Епа вака мислам дека гласеше: Да стоиш со прстот една секунда на вжештена плоча - ти се чини како да си стоел цел час. Да седиш во присуство на љубената цел час - ти се чини како да си седел една секунда.
Благодарам за мислењето.Јас гледав нешто на Википедија и теоријата на релативноста беше нешто поврзана со енергијата и брзината на светлината.Некој ми кажа ваков пример за Теорија на Релативноста и сакав да се уверам дали и ова е Теорија на релативноста.
Незнам што конкретно бараш како одговор, но за теоријата на релативноста има да се пишува цели книги... Накратко ако може да се објасни би било нешто вака: Се во природата е релативно. Не постои апсолутно движење или мирување. Исто така релативни се: едноврменоста на настаните, временските интервали, должините, формата и ограниченоста на просторот што го зафаќа некое тело. Релативни се во однос на различни референтни системи. Значи ако во однос на еден систем едно тело има дадена положба, во однос на друг не е истата. Или ако земемеме на пример дека времето е апсолутно- а не релативно и замислиме дека двајца патници се возат во мнооогу долг воз. Едниот во првиот вагон, а вториот во последниот. Ако удри гром во на почетокот на возот тогаш за првиот патник ќе биде тој настан во еден момент, а за вториот во друг- подоцна. Значи неможеме времето да го сметаме за апсолутно, туку за релативно. Зависи што земаме за референтен систем- систем во однос на кој се набљудува појавата, движењето....
Алберт Ајнштајн, во 1905 година ги поставува основните принципи на специјална теорија на релативност, увидувајќи ја неможноста да се применат Галилеевите трансформации (кои во себе ги содржат Њутновите погледи за постоење на апсолутно време и апсолутен простор) за брзини блиски до брзината на светлината: * Во инерцијалните системи (системи кои мируваат или се движат рамномерно и праволиниски) сите закони на физиката се инваријатни (непроменливи). * Во сите инерцијални системи брзината на светлината во вакуум е константна. Нејзината вредност не зависи од брзината со која се движат изворот или приемникот. Специјалната теорија на релативност важи само за рамномерни праволиниски движења и при тоа, Галилеевите трансформации преминуваат во Лоренцови. Исто така ги поставува законот за собирање на брзините (применувајќи ги Лоренцовите трансформации), воведува релативистички изрази за маса, импулс и енергија итн. Ја објаснил и појавата на фотоелектричен ефект, воведувајќи ја хипотезата дека енергијата во светлинскиот сноп е концентрирана во “мали пакети“ наречени светлински кванти (фотони), а не по брановата површина како во класичната теорија и воведувајќи ја релацијата за фотоелектричен ефект. Последици од Лоренцовите трансформации се контракција на должината и дилатација на времето.
Па вака,не ја знам теоријата на Ајнштајн за релативност,гледам дека опфаќа повеќе работи простор,време,барем колку што ги прочитав претходните мислења.Сепак за релативноста мислам дека не е само просторот,времето,туку и се во животот,па дури и начинот на кој размислува човекот,секоја мисла,секое дело од страна на човекот е релативно,не е константно,исто и за природата но сепак тоа е еден процес кој што не е константен.Токму поради тоа мислам дека има врска и психата кај човекот,затоа и постои психологијата како наука,нешто што сите работи што се случуваат во природата,кај човекот,просторно-временски,па да речам дури и дводимензионалноста,тродимензионалноста,се е на база на релативност.Мислам дека тоа е процес кој што постои и опстојува,од кој зависат можеби и многу работи за кои мислиме дека се само чиста случајност,незнам дали сум во право или не сум,но тоа е моето размислување во врска со релативноста,за кое што сум размислувала.Меѓутоа,нормално дека сум слушнала за Ајнштајн но не сум навлегувала во тоа што тој говорел,нити па ме интересирала физика,туку да речам некогаш некои работи во мојот живот ме потикнале да размислувам за релативноста,најчесто тоа биле и одредени личности што сум ги сретнала.
Не би да преведувам, но http://www.spacetimetravel.org/ има пристојни информациим доколку му треба на некој нешто друго. Барем напишано со различни реченици од википедија.
Имаше еден мал текст кој што го учевме по англиски јазик и во него беше објаснето вака: Еден час по математика е 45 мин. а нам ни се чини како да е цела вечност,а додека пак сме заедно со симпатијата 45 мин. имаме чувство како да сме само 5 мин.,значи кога се чувствуваме пријатно времето побрзо ни поминува Не ми замерувајте на објаснувањево,ова беше само текст во учебникот по англиски јазик и тоа некаде во V-то одд. и нормално предвиден за да може да се свати теоријата на релативност колку-толку на таа возраст. Ама се уште го паметам!
Теоријата на релативност навистина функционира, а тоа се потврдува низ многу примери од праксата. Факт е дека во одредена состојба времето поминува со брзина на светлината, односно ние така чувствуваме, а во друга ситуација многу бавно. Aко земеме за анализа одредена појава, истата е различна во однос на различни референтни системи и вредности, што претставува релативитет и не може да се земе како апсолутна.