Женски,некоја препорака? Еве сакам да прашам и за оваа пудра на Loreal True match , поточно за нијансава W2 ( W1 исто е ок ама се мислам да не ми е пресветла), гледам многу ми одговара некако со пудрава погоре од Бенефит. Купив добар прајмер па мислам кога ќе дојдам МК да си ја земам пудрава на Лореал и да ја пробам џабе веќе да не лупам толку пари за пудра само што гледам некои ја користат за мрсно лице , а некои за суво , ги прашав тие од Лореал и ми рекоа дека пудрава е за мрсно лице. Ај вие што сте ја користеле и имате мрсно лице пишете нешто
@koritsaki , јас со пудрава светам бетер од штедлива сијалица, мене воопшто не ми одговара. Лицето го прави навистина убаво, ама дури и со прајмер и матирачки прав или камена пудра, јас повторно светнувам за еден час. Многу слабо ми држи, џабе што по структура е лесна и има преубави нијанси. Сигурно ќе ја стават на попуст, земи ја ако толку имаш желба да ја пробаш, па можеби ќе ти се погоди, од кај да знаеш.
Јас се мислам одамна да си ја земам ама се ме предомислуваат кометарите на темава од девојки со мрсна кожа. ниедна не ја пофали а на јутуб гледам дека доста од девојките ја користат. Не можам да кажам во мое име ама другарка ми не ја менува за ништо а она има помрсна кожа од мојата. Не знам дали ја следиш девојкава https://www.youtube.com/user/laurenbeautyy ама и она се колне во оваа пудра а лиецето и е прилично мрсно и со акни. Ја имаше со смешна цена од околу 500 и нешто денари во Космо по повод роденденот, ама смотана не си ја земав, сега е со редовна цена ама ако имаш клуб картичка ќе ја земеш за 600 денари. За таа цена ми се исплати да ризикувам и да си ја пробам затоа што ми изгледа како убава пудра според она што ја имам пробано низ парфимерииве. Не знам ама темава понекогаш ич не ми е од помош затоа што баш фалените пудри за мрсна кожа мене ми се ужасни, почнувајќи од онаа на Менхетан црната, Ревлонот, Римелот Севентинот... Другава другарка па и ја донеле истава пудра на подарок и иако има многу сува кожа исто е презадоволна од пудрава. На крај пак доаѓаме до тоа дека и на ист тип кожа иса пудра дава различни резултати
Јас ја користeв Loreal True Match до пред некое време. Ја купив негде септември и ја користев до пред 2 недели кога ја купив Nude Illusion од Catrice. За True match-от незнам што да кажам..немам дефинирано некое мислење. Еден период ми е убава, друг ми е одвратна. Убаво изгледа на лице и навистина не се осеќа дека имаш нешто ставено на лицето. Еден слој дава некоја средна покривност која мене совршено ми одговара, Ми се допаѓа многу како изгледа на лице, но јас морам да ја сетирам со камена, инаку ќе светнам за помалку од 1 саат. Не е дека имам премрсно лице, напротив комбинирано ми е (нормално со цредно масна т зона, која во периодов и не е толку масна), но јас сакам мат финиш кој оваа пудра не ми го дава. Трајноста кај мене, со камена пудра, и е околу 4-5 саати. После морам да го натапкам мрсниот слој со палома и да ставам минимално количество камена за да изгледам нормално. Во некои денови, кога е потопло, кога сум во брзање навака натака или пак кога е сосема обичен нормален ден знае да ми светне многу побрзо. Незнам на што се должи тоа ама ете се случува. Тоа се тие денови кога не сум задоволна од изгледот кој му го дава оваа пудра на моето лице. Пред 2 недели ја земав Nude Illusion од Catrice и од тогаш ја користам само таа, Лореалот секако ми е и темна за овој период. Nude Illusion на пример мене поубаво ми лежи на лице...што знам. Не ми се допаѓа структурата (повеќе сакам такви течни воденикави пудри), некако е леплива, ама тоа е само додека се нанесе и избленда на лице. После ја оставам 2-3 мин да се сетира, па ставам камена пудра. Финишот кој го добивам со оваа пудра наспроти лореалот мене лично повеќе ми се допаѓа. Но нели се зависи од лице до лице. Мислам дека Лореалот со добра подлога и камена пудра/матирачки прав би била одлична за оние со комбинирана/мрсна кожа. Но не за оние со мрсна и многу мрсна.
