Тестирам Philips Lumea за безболно и долготрајно ослободување од влакната. Ask Me Anything!

Драги девојки, низ многу теми никнуваат прашања за ефективно отстранување на несаканите влакненца и постигнување на кадифено мека и глатка кожа. И тоа воопшто не е чудно – факт е дека отстранувањето на влакната секогаш е „жешка“ женска тема. А, од можните решенија на проблемот, долготрајната депилација се издвојува како најпримамлива опција.

Добив шанса да го тестирам Philips Lumea – уред за фотодепилација, односно ослободување од здодевните влакна со помош на IPL (интензивна пулсирачка светлина). Невозможно е да не го дочекаш со одушевување ветувањето за намалување на растењето на влакната за 75% по само 3-4 третмани.

Најдобро од сè е што целата постапка е тотално безболна! Со други зборови, сега можеме преку домашни третмани да ги почувствуваме на своја кожа придобивките од технологијата што се користи во професионалните козметички салони.

Морам да признам со огромна возбуда ја дочекав можноста да го тестирам, бидејќи се чувствував како да сум на чекор од остварување на женскиот сон за мазна кожа.

Наоружана сум со ентузијазам и подготвена сум да го споделам искуството.

Пукајте со прашања, ќе се потрудам да одговорам на сите.



Впечаток од првиот третман: Сè помина ЛЕСНО, БЕЗБОЛНО и БРЗО .

За две недели (кога ќе го направам и вториот третман), ќе имам аргументи да го коментирам ефектот (по природа сум оптимистка, се надевам на супер резултати ).


Што ми влева надеж дека Philips Lumea е идеален за мене?

• Долги безгрижни периоди без влакна. Откако ќе помине првата фаза од 4-5 третмани, искуствата велат дека минуваат во просек „6 недели на слобода“, без глупави грижи за тоа дали сум подготвена за плажа, за љубовна средба, за маичка со прерамки или кратко фустанче.
• Болка? Што е тоа? АПСОЛУТНО НЕ ОСЕТИВ БОЛКА. Немаше ниту пецкање, ниту ништо. Третманот со Lumea е целосно безболен. Кога ќе ми текне на болката при депилација со восок, веднаш се згрчувам. А кога ќе си ја видам долгата лузна над глуждот од брич, која си ја направив при брзање, со сета сила стискам палци за добри резултати со Lumea.
• Може да се користи за нозе, раце, лице (над усни, брадичка, бакенбарди), стомак, пазуви, препони. Буквално може да се третираат сите најпроблематични области за жените. Моделот кој ми беше даден за тестирање Philips Lumea Prestige има специфични додатоци за лицето и бикини-зоната за ефективно третирање на влакната на областите каде што кожата е почувствителна.
• Безбедно користење во домашни услови. Се разбира дека кога е во прашање нетрадиционален метод за депилација, прво се замислуваш за безбедноста. Дали е штетно? Технологијата на Philips Lumea ја одобруваат дерматолози, а клинички испитувања кои траат повеќе од 12 години со над 2.000 жени покажуваат дека е безопасна.
  
• Ракувањето со уредот е многу лесно. Седнуваш каде сакаш низ дома и само се фокусираш да го поминеш прецизно секое делче од кожата.
• Беспрекорно „чист“ метод за депилација. Со години наназад се депилирам со топол восок сама дома и секогаш правев огромен хаос. Како што и секоја од вас знае од искуство, и бричењето воопшто не е баш чиста постапка. Со Lumea сè околу мене си остана во совршен ред.
  
• Јас сум идеална кандидатка (многу светол тен + темни влакна) за да добијам максимални резултати. Цел живот посакував да имам потемен тен и светли влакна. За првпат сум среќна што сум бела како крпа и што влакната ми се ептен видливи.

Првата средба
Водена од ветувањето за намалување на растењето на влакната за над 75% по само 3-4 третмани експресно брзо ја отворив кутијата и мошне нетрпеливо фотографирав.

