Тестирам Philips Lumea за безболно и долготрајно ослободување од влакната. Ask Me Anything!

Јас имам бел тен, со пеги, ама влакната не ми се толку светли и бели, имаат некоја светла кафена боја на рацете, а на нозете оти ги бричам ми се потемни, се надевам дека можам да го користам,

 

Бидејќи станува збор за поделикатно прашање и не сум компетентна да одговорам, ги контактирав од Philips. Ставот на дерматолози кои соработуваат со Philips е дека Lumea може да се користи на здравата кожа и тоа нема да поттикне проширување на депигментацијата.

Сепак, секоја личност е различна и за да се чувствуваш посигурна, консултирај се со својот дерматолог.

 

По неколкуте прашања за безбедноста на Lumea, исконтактирав директно со Philips за да добијам релевантни дополнителни информации . Се надевам дека нивниот одговор ќе разјасни многу дилеми:

• Методот IPL за отстранување на несаканите влакна се користи веќе 20 години и досега не се регистрирани никакви кожни заболувања или оштетувања. Технологијата користи широкоспектарни светлински импулси од жолта, зелена и сина боја, кои се потполно безопасни, за разлика од ултравиолетовите зраци. Како резултат на тоа, влакненцата опаѓаат природно и се спречува нивното повторно израстување.
• Philips Lumea, како и секој друг уред на Philips, е изработен во соработка со врвни дерматолози, клинички е тестиран и одговара на сите барања од уредите за домашна употреба. Како и секој друг уред за нега на кожата, важно е тој да се користи според инструкциите во упатството.
• Philips Lumea има пет нивоа за прилагодување на интензитетот на пулсирачка светлина, за да се гарантира нежно и ефикасно третирање. Така што, ако уредот се користи правилно, третманите се целосно безопасни и нежни, дури и за чувствителна кожа и за чувствителните места на телото.

Во однос на бременоста и доењето... Како што знаете, во овој специфичен период настапуваат редица хормонски промени, кои можат да предизвикаат несакана пигментација на кожата. Поради тоа, и покрај сите клинички истражувања, и покрај тоа што во изминативе 20 години нема регистрирани случаи кои укажуваат на негативен ефект врз здравјето, не се препорачува фотодепилација за време на бременост и доење. Впрочем, во бременоста и постпородилниот период се советува максимална претпазливост со сè, на пример и со изложувањето на сонце.

 

Дали може машки да учествуваат во наградната игра?

 

Ај што е ова женски форум, ама дај наградата нека си ја земе некоја жена бе.
Ко ќе има наградна игра за влошки и маскара за очи, тогаш може.

 

Тотално непотребно некултурен одговор.. Никаде не пишува ограничувања за пол, и како што секоја жена сака (и поради општествено наметнати и научени улоги мора) да има мазно тело насекаде, така има и мажи кои сакаат да се решат од вишок влакна на одредени места.

@Jason123 секако дека може да учествуваш, нема потреба да прашуваш, еве и што пишува во правила за учество „ Поканети се да учествуваат сите граѓани на Република Македонија со наполнети 16 години.“

@Dijana фала за исцрпните објаснувања и одговори, многу ме заинтригира апаратов, и како што кажаа другите членки доста е скап, но гледам има можност за плаќање на рати, и кога ќе собереш - секој месец депилација ми е 700 денари, а месечна рата за ова е 800 денари, така да разликата во цена не е голема, а изгледа дека е во ефикасност и долготрајност... Одговорив на прашањето, па стискам палци

 

Колку време од прилика ти требаше за првиот третмант што си го правеше?

 

Ако го подарам на женско може?

 

Мене не ми беше поентата кој може, а кој не може да учествува. Прашај си за тоа на одговорните.
Но, ова е женски форум, на него се дружиме ние од женскиот пол, самото име Фемина ти кажува се, а наградата е коректно да ја добие некоја која редовно е тука или воопшто билокоја која го чита сајтов.
А, ти ако сакаш слободно купи го и подари го апаратов.
Знам дека можеби изгледа некултурен одговоров, ама оние постари членови знаат убаво на што алудирам.

 

Знам на што, а знам и дека (прости ми ама) глупо ти е тоа на што алудираш.
Според твоето никој не треба да учествува, зашто секој може да си го купи, така нели..

 

^Не знам зошто не би можело машко да учествува, кога во самите правила пишува единствен услов да се учествува е да се има над 16 години. Не мора да е воопшто членка а уште помалку па некоја што е редовна.
Крај краева не знам ни зошто така му се обрати кога и самата кажуваш дека не ти се ризикува со ваков апарат.

 

Мојата пресметка изгледа вака некако:
Ако одам на депилација еднаш месечно, трошам 600 денари.
12х600=7200 - годишно
За 5 години - 5х7200 =36000

Цената на апаратот се исплаќа за некои 5 години (во зависност од интервалите на депилација и цената на истата).
Она што ме кочи при купувањето на апаратот е тоа што не сум сигурна дали е безбеден за користење. Би сакала прво да слушнам коментари од кориснички тука на форумов, пред да се одлучам на купување.

 

а дали е скроз безболно?

 

Не знам колку е точно, ама оние кои биле на ласерска епилациа имаат гаранција неколку години, а потоа пак им растат влакна.
Така барем ми кажувале неколкумина кои биле.
И овој апарат има гаранција, ама до определен период.
Никој не ти гарантира дека влакната еднаш засекогаш ќе престанат да растат.

Иако, за безбедноста не кометирам (еве погоре објаснуваат за тоа), но дека е полесно, безболно и многу подобро отколку во козметички салон, навистина е.

 

Ми требаа нешто помалку од 20 минути за третирање на долниот дел на нозете (од колената надолу). Како што привршував, така ми одеше сè побрзо, па убедена сум дека вториот третман ќе биде уште пократок.

 

Да, целосно безболен е третманот. На 1-2 места на нозете почувствував само блага топлина при импулсот, која трае помалку од 1 секунда. Ништо повеќе.

 

Здраво на сите
Она што ме интересира за SC2009 е дали може да се користи во секој дел од годината. На пример во лето, кога кожата е изложена на сонце, често и малку оштетена.
Благодарам

 

Само сакам да најдам решение за моето лице, секој ден станувам се гледам во огледало и корнам влакненца без тоа денот не ми почнува, се радувам што видов дека постои вакво нешто, ласерските третмани се скапи неможам да си ги дозволам, а за ова и да одвојам пари некогаш барем знам ке го имам дома и ќе третирам додека не постигнам видлив ефект, каде не се обратив, имам 26 години, а имам комплекс, намалена самодоверба, некогаш и ме боли лицето од нив, само сакав да споделам, се надевам дека некој искрено ќе му се радува, а сигурна сум дека ке помогне

 

Мислам дека не, ваквите апарати со ласери се препорачува на секои 6 месеци, но мислам дека не смее кожата да се изложува на сонце пред и после епилацијата. Барем вака ми имаат кажано во Техномаркет за епилатор сличен на овој, сепак @Dijana нека ни објасни за најсигурно.

Излезено е второто прашање

 

Го одговорив првото прашање и добив повратен одговор исто и мајка ми и другарка ми нешто како ви благодариме на учеството, и вчера трите од кај мене од компјутер го одговоривме второто но не добивме повратен одговор.. така е кај сите или нешто не ни е ко што треба испратено ?