Течна пудра за лице

Сaкaм дa прaшaм сo четкa или сунѓерче пoдoбрo се стaвa пудрa. Сaкaм дa купaм пa ми требa сoвет.

 

Јас ја нанесувам со четка но потоа со сунѓерчето го поминувам лицето со тапкање за да ги избришам линиите што се останати од четката. Ја имам четката за течна пудра од Авон и сунѓерчето од Ebelin.

 

Ајде и јас да замолам фино лепо за помош на темава.

Моментално ја користам мат пудрата на Аура (Cover Me), бидејќи ми е ефтино решение кое за тие пари ми нуди доста висока покривност. Е сега, за Нова Година планираат на подарок да ми дадат пудра за лице (блиски, мои луѓе). Па читам по ова рецензииве и не можам да се решам.

Сакаа прво Vichy да ми ја земат, ама не знам колку е покривна во споредба со Аурата, а башка и не е баш ефтина. Се мислам помеѓу некоја на