Philips Lumea Prestige е безжичен уред кој би го нарекла „женски пиштол“. Веднаш легнува на раката. Во предниот дел се гледа колоритниот филтер низ кој излегува светлината. Големото копче служи за „пукање“ со пулсирачка светлина, а веднаш под него се наоѓа делот за нагодување на светлосните блесоци на различен тен на кожата.



На задниот дел има тенко проѕирно прозорче кое светнува зелено кога правилно сте го позиционирале уредот на кожата и може да го користите. Увидов дека ова е многу, многу корисно, бидејќи уредот треба да е поставен под агол од 90° на кожата. Активирањето на зеленото светло, ви вели „одлично е поставено, само напред, пукај“.

Освен додатокот за тело, има и два специјални додатоци за бикини-зоната и за лице. Сите тие имаат UV филтер за заштита од UV светлина. Додатокот за лице нуди поголема заштита, бидејќи кожата е почувствителна, а додатокот за бикини-зоната е со помало прозорче за попрецизно таргетирање на влакната, кои во оваа област знаат да бидат поцврсти.

Во комплетот има уште и полнач, несесер, нежно крпче за чистење и се разбира – упатство за употреба. Обично го прескокнувам читањето на упатствата и инстинктивно се фрлам во користење на уредите, но сега започнав оттаму. Сè е објаснето детално преку јасни препораки и инструкции.

Првото користење
Одлучив прво да тестирам на нозете. Од упатството дознав дека кога го употребувате уредот, важно е кожата да биде мазна, што е уште една позитивна страна, бидејќи не сте принудени да чекате да подраснат влакненцата како кај класичната депилација.

По ваш избор може да се избричите или да се издепилирате со депилатор или восок. За најбрзо, јас го избрав бричот. Единствено не се препорачува употреба на крем за депилација, за евентуално да не дојде до иритација на кожата.

Совети: Доколку се депилирате со восок, почекајте 24 часа пред да го искористите уредот. Задолжително истуширајте се, зашто најважно е кожата да биде чиста и целосно сува.

Важно е да се избере соодветен интензитет на пулсирачка светлина (скалата е од 1 до 5). Бидејќи имам многу светол тен, за мене се препорачува да го користам на 4 или 5 степен. Започнав претпазливо од 3 степен, а потоа веднаш преминав на 4, па на 5.

Го поставив уредот под агол од 90° и откако светна зеленото светло, го притиснав големото копче. Не почувствував ништо непријатно, а кожата ми остана непроменета. Охрабрена продолжив делче по делче. Еве како изгледаше тоа:



Двете нозе ги поминав од колената надолу за нешто помалку од 20 минути. Следниот пат со сигурност ќе биде и побрзо.

Овој модел има и опција за фотодепилација „со лизгање“ (Slide & Flash), но неа одлучив да ја испробам во текот на вториот третман. (Првите 4 третмани се препорачува да се прават на секои 2 недели.)



Сè на сè презадоволна сум од тоа како помина првиот тест. Сепак, најмногу ме интересира ефектот и нестрплива сум да видам што ќе се случи по две недели.

Еве и одговори на некои од прашањата кои ги имав пред да се запознам одблиску со методот фотодепилација и поконкретно Philips Lumea:

Спојлер: Како функционира Philips Lumea?

Уредот е развиен врз база на иновативната технологија IPL (интензивна пулсирачка светлина), во соработка со научници и дерматолози.

Нежните светлосни пулсирања се апсорбираат од коренот на влакното. Колку е потемно влакното, толку подобро се апсорбираат, па затоа најдобар ефект се постигнува кај жените со повидливи влакненца.

Светлосните пулсирања ја стимулираат фоликулата на влакното да влезе во фаза на одмор и како резултат на тоа, влакната опаѓаат и се спречува повторно растење.

Спојлер: Колку често треба да се користи?