Јас им се спремам на Аура и на Кетрис ама уште се мислам која ќе победи. Мене кожата многу брзо ми се заситува од пудра, особено ако истата ја користам постојано. Ми беше фина на Римел матот ама еве при крај е пудрата, а лицево веќе не ми ја сака, се лизга од него. Не би требало да е така, зошто сега ми е многу посуво него ли на лето. Кога ќе се вратам наназад од сите пудри што сум ги користела мислам дека на сите ќе има најдам некоја мана. Не би дала повеќе од 800 денари за пудра за да ги пробам оние поскапите што ги фалите по темава.
Moze nesto drugo da mi predlozis. Samo sto dojdov od prodavnica, ja probav na mojata raka ne e toa sto mi treba. Predlozi nesto drugo ako znaes. Treba li odozgora da stavam pudra vo prav? Moze predlog za nekoja praska boja rumenilo?
Секако прво на тестер ќе пробам да видам каква е , засега ми е погодена оваа на Бенефит само уште да беше малку потрајна, исто за во зима е многу добра ама за лето незнам како ќе се покаже јас од Есте сум презадоволна ама па зашто џабе да давам толку пари за погрешна нијанса @simoncelicius , еве баш гледам на видеово прва пудра за која зборува е оваа на Лореал
@koritsaki јас ја имам L'oreal True Match нијанса D3-W3 и да ти кажам право не сум пишала во темава од што читав толку негативни коментари за тоа како не била за мрсна кожа, а мене ми е сосема во ред. До душа јас немам мрсна, мојата е нормална/комбинирана со сјајна Т зона и не светнувам повеќе од пудрава во споредба со оние кои ветуваат долготраен мат изглед. Со таа техниката за нанесување прајмер + минерална/камена пудра пред и после течната издржува сигурни 4-5 часа без да светне, а за долготрајност со сигурност повеќе од 8ч. За покривност ми е средна, претпоставувам може и повеќе ама не сум пробала. Нешто што би го издвола како НАЈ кај пудрава е изборот на нијанси и фактот што 100% сум ја погодила мојата. Нијансата ми одговараше летово кога бев повеќе исончана и сега кога бојата скоро ја снема пак супер ми се прилагодува на тенот. Има утра кога се будам спиена по само 4-5 часа и знаеш оној уморен/ненаспан/мамурен сив изглед.... Епа пудрава ми е лек за тоа (површински де ), дава некоја свежина и природен убав финиш што не можам да ја објаснам и со ниту една друга немам таков ефект. Во живо изгледа супер, на слики исто така.
Женски,ај ќе ве молам да ми кажите за пудрата DERMABLEND од Vichy какво искуство имате.Имам комбинирана и проблематична кожа и не сакам и натаму да експериментирам со се и сешто Или предлог за друга некоја покривна и некомедогена.
И не издржа срце јуначко ја купив на Аура Cover me пудрата. Веќе втор ден ја носам и морам да кажам дека сум многуууууууу разочарана и криво ми е за парите што ги дадов. Прво јас ја утнав нијансата, ја земав 103, на мене е премногу жолта, како болна да сум. Но, ајде тоа е моја утка, никој не ми е виновен за тоа. Пудрава многу тешко се нанесува. Читав дека треба или со прсти или со сунѓер. Јас не користам сунѓер, па ја ставав со прсти. Напоменато е во сите рецензии никако со четка зошто се познава премногу. Е и со прсти се познава. Не се размачкува, се лизга од кожата и застанува само на одредени делови. Лицето со пудрава ми изгледа како да ми е прљаво и немиено со денови или како да сум ставала слој, над слој, над слој. Покривноста не ми се допаѓа, иако пишуваше дека има висока покривност, а и од тоа што го гледав како примери, навистина изгледаше дека покрива многу. Не ми го прави ниту рамномерен тенот. После некое време останува слој, ко маска, но не изгледа како да е од пудра, а маснотиите изгледаат како од немиено лице. Многу прљаво изгледа. Пишуваше и дека е водоотпорна и дека потешко се вади. Не е точно, се вади дури и само со топла вода. Добро де, не целосно така дека се вади, ама на пример матот на Римел, дури и со гел за миење потешко се вади, па два пати се поминувам со гел. Се на се, ич не сум задоволна. Ќе пробам да ја мешам со нешто, можеби ќе ја искористам некако. Или можеби ќе купам некој сунѓер, па да видам со тоа како ќе оди нанесувањето. Ај деновиве ќе ја пробам среќата со Кетрис. Еве ја пудрата и еве како изгледаат сите нијанси. Од нет ми се сликите.
