Теологија на телемата Свети Телемитски Текстови Во книгата Светите Книги на Телема се повеќето вдахновени текстови на Кроули; тие се сметаат за канон на Телемитското Свето Писмо. Главната од нив е Liber Al vel Legis, Sub figura CCXX наречена Книга на Законот. Содржината на таа книга е криптична (пишана со тајно писмо) и Кроули подготви бројни коментари за појаснување. Од Телемитите се очекува да ја интерпретираат книгата за себе, со помош на Кроулиевите коментари и другите списи; но не е дозволено да им се наметнуваат своите толкувања на другите луѓе. Уште една книга, што е важен дел од Телемитскиот канон, но од технички причини не е вклучена во Светите Книги на Телема, е Liber XXX Aerum vel Saeculi, Sub figura CDXVIII позната како Визија и Глас. Ји Џингот и Таротот (како книга на мистични слики, а не како средство за претскажување), без оглед што се од предтелемитско потекло, се сметаат за дел од неформален Телемитски канон. Доктрина и Есенцијални поставки на Телема Следните забелешки за Телемитската теологија главно се базирани на Кроулиевите списи. Нивната намера не е толкување или коментар на Книгата на Законот вон контекстот на списите од Пророкот, ниту ги претставува дефинитивните Телемитски верувања. Телемитската теологија смета дека сето манифестирано постоење е плод на интеракција на два космички принципа: бескрајно проширен, сеприсутен Простор-Време Континиум; и атомски, индивидуално искажан Принцип на Живот и Мудрост. Преплетувањето на овие два принципи му овозможува раст на Принципот на Свеста кој владее со Постоењето. Во Книгата на Законот, божествените Принципи се претставени со тројството на древните Египетски Божества: Нуит, Божицата на Бесконечниот Простор; Хадит, Крилестата Змија на Светлината; и Ра Хоор Куит (Хорус), Сокологлавиот Соларен Господ на Космосот. Телемитската доктрина ги смета божествата на различните култури и религии за отелотворување на специфични божествени, архетипски и космички сили. Разните религии на човештвото се темелат на универзалната вистина и студиите по компаративна религија се важни за повеќето Телемити. Почитувајќи го концептот на индивидуална душа, Телемата ја следи традиционалната Херметика во доктрината дека секој човек поседува душа или „Светлосно Тело„ поставена во вид на фолии или обвивки околу физичкото тело. Се смета дека секој човек го има својот личен Аугоеидес или Свет Ангел Чувар; тој може да се сфати како Повисоко Себство и како одвоено божествено суштество. Со концептот на живот-по-животот, самиот живот се смета како континуиран, со смртта како интегрален дел на целината. Смртниот живот умира за да може да продолжи пак. Аугоеидесот, сепак е бесмртен и не е подложен на животот или смртта. Паралелно со Будистичката доктрина, Светлосното Тело се смета за подложно на метемпсихоза или реинкарнација по смртта на телото. Исто се смета дека ова Светлосно Тело еволуира во мудроста, свеста и спиритуалната сила преку циклусот на метемпсихози за луѓето посветени на спиритуалниот напредок; до тој степен што судбината по смртта може да биде определена од Волјата на индивидуата. Телемата ја вклучува и идејата за циклична еволуција на Културната и Персоналната Свест. Историјата се смета за поделена во серија на Еони, секој со доминантен концепт на божественото и со своја посебна формула на избавување и напредок. Сегашниот е Еон на Хорус. Претходниот Еон е на Озирис, а пред него на Изис. Во неолитскиот Еон на Изида доминира Мајчинската идеа на божественост и неговата формула го вклучува обожувањето на Мајката Земја како благодарност на прехранувањето и заштитата кои Таа ги даваше. Во следниот Еон на Озирис се смета дека доминирал Татковскиот принцип и неговата формула беше саможртвување и покорност кон Таткото Бог. Во сегашниот Еон на Хорус доминира Принципот на Детето, врвна индивидуа; неговата формула е прогрес во свесност и љубов кон самореализација. Според Телемитската доктрина искажувањето на