Тестирам Philips Lumea за безболно и долготрајно ослободување од влакната. Ask Me Anything!

Ќе функционира. И јас имам светол тен и темни влакна и користам јачина 5.

 

Уф супер чим така, да го земам овој модел го мислев: https://www.neptun.mk/categories/LI..._LICE/ipl_depilatori/PHILIPS-LUMEA-BRI-977-00

 

Update: Го купив и се поминав денеска, освен препони/интима и стомак. Баш добро оди, мислев дека ќе е многу поспоро па оставив другово за утре задутре, ама брзо оди, се надевам дека добро го истерав

 

Мене ме интересира дали може да се прави целосна епилација на интимна зона? Не најдов до сега конкретен одговор.

 

Размислувам да земам но се уште не сум одлучена.
Дали имате искуство со некој од овие:
- PHILIPS LUMEA BRI921/00
- PHILIPS LUMEA BRI940/00
- PHILIPS LUMEA BRI945/00
- Garett Beauty Cool IPL Hair Remover White

После колкав период видовте резултати?
Дали може да се користи и во лето?
Читав дека доколку не се користи цело време (1,2,3... години) влакната се враќаат уште поцврсти.
Дали може да се користи за цело тело или има делови што не смее?

 

Јас го имам оној со 4 додатоци - пазуви, надусници, интима и цело тело. Не знам кој е точниот број на моделот.
Мора убаво да ги отстраниш влакната пред да ја користиш Лумеата. Ако користиш брич, тогаш можеш да ја користиш истиот ден, а во случај на депилација треба да почекаш барем еден ден за да се оформи корен на влакното за да може да делува.
Не се препорачува користење на дезодоранс, лосиони, креми или било какви други препарати пред да ја користиш Лумеата. Кожата треба да е чиста и сува.
Кога го купив, првично ги следев упатствата според кои правиш 4 (мислам, можно е да беа 6) третмани - еден третман на две недели. Бидејќи не ми беше изводливо да одам на депилација на секои две недели, во тој период практикував брич. Откако ќе ги завршиш тие третмани, преминуваш на еден третмани на еден месец. Јас искрено еден период го забаталив. Периодов пак сум редовна со тоа што не ги правев тие првични третмани туку веднаш преминав на еден третман месечно. Имам резултати. Влакната се поретки, помеки и растат побавно. Моментално не сум била на депилација еден месец и се уште немам доволно долги или густи влакна за депилација. Тоа за мене се супер резултати. Не смееш да го користиш во предел на усните (интима) и анусот, мислам дека тие места беа само, но секако ти пишува се во упатствата.
Во лето може да се користи меѓутоа мора да нанесеш 50+ СПФ следниот ден и да избегнуваш изложување на сонце истиот (а јас практикувам да избегнувам и денот после третман кога сум во можност). Не го користам пред одмор кога знам дека 7-10 дена ќе бидам константно изложена на сонце.
Е сега, се зависи од бојата на влакната. Колку се потемни, толку подобро може да делува. Во случај да си русокоса и имаш светли влакна, не би ти препорачала да си ги даваш парите.

 

Јас го имам 921. Го земав првенствено за надусници и додатокот е добар, можеш убаво да го поминеш тој дел на 3 пати. Има и мало електрично апаратче за бричење на надусници, супер е.
Рацете ги поминав 2 пати или 3 макс и имав резултат ама немам дисциплина до толку да сум редовна и немав нерви баш секој милиметар да го поминувам него само кај што си знаев дека имам најмногу влакна и се откажав.
На надусници ми се вратија црните влакна пак ама проверив хормони и излезе дека е од тоа па не ги повторував третманите веќе.
Ако си заинтересирана за тој модел, го продавам, можеби уште има и гаранција, ќе проверам.

 

Ви благодарам на двете.

Јас мислев може цело тело без ниту еден исклучок.

Се уште размислувам бидејќи на ласер да одам немам можност, а имам густи и црни влакна па ова ми делуваше како едно можно решение да не сум секој ден со бричот во рака.