Сите што сакавте да ја пробате Лореал True Match, еве ви една интересна понуда од Schatze. L'OREAL True Match пудра 840 денари + Сјај за усни Glam Shine 660 денари + Eye Makeup Remover 420денари = 840 денари. За поубав изглед, повелете во Schatze.
Се надевам дека се одвикнале од гадната навика да ставаат на акција производи на кои рокот на траење им е пред истекување. Одлична е понудата, ќе размислам дали да купам или сепак парите да ги дадам за пудра во прав. И таа ми е при крај. Патем, дали некоја ја има пудрата во прав на Seventeen? Околу 600 денари е мислам во ДМ, па ако некоја ја имала нека каже нешто повеќе, сето она што го наоѓам на Интернет ми е оскудно.
@koritsaki да ти кажам искрено, не знам, немаат објавено на нивната фан страна на фб, го имаше само тоа што го ископирав. @Mishela обично сите така прават, затоа треба рокот да се проверува пред нешто да се купи. Мене порано така ме имаат зафркнато во Космо, имаше маскара со гратис кармин од Maybelline. Баш прашував знам во темата дали и кај другите се добива таков никаков ефект од карминот и знам одговорите беа дека карминот е екстра, а мојот беше ужасен. Затоа и го давале гратис со маскарата. Од тогаш добро ги проверувам роковите пред да се залетам така да купам нешто.
@sesilija , ама сепак Шатци го носат пехарот за ваквите сомнителни продукти. Памтам уште од времето кога бев средношколка, можеби се смениле во меѓувреме, а дека треба да се внимава при купувањето, треба, тоа задолжително. Инаку, уште утре трае намалението на Лореал во ДМ, па колку чини пудрата таму, да не случајно знае некоја? Мене убаво ќе ми дојде како роденденски подарок за некој кој знам дека ја обожава, јас лично не би ризикувала со неа.
Женски сјајчињата од Лореал што се на акција со пудрата (сликата што ја постави Сесилија) одамна се чистат од таа линија на Лореал така да јасно е зашто се ставени како гратиси. Уште пред неколку месеци ги даваат гратис со купена пудра Лореал Луми Меџик во Космо, па после беа во некои си сетови, сега ова. Очајно сакаат да ги исчистат, сепак може само сјајчето е со поминат рок или пред истек на рок па вреди понудава...
Spoiler Оваа ли е бе таа што светеше од блицот или грешка сум? Таа транслуцент мислам нешто имаше, ама еве читам на нет рецензии, некаде свети некаде не. Си викам па две варијанти да не се. Малце како неписмена, ама многу пудри мајка му... Се мислам дали да ја зимам, мислам дека беше околу 500 денари... Или сепак пак да си ја купам Стеј мат од Римел. Одлуки, одлуки, одлуки
Мислам дека за оваа пудра, ама онаа транслуцентната, јас сум ја имала и не ми правела проблем. Ама напоменувам дека мојава беше некоја нијанса, не ја купив транс- онаа. Убава е, матира, ама не ја купив пак заради цената. Реално, многу позадоволна бев од Римелот. И најверојатно пак ќе си ја купам, незаменлива ми е и не ми потфрлила на слики со блиц никогаш. Ме мачи онаа во прав на Севентин, ама ај ќе пресечам до утре.
Kамената од Max factor мене не ми се свиѓаше ама ич. Прво нијасната 01 translusent им е многу темна. Второ многу се рони...кога вртам со четката внатре за да соберам пудра, облеката лом си ја правам од што се троши/рони сеедно. Сега ја користам на Catrice All matt plus, подобра ми е мене лично од оваа на Max factor. Во кобминација со Nude Illusion е супер. Али мислам дека Rimmel Stay matte нема никој да ми ја замени. Прво пудрата ми е супер, мене ми држи најдолго мат во однос на гореспоменатите две, цената и е смешна, а и споро се троши.
Јас овде https://www.facebook.com/gyouthcosmetics1/photos_stream запрпиметив Мак козметика. А за квалитетот,по видеа гледам дека се супер. А и мн шминкерки низ МК го користат.Така да сигурно е добар.ЈАс планирам пудрата да ја зеам.