божествениот закон во Еонот на Хорус е „Прави што ти е волја“. Овој „Закон на Телема“ како што е наречен не треба да се сфати како дозвола да се спроведува секоја моментална желба, туку како должност да се открие Вистинската Волја или вистинската цел во животот и таа да се исполни; оставајќи ги другите да го прават истото на свој единствен начин. „Прифаќањето“ на Законот на Телема го дефинира Телемитот; откривањето и извршувањето на Вистинската Волја е основна цел на сите Телемити. Постигнувањето на „Знаење и Разговор со Светиот Ангел Чувар“ се смета за интегрален дел од тој процес. Препорачаните методи и пракси во тој процес се многубројни и различни; групирани се под името„Магика“. Секој Телемит не ги применува сите достапни пракси, туку може да си ги одбере оние пракси кои најповеќе му одговараат на неговите потреби. Некои од тие пракси се исти или слични со праксите користени од многуте поранешни и сегашни религии; како молитва, медитација, проучување на религиски текстови (од Телемата како и од другите религии), пеење, симболични иницијациски ритуали, побожни вежби, самодисциплина итн. Некои од нашите пракси се традиционално поврзани со она што е познато како окултизам; астрологија, дивинација, нумерологија, јога, тантричка алхемија, контакти со ангели или духови. Сите нив Телемитите ги сметаат како потенцијално ефикасни методи за духовен увид во природата на сопственото битие и своето место во Универзумот; и за доаѓање до тој увид преку хармонична еволутивна работа. Според Телемата секоја акција што не е насочена кон откривање и извршување на Вистинската Волја е „црна магија“. Тоа го вклучува и мешањето во законското право на другата индивидуа да ја открива и спроведува својата Вистинска Волја. Телемитската доктрина смета дека дисхармонијата и нерамнотежата произлезена од таквите акции резултира со компензаторни уедначувачки одговори на универзумот; слично на источниот поим на „Карма“. Во Телемата нема директен пандан на Јудео-Христијанскиот концепт на ѓавол или Сатана; но псевдоперсонификација на конфузија, вознемирување, илузија и себично незнаење е наречено „Хоронзон“.
Дело на уште еден претенциозен и нарцисоиден шарлатан обседнат со своите делузии кој успеал да профитира од луѓе отуѓени од христијанството на кои не им се допаѓа организацијата на религијата, но сепак сметаат дека ќе бидат посебни ако станат дел на одредена мистична заедница која не проповеда ништо друго освен духовна глупост. Како и секоја друга религија што постои, секоја верба во нешто, вклучувајќи ја и Телемата, е резултат на недостаток на разбирање на каузалност и случајност.
Гревот кој е непростив е свесно и намерно отфрлање на вистината, страв од знаењето дека тоа знаење не би одговарало на твоите предрасуди. LIBER LIBRAE SVB FIGVRA XXX
Членство има во ОТО и А.А. Телемата не е организација туку правец, езотериска дисциплина, систем од пракси и теорија.
Тој ,,шарлатан" јасно ставил на знаење дека не сака квантитет од следбеници, дека не сака да биде пастир, и оставил систем со чија помош секој човек може сам да ја истражува природата на реалноста, сопствената природа и поврзаноста помеѓу нив. Кроули во ниеден момрнт не вели мора да ми верувате инаку не ви бега огненото езеро. Напротив, вели секој сам мора да дојде до вистината, бидејќи тоа е единствениот начин. Како што не може друг да се радува за тебе, така не може ни да страда за тебе, ниту да дојде до вистината за тебе. Телемата е за оној што во нејзината симболика може да ги види сопствените алегории за природата на реалноста и Животот. Телемата не е вера, таа е систем и нормално е да биде одбивна на секој што е комотен во верување па макар тоа било такво кое не го разбира. Кроули го користел сопственото богатство за да издава книги, патува, набавува мстеријали и слично, не возел мерцедеси, немал тарифници за парастоси, крштевки, погреби, венчавки. А сепак луѓе како тебе велат дека профитирал од некого...
