Течна пудра за лице

Флауер, купи си солиден коректор - безброј пати го спомнавме Artdeco camouflage cream и ќе немаш мака со било која пудра.
Ако веќе си решена да купиш некоја со поголема покривност (пак ќе кажам, нема таква која идеално ги покрива сите недостатоци) - бирај си помеѓу 123 perfect од Bourjois и ете најфалената Revlon color stay. Потенцирам дека овие се за комбинирана до мрсна кожа.
Или пак, ако воопшто не сакаш тортест ефект, земи си минерална пудра во прав и доволно ќе биде да нанесеш само од прајмерот и коректор ако имаш потреба и ти ќе си ја регулираш покривноста, со тоа што ќе нанесуваш повеќе пудра онаму каде што мислиш дека има потреба.

Мојот паричник (што го немам) е полесен уште за некоја црвена пара.
Морав, едноставно морав да ја имам и топло ја препорачувам на оние кои не ги љубат течните пудри, а сакаат свеж и убав, среден изглед.

Не знам колку би била добра за оние со екстремно сува кожа, ама со самиот факт што под неа си ставате убава подлога по ваш избор - мислам дека ќе нема гајле.

 

женски , како сте задоволни од овие две пудри на мејбилајн?



дали прекриваат убаво ? јас имам многу мрсна кожа па сакам и овие да ги пробам претходно ја имам кроситено од мејбилајн оваа пудра

и не бев задоволна , многу брзо светнував

Спојлер

Моментално ги користам Буржуа 123 имам пишувано овде , но брзо светам во лицето иако е за мрсна кожа , незнам зашто , а менхетенот е супер само што некако тешко се размачкува..

Што препорачувате , дали да пробам некоја од овие две? Исто така читав и за Revlon Color Stay за мрсна кожа што е , има многу позитивни коментари , но ја нема овде во Грција барем во мојот град не

 

Koritsaki, зошто не си земеш солидна камена пудра, па да пробаш така да ја фиксираш течната и да спречиш мрсен ефект ?
Не очекувај да најдеш идеална мат пудра која ќе ти трае цел ден без светнување на мрсните зони од лицето. Посебно не, кога знаеш дека имаш таков да го наречам проблематичен тип на кожа.
Менхетн според мене е лоша пудра, пробај да ставаш подобар крем - не да биде мрсен, ами некој „помек“ кој не дава мрсен сјај, а сепак добро хидратира.
Нанеси пудра, па стави си камена. Мислам дека кај вас има и пдобар избор на пудри - Сефора, Нарс (чинам имате или?), па дури и пробај со нешто поефтина варијанта - Мејбилин, Риммел ...
И Боржуа е одлична пудра, а има и супер избор на камени пудри и од нив, па купи си некоја и ќе немаш проблем со пречестото мрсење.
Пак ќе кажам - ако имате мрсна, па дури и комбинирана кожа, не очекувајте да најдете течна пудра која ќе ви стои на лице цел ден или поголем дел од денот, па и без да светнете - е премногу е, посебно на вакви топли и сончеви денови.

 

Имаш право Мишела Јас барам нешто што нема да светам цел ден , но како што викаш не постои такво нешто Инаку кај Буржуа 123 ми се допаѓа и тоа што многу убаво мириса па сега си викам да пробам некоја камена пудра или од Буржуа или од Мејбилајн.

 

Земи ја оваа штом сакаш од Макс Фактор, јас искрено не ги сакам многу како бренд. Ги купувам само нивните маскари, ама и тие не ми се покажале баш баш.

Спојлер

Штом имаш акни за покривање земи си и некој подобар коректор, зашто можеби и нема да го постигнеш посакуваниот ефект само со пудра. Ете, имаш солиден и од Макс Фактор - Пан стикот кој патем ако не се лажам, беше некаде 400 денари.

Убав е, можеш да го користиш дури и како пудра ако имаш мрсна кожа, мат е и тврдо-кремаст по структура.

 

Јас пак, задоволна сум - до сега не се случил инцидент со светкање, а одам по следниов тертип:
Ставам обична Dove крема, па коректор, понекогаш од подлогата ЈангДерм (зависи како сум расположена) и со четка ја нанесувам пудрава во прав.
На крај ставам Rimmel stay matte камена и добро е, ама по 7-8 саати секако малку „попушта“ и се гледаат знаци на мрсење.
Тоа е, не можеме да го сопреме лачењето на себум, природен процес е и јас си се помирив со ситуацијата.

Senza.parole, проба ли да ставаш камена одозгора врз оваа во прав?
Пробајте и така девојки, може ќе има некаков резултат.

 

Има, има, да не бидат покусо и они.
Вчера ги гледав, ги има во Тинекс, сигурно и низ Космо и останатите дрогерии.
Не им ја запаметив цената, а ниту изгледот на кутивчињата.
Мислам дека имаше нешто зеленко, ич не ми иде ваква слика каква што најдов на нет.

Спојлер

Можеби се тие, ете мислам една членка ја имаше купено, па нека ни каже таа.
Има две нијанси, ама мене ме интересира покривноста, т.е. дали убаво го изедначуваат тенот и дали се тешки, лепливи, дали покриваат црвенила ...