Течна пудра за лице

Немa прoблем , сигурнo ќе ти се дoпaдне пa пиши ми штo ќе нaпрaвиш

 

Каква кожа имаш? Ако имаш мрсна не ти ја препорачувам ,има светкав финиш,повеќе е за нормална до сува. Ја пробав на рака пред некое време да видам што е разликата но искрено не гледам некоја разлика од старата верзија , дури по лесна ми изгледа, помалку покривна
Пробај на Ревлон тие се доста покривни,имаш и за сува и мрсна кожа

 

Сори што малку доцнам, но еве го мојот одговор.
Со Ревлон КС пробав многу, ама баш многу подлоги. Некои подобри, некои не толку добри, но дојдов до еден мој „заклучок“, дека моето лице не сака мат подлога и мат пудра.
Така да, од прва ќе ти кажам што не ми одговараше - матирачката крема на Алерде со јаболко и лимета и Авене матирачки флуид.
Сувите делови на лицето никогаш не ми изгледале поужасно во комбинација со пудрата - тоа се должи на сувиот воздух и студеното време, но овие две ги користев во лето, така да, ништо од нив.
Не ми се допаѓа ниту кремата со алое вера од Авон од линијата Avon Care, но истава ја немам пробано во лето - тогаш мислам дека ќе биде сосема во ред.

Афродита дневната крема со невен е солидна, исто како и Нивеа со зелено капаче (подобра е во лето отколку во зима), или пак уште подобро - Нивеа со плавото капаче, за нормална кожа, која ми одговара во секој период од годината.

Потоа, морам да ја пофалам кремата на Авон Nutra Effects, дневната крема наменета за секаков тип на кожа - оваа е одлична. Ниту ми се познава пора, ниту бора.
Многу е хидратантна и пријатна и прв пат лицето во студен период не си го чувствувам истоштено после целодневното носење на Ревлон КС на кожа.
Оваа ми е баш хит периодов, не се одделувам од неа.

Стандард солидна подлога е Еуцерин Аквапорин, неа почнав да ја користам во февруари или март годинава, кога кожата ми се изремети тотално поради несоодветната подлога и постојаното форсирање матирачки препарати. Можам да кажам дека навистина ми е Свет Грал - одлична, неверојатна хидратација, а и покрај тоа не добивав избиени маснотии на површината по кожата. Не дека не светкав, но барем изгледаше пристојно, а не дехидрирано и масно во одредени зони.
Оваа ти ја препорачувам, без разлика дали имаш сува, нормална, комбинирана или мрсна кожа - соодветствува кај сите.

Извесен период го користев и Балеа аква серумот, како буџет френдли „замена“ за оваа погоре, но немaат врска една со друга. Балеа ми матира и не хидрира доволно, а Еуцеринот е како мелем на кожата. Фина е за таа цена од 250 денари, ама не ми беше тоа тоа. Барем лицето не изгледаше дехидрирано во критичните суви регии, ако не друго.

Ја имам користено и Еуцерин кремата од зелената колекција (dermopurifyer), ама од неа сум секогаш задоволна затоа што навистина ми одговара со било која пудра, во било кој дел од годината

Заклучок: од кал да е, Еуцерин да е.
Барем кога се работи за мене, воопшто немам за цел да ве форсирам да дадете 600-700 денари за Еуцерин крема, напротив, само сумирам впечатоци од многуте мои употребени подлоги за оваа пудра.
Без разлика која крема ја користам, секогаш се навраќам на една од овие две на крај.

П.С. Мислам дека нијансата 180 повеќе соодветствува со овие другиве нијанси од пудрите на Риммел. Јас ја користам 150 buff, но навистина е многу светла, па не знам колку би ти одговарала.
Те советувам да пробаш од двете или макар да разгледаш слики од нијансите на интернет за полесно да се одлучиш што би ти прилегало подобро.
П.П.С. Се извинувам уште еднаш на долгото чекање, ама еве во прилог долг пост, за да се искупам.

 

јас го користам овој илуминатор , од десно левиот по ред
во вид на камена пудра е го нанесувам малку погоре над образот , имаш туторијали по нет можеш да видиш