While Thelema is most often regarded as a religion—a new religious movement and contemporary mystery religion in particular—it is also often called a philosophy, religious philosophy, spiritual philosophy, or "religious matrix." Профитирање не означува само материјална добивка, а Crowley покрај материјални, дефинитивно имал и разни други придобивки. Дел од неговите книги се фокусираат токму на таа мотивација, вклучувајќи и правење пари преку магија, а неговиот стремеж за профитирање е детално анализирано во книгите "Aleister Crowley: A Visual Study - William Ramsey" и "Aleister Crowley and the Temptation of Politics - Marco Pasi". Освен тоа, Crowley бил зависник од дрога и неговите книги претставувале една од главните цели за да заработи пари за дрога, особено хероин. Има цел труд напишано за неговата зависност како истата влиајела врз неговата работа: https://eprints.lancs.ac.uk/id/eprint/84818/1/Crowley_on_Drugs.pdf
Религија не е секогаш еднакво на вера. И Будизмот е религија, па таму немаш баш многу вера. И тука нема ништо лошо ни спорно. Во времето на викторијанска Англија, во времето на Кроули или поточно кога станал зависник, не постоела прохибиција за наркотици и истите најлегално се продавале во аптеки како лекови, се употребувале во пијалоци, храна и на други начини. Конкретно Кроули со хероин дошол во контакт за прв пат кога неговиот лекар му го препишал како лек за астма. Ова често се игнорира најчесто со цел да се прикаже како зависник од денешен аспект и во денешна смисла на тој поим. П.С. Нема потреба во пдф да ми ги посочуваш книгите, ги имам во класична форма, дома:
Ти во воведниот пост реферираше на Телема како телемитска теологија, а теологија се фокусира на верата бидејќи истата претставува обид за изразување на вера. Кој рече дека сакам да изразам нешто лошо или спорно? Главната поента ми беше да докажам дека Crowley на еден или на друг начин, профитирал и имал бенефиции. Повторно, не ми е јасна поентата на овој дел од постот. Целта беше да се докаже дека една од мотивациите на Crowley за профитирање била неговата зависност од дрога. Не ме интересира како станал зависник, туку дека профитот од неговите книги го користел за да купи дрога.
Па не баш, како што веќе реков не сите религии се темелат на верување, Телемата пред се е систем од пракси и симболика чија цел е осознавање, контеплирање. Секако, тоа не значи дека телемитот не смее или не може да верува, но тоа е негов личен - индивидуален пристап а не догматски пристап на Телемата кон телемитот. Па обично етикетирањето на некого како ,,шарлатан" е лошо и спорно.... А мојата цел беше да објаснам каква била свесноста и третманот на наркотиците во тоа време. Без таа ,,мала ситница" што ја објаснив, се добива сосема поинаква слика за ,,зависникот" Кроули.
Јас претходно го искажав моето мислење, а тоа е дека како и секоја друга религија или натприроден филозофски правец што постои, секоја верба во нешто, вклучувајќи ја и Телема, според мене претставува резултат на недостаток на разбирање на каузалност и случајност. Мојот дел од постот не беше фокусиран на тоа дека Crowley е шарлатан или не, туку за профитирањето што не е карактеристика само за шарлатаните, туку за секој човек на планетава. Тоа што изразив дека Crowley е шарлатан е мое лично мислење. Само оние кои веруваат во неговата филозофија ќе го перцепираат тоа како "лошо" и "спорно", што абсолутно не е мој проблем - не мора да се согласуваш со мене, доволно е да го почитуваш фактот дека секој има право да изрази сопствено мислење, дури и кога истото е различно од твоето. Мојата намера не беше да го претставам Crowley како зависник од хероин. Тоа е веќе утврден факт.
Телемата не е никаков ,,натприроден" филозофски правец, нема ништо натприродно во Телемата. Како што гледам, ти си таа овде што има недостаток на разбирање за темата на која дискутира. Телемата не се темели на верување. Никој не го спори тоа дека секој може да изрази мислење, тоа не значи дека мислењето по дифолт ќе ја отсликува реалноста, за тоа се потребни аргументи и факти. Како што веќе реков, таа ,,мала ситница" што ја објаснив итекако прави разлика.
"Thelema has also occasionally been described as an esoteric, ethical, ideological, magical (or magickal), mystical, occultic or paranormalsocial system or schema of beliefs and concepts." Елементите на магија, мистичност, окултизам и паранормалност се дефинираат како натприродни бидејќи опишуваат контексти кои не се валидни во научната заедница. А аргументи и факти припаѓаат во склоп на научната заедница. Факт е дека Crowley бил зависник од дрога. Субјективните впечатоци не се секогаш факти и во склоп со објективната реалност.
