сега ќе речете дека така уште повеќе ќе ве боли, да го гледате како туѓо дете.... А уствари од самиот почеток е свесна жената дека тоа не е нејзино биолошко дете и иако се поврзува со него, верувам дека не е исто како кога знаеш дека е твое. Добро ајде не сум била бремена па да знам како е да се одделам од животот што сум го носела.

Да ти одговорам на др прашање. Барем на форумов има мн членки кои може да ти одговорат подобро од мене на ова, чија приказна завршила успешно. Прашај ги нив наместо мене.

Друго нешто. Мислам дека ретко на која жена и е потребна сурогат мајка. Неплодноста најчесто е предизвикана од др причини. Леле и колку често само причината може да биде глупава механичка причина, не знам, пример септум неоткриен, лошо направена операција итн.

Мислам дека мислиш на нешто друго, дали вреди ако не заврши среќно борбата. А како знаеме ние како ќе заврши? Тие што немаат искуство со ова си мислат женава што не родила до тој момент сигурно не може да роди. А многу често се во прашање решливи работи и како и секој физички проблем ќе се решава додека има можност, медицинска.

When enough is enough? When there's nothing left that one can do to make things work.

Сум си го поставувала и јас тоа прашање, отсекогаш, уште пред да се обидуваме ние за бебе, зошто отсекогаш сум била аналитичар. Поентата е да се живее во тој период додека го чекаш дете и секако да не мисли човек дека е помалку вреден. Верувај ми после се злобно што прочитав овде пак ич не мислам дека сум помалку вредна од било која што има дете.

Што е до мене лично, јас можам да прифатам уште сега да немам дете мое биолошко. Не дека не сакам, сакам, ама верувај уште пред да се обидувам сум била на чисто со себеси дека можам и со и без. Ама, јас не сум сама во приказнава. Имам сопруг, имам родители, имам свекор кој мн го почитувам и за сите нив сакам уште да се борам, по ваше. Зошто има уште мн можности кои не се исцрпени сеуште.

 

А имапктот врз психо-физичкото здравје поради процедурите... посебно оние кои инволвираат интензивни хормонски терапии?

Механички проблем, ај... една операција е... иако и операција не е играчка, ама овие со хормоните, мене лично, ми се многу страшни.

И не би родила бебе за никого, ни за маж ми, ни за мајка ми, ни за свекрва ми.
Единствено јас ако сакам.
Тоа јас... за мене си зборам

 

Не сум правела ин витро и не можам да ти одговорам сосема добро на ова, но има и ин витро на природен циклус, со мн помалку хормони. Ако сурогат мајката е жена што нема никаков хормонски проблем на пример, нема ни мн да ја трујат, по ваше.

Де бе, што се страшни толку хормоните? Па тоа повеќе од пола жени, без разлика дали имале или немале дете, да одат да се проверат, ќе манка некој хормон. Ама не само основните 5 да се испитаат. Јас преку 13 имам испитано и баш во 12 бил проблемот. Првите пет одлични ми биле.

Те сфаќам, хормоните се мн комплексна работа и организмот ги регулира мн подобро од апчиња, затоа и треба одличен доктор за да се утврди точна терапија, ама колку само жени имаат проблем со тироидната, пролактинот итн. Па ништо страшно, пијат терапија и тоа е тоа. Ај да не навлегувам, оф топик ќе сум, ама ова го кажувам за тоа што викаш дека мн ти биле страшни тие терапии.

И АД се хормонска терапија, па ја земаат луѓето ако имаат потреба.

За тоа дека не би родила бебе за никого. Абе и јас за мене сакам, секако. Ама ете јас побрзо би се откажала од сите процедури за биолошко. Ама љубовта кон другите ми дава сила да се борам и понатака. Зошто маж ми може не размислува исто како мене, па како што тој е тука за мене во мн ситуации, така и јас сакам делот што зависи од мене да го направам, зошто не сум сама во овој свет.

 

Точно, родителството е однос кој се гради, ама да кажеш "јас кога би била дете од сурогат би била благодарна што направиле моите сѐ за мене" е исто ко да јас да кажам "јас кога би била Џеф Безос би давала пристојна плата на вработените во Амазон. Во тој контекст е скриншотот, одговор на тоа нејзино тврдење, не како "ееее видете сите деца од сурогат мислат така". Не, не мислат сите и не можеш да знаеш како би мислела ти да си на нивно место.
Исто ко она, "5 деца би родила за друг", курац би родила... Не би ни една, ама сите одат на она што сакаат некој за нив да го направи.
"Еден да родам одма ќе бидам сурогат", исто така е без везе. Не, знаеме дека нема да бидеш затоа што бегаш од идејата како ѓавол од темјан, ама глупи аргументи со "кога било кога би било" се вадат во одбрана на идеи.
Не можеш да кажеш како би во туѓи чевли, не можеш да попуваш за туѓо искуство.
Затоа и ја отворив другата тема, да се тргнат на страна тие дискусии и да се зборува за сурогатството, а не за лични идеи "да ми е шанса да станам милионерка одма би сурогат. По, наштанцаш 5-6 и ноге у вис"
Или "јас да сум сурогат ќе сум најсреќна што давам дете на луѓе што навистина го сакаат".
Жити се, врв се изјавите.
Не знам што го сфативте толку погрешно скриншотот кога мислам очигледно е дека е реплика на "кога јас би била од сурогат би мислела..." Чисто пример во спротивна страна беше. Не, не знаеш дали така би мислела. Оти не се фативте за тоа? Како може да знае какво искуство би имала со родителите? Едноставно се работи за кои не можеш да кажеш "јас кога би" и нема потреба да се користат како аргументи за поддршка на идеја.