 

Штом имаш густи и црни влакна, тогаш имаш навистина топла препорака од мене. И исто така, би ти препорачала да размислиш за депилација наместо бричење. Можеби би ти препорачала да продолжиш да се бричиш за тие иницијални 4-6 третмани со Лумеа ама потоа да преминеш на депилација. Ова ти го кажувам како личност која почна со депилација пред две години. Презадоволна сум. Есента поради икс причини не можев да одам на депилација па единствен начин ми беше бричење. Се чудев како сум имала трпение и време да го правам тоа секоја недела ако не и почесто. Спасот е депилација и Лумеа, ласер и мене ми е недостижна цел засега ама задоволна сум како брка работа Лумеата.

 

Зошто депилација и Лумеа? Не врши работа само Лумеата? Нели можам да ја користам долго време?
Планирам да ја купам па затоа прашувам.

 

Јад мислев дека нема да е потребна депилација доколку се користи Лумеата, поради таа цел и сакам да ја купам. Ни брич ни депилација да не треба, добро сфатив не може сите до едно влакно да ги снема но замислував да останат по 4-5 влакна и толку. Инаку ако повторно е потребна депилација/брич толку често тогаш не знам зошто би ми била.

 

Каква депилација, неколку години ја користам и само се брич се поминувам. Може со машинка да ги пројдам тие неколку влакна што растат, ама само кога одам на одмор за да нема ниедно влакненце подолго време.

 

Депилација е потребна еден ден пред третман со лумеа. Значи се депилираш, поминуваш со лумеа, на 2 или на 4 недели беа првите третмани не се сеќавам, тој период ти растат влакна и пред следен третман пак се депилираш, следниот ден лумеа. После секој третман се помалку влакна ќе ти растат и се очекува после последниот да не ти растат со месеци или по некое влакненца само

 

И после пак со лумеата или како?

 

Да, после само еднаш месечно за да оддржуваш. Има апликација и ќе ти кажува.

 

Да споделам мое искуство. Го купив основиот апарат, без никакви додатоци, на голем попуст. Бев скептична.

Луѓе, кога ги велам дека уште после првиот третман, 70% од влакната на ногата ги снема. Јас го правам телото дел по дел, сега завршив 4 третмана на нозе и сум во фаза на оддржување. 95% се мазни. Не можам да бидам позадоволна.

Сега ги правам пазувите. Тие влакна се малце поцврсти, оштри, па затоа после првата сесија немав резултати, но после другата имам веќе дупки кај што не растат влакна. Едвај чекам да видам после 3та и 4та како ќе биде, затоа што тој предел ми е еден од најбитните.

Следно ќе правам раце, иако, имам тетоважи по рацете, така да, ќе морам некое делови да оставам влакнести, ама нема врска.

Последно ќе оставам бикини зоната. Иако немам додаток за бикини зоната, читав на Редит и овде дека нема проблем и со регуларното апаратче да се поминува, па ќе видиме. И таму се влакната цврсти и инаетливи, ама да ги 50% намали, ќе бидам задоволна.

Секоја препорака за сите што имаат темни влакна.

 

Значи пред да ја искористиш лумеата, се бричиш така? И после треба да помине незнам колку недели за вториот третман, така? А во рок од тие неколку недели дали може да се бричиш?

 

Да, се туширам, се бричам и веднаш користам Лумеа кога ќе сум сува. Нема потреба од депилирање, само убаво да се избричиш.

Првите 4 третмана се на секои две недели. На нозете воопшто немав потреба да се бричам меѓу третманите, но мишките ги бричам, дозволено е.

 

Мора на некаков начин да се отстранат влакната пред да се поминете со Лумеа. Дали со бричење или депилација, тоа е ваш избор. Затоа напоменав погоре - ако се бричите, можете истиот ден да се поминете со Лумеа затоа што со бричење не се отстранува влакното од корен. Ако се депилирате, тогаш почекајте 1-2 дена па поминете се со Лумеа, за да има време да се формира корен на влакно. Јас лично се депилирам и користам Лумеа и гледам голем напредок. Само на почетокот, за тие иницијални третмани што се прават на 2 недели би ве советувала да се бричите затоа што нема поента, нема доволно време да израснат влакната за толку кратко време за да одите пак на депилација и да ја користите Лумеата.