Окултно е термин што етимолошки значи скриено а не надприродно. Слично е и со термимот езотерија: Понатаму во Телемата се користи терминот магика (magick) а не магија, и има детална дефиниција што значи, нема врска со ништо натприродно..... Не ја познаваш темава а се дрзнуваш да судиш. Аргументи и факти се користат секаде каде има можност за рационална дискусија. Никој не го спори тој факт, поентата е дали некој го употребува или злоупотребува. Игнорирањето на фактите што јас ги посочив, создава поинаква слика за тој човек и ти тоа многу добро го знаеш.
Си навел премногу ограничена дефиниција за зборот "esoteric" бидејќи истиот, во смисла на телема се употребува за да се поврзе нејзината сличост со "esotericism" кој што "also describes mystical, spiritual or occult viewpoints" и кој меѓу другото проучува "magic, mysticism and occultism" кои претставуваат истите карактеристики со кои е опишана телема. Што се однесува до окултизмот, официјалниот речник Merriam-Webster го означува истиот како "belief in or study of the action or influence of supernatural or supernormal powers" Самиот концепт на "Magick" содржи "both 'mundane' acts of will as well as ritual magic", како што Crowley во неговата книга ги наведува потребните алатки како круг нацртан на земја, кои би требало да имаат симболичка претстава за психолошки или метафизички елементи. "The magician is surrounded by a scourge, dagger, and chain intended to keep his intent pure." Натприродно е да се верува дека овие предмети имаат објективно влијание врз субјективната психологијата на еден поединец. "An oil lamp, book of conjurations and bell are required, as is the wearing of a crown, robe, and lamen. The crown affirms his divinity, the robe symbolizes silence, and the lamen declare his work." Зошто се потребни овие предмети за симболизам? Зарем концептот и практиката на "Magick" не може да функционира без овие предмети? Со други зборови, сакаш да кажеш дека зависноста на Crowley од дрога треба да биде "оправдана" поради временскиот период во кој живеел?
Ако се е дел од природата, не може да биде натприродно. Спиритуалност и мистицизам не се натприродни нешта. Во најавниот пост многу јасно стои дека разните божества во телемата ги преставуваат разните сили на природата. Во секојдневието окултно може да означува паранормално, но оргиналното значење потекнува од латинскиот збор occultus: The occult (from the Latin word occultus "clandestine, hidden, secret") is "knowledge of the hidden". Самата си пишала дека треба да имаат симболичка претстава, за после да напишеш: И на крај да завршиш со прашање зошто е потребен целиот тој симболизам: Потребни се на тие што се пронаоѓаат во таквиот начин на пракса, никој не тврди дека сите треба да користат симболика и ритуали. Ако за тебе функционира друг систем, секој телемит ќе те охрабри да го користиш, сигурно нема да ти рече дека те чека огненото езеро ако не правиш исто како и јас или ако не го прифатиш Хорус. Па нормално! Тоа што денес го знаеме за наркотиците не е исто што тогаш било познато. Лекари препишувале наркотици за лечење, се користеле во пијалоци, козметика, храна. Не постоела прохибиција на наркотици во тоа време, бидејќи малку се знаело за негативните последици од истите. Друга работа многу битна е дека животот на Кроули не е модел според кој треба да живеат телемитите, бидејќи секој е уникатен на свој начин, секој има посебна чиста волја која се разликува од таа на другите. Кроули помеѓу другото бил и бисексуалец, тоа не значи дека и јас треба да бидам бисексуалец. Темава треба да биде за Телемата а не за Кроули.
Мислам дека ни малку не треба овој вид на тема да спаѓа под РЕЛИГИЈА. Се чудам само што сѐ има настанато на светов, на секоја форма во која може да се јави сатаната. А и ова за жал спаѓа во таа форма. Ама добро, секако се живеат последните времиња па ете се појавија секакви глупости и измислени теологии кои едвај чекаат "да докажат нешто". Лошо, навистина лошо!