Првите 4-5 третмани препорачливо е да се прават на временско растојание од 2 седмици. Сите влакна растат различно (некои ни се подолги, некои пократки). Целта е со овие третмани да се истретираат сите влакна.

Потоа, одржувањето на мазната кожа е индивидуално. Голем дел од жените немаат потреба да го користат уредот 4-8 недели.

Спојлер: Како да сум сигурна дека ќе има ефект?

Philips Lumea е ефикасен кај кафеави, црни и темноруси влакна.

Како и останатите третмани со светлина, Philips Lumea не е ефикасна на бели, светлоруси и црвени влакна.

Спојлер: Може ли да се нанесуваат козметички производи на кожата по третманот?

Да, можете да користите лосиони, креми, дезодоранси уште веднаш по завршувањето на третманот. Сепак, ако случајно кожата ви е зацрвенета, најдобро е да почекате да се повлече црвенилото.

Спојлер: Колку време е потребно за полнење на уредот?

Пред да го користите уредот првиот пат, наполнете ги батериите. Полнењето трае приближно 1 час и 40 минути.

Се надевам дека ви разбудив љубопитството , топката е на ваш терен, слободно прашувајте.

И за крај... изненадување. Имате шанса да го добиете фотодепилаторот Philips Lumea Prestige како подарок. Повелете линк: Квизот на Фемина »

И добитничката ќе може од искуство да се вклучи во дискусијата за постигнатите резултати.

 

Дали може депилаторот да го користат две девојки на пример, дали е хигиенски и дозволено?

 

@Dijana, наредниот пат сликни на раката пред бричењето, да видиме како е, па после неколку недели направи го истото, да видиме каква промена има со третманот.

Едно прашање: дали е безбеден за исклучително чувствителна кожа? Дали е тестиран на кожа со депигментација?

Примамливо ми изгледа, но не ми се ризикува поради цената.

 

Дали може да се користи на понежни делови од телото, пр. лице?
Каков вид на светлина користи? Ултравиолетна, инфрацрвена?
Дали постои некој доказ дека употребата на овој апарат не поттикнува создавање на канцерогени клетки во телото?
Благодарам.

 

Бидејќи најверојатно го рекламираш производот може ли да дадеш некоја подетална информација околу трајноста на овој производ. На интернет најдов многу негативни критики во однос на трајноста, по истекување на гаранцијата (две години) се случувало да престанува да работи. Не ми се ризикуваат 500 евра па би било добро да добијам некоја повратна информација

http://www.productreview.com.au/p/philips-lumea-ipl.html

 

Што е разликата од тој од 250е и тој од 500е?

 

Сите прашуваат дали е ефикасен, ама дали е безбеден ????

Колку е безбедно тоа зрачење ????

 

^Зрачењето никогаш не е безбедно.

 

кажи ни како да учествуваме по наградната игра т.е. да го добиеме?

 

Кое е првото прашање што треба да се одговори како би учествувале во наградната игра ?

 

За да станеш потенцијална добитничка на Philips Lumea Prestige, одговори на прашањето:

За колку проценти се намалува растењето на влакната по три третмани со Lumea?
Одговорот го имаш во првиот пост во темава.

 

зрачењето е штетно,секако.. но женско како женско-јас пример не сакам влакна никаде , дали е дозволено,да се користи на интимната област,пазуви и лице??

 

Да, да, направив фотографии пред првата употреба од дел од нозете и рацете (иако знам дека не е баш пријатно да се гледаат такви слики ). Откако ќе измине периодот за тестирање, ќе направам и нови и ќе ги објавам за споредба.

Имам баш исклучително чувствителна кожа (и бричење и обична депилација ми ја иритираат). При првиот третман немав никаков проблем со Lumea, не се појави ниту црвенило, ниту друга промена на кожата.

Кај кожа со депигментација обично нема меланоцити (клетки кои создаваат меланин, пигмент кој го одредува тенот односно бојата на кожата). Поради тоа кожата е многу бела и најчесто и влакната се бели. Philips Lumea е ефективна на црни, кафеави и темноруси влакна, но не и на бели, црвени и светлоруси влакна, што значи дека на областите со депигментација нема да го има посакуваниот ефект.

 

Мислам дека оваа табела најдобро ќе одговори на прашањето, бидејќи нагледно ги покажува предностите на поскапиот уред.



Важна разлика е што моделот SC 2009 има специјални додатоци за третирање на влакната на поделикатните делови - лицето и препоните, додека SC 1995 нема.

SC 2009 е безжичен, можам да си правам третман каде и да посакам низ дома без да ми се плетка кабел околу мене. Дополнителна предност е што може да се користи на кожа со нијанса потемен тен споредно со SC 1995.

 

Да, нема проблем да се користи од повеќе од едно лице.

 

За среќа, моделот PhilipsLumea SC 2009 може да се користи на сите проблематични делови, бидејќи има и додаток за лице (односно за третирање на влакна над усните, брадата, бакенбардите) и специјален додаток за бикини-зоната. Може да се користи и на стомакот и пазувите.

Од друга страна, моделот Lumea SC 1995 нема додатоци за третирање на лице и бикини-зона.

И јас имав многу прашања во таа насока, дали е безбедно, има ли некаков ризик и сл. Технологијата IPL (Интензивна пулсирачка светлина) е неинвазивна и се користи како метод на отстранување на влакна од 1997 година. Оттогаш па досега нема регистрирани никакви несакани ефекти или оштетувања предизвикани како резултат на долготрајна употреба. Lumea доаѓа со интегриран UV филтер за заштита на кожата од ултравиолетова светлина.

Да дополнам дека не се препорачува Philips Lumea да се користи од бремени жени и доилки, како и од жени кои имаат екзема или друго воспаление или заболување на кожата.

 

Линкот се однесува на стари модели кои се декларирани на 100.000 блесоци. Новите модели имаат животен век од над 250.000 блесоци, односно се многу подолготрајни.

Пред недела дена го добив уредот и не можам да зборувам за трајноста од лично искуство, но прочитав доста ривјуа за Lumea, а секогаш го одбирам Амазон како најрелевантен за искуства од прва рака. Таму коментарите и оценките се исклучително позитивни:
http://www.amazon.co.uk/s/ref=nb_sb_noss_2?url=search-alias=aps&field-keywords=philips lumea

 

За да станеш потенцијална добитничка на Philips Lumea Prestige, одговори на прашањето:

За колку проценти се намалува растењето на влакната по три третмани со Lumea?

Одговорот испрати го на e-mail lumea@femina.mk, заедно со твоето име и презиме, возраста, градот во кој живееш и телефон за контакт.

Повеќе информации прочитајте на линкот: Освој Philips Lumea Prestige

 

Благодарам на одговорот. Не го формулирав баш добро прашањето, знам за влакната на тие делови без пигментација, но останатиот дел од кожата е пигментиран и влакната се темни. Ваква кожа има тенденција за губење на пигментот од трауми, пример удар, лузна, изгореница... и на здрава кожа не се враќа пигментот ако се оштети. Ме интересира дали овој апарат би предизвикал губење на пигментот и на здрави делови. Затоа сакав да знам дали е тестиран.

 

1. Може нема несакани ефекти на физичко ниво, но на суптилно ниво (невидливо и неосетливо) сигурно има. Самото зрачење прави некој ефект да го умри коренот на влакното, и колку влакна имаме, толку реакции во кожата.
Обичното депилирање е штетно, а не пак со зрачење.

2. Зошто ако е 100% безбеден да не се користи на бремени жени и доилки? Значи сепак има нешто штетно.
Бидејќи се што е здраво и природно НЕ им е забрането на бремените.
Логично, нели..????

Муабетов е трпи за убајна, нема да имаш влакна, ама дека ќе истрпиш за нешто друго.

Крај краева, еве и јас се депилирам, ама толку ризик (и со пари и со зрачење) не ми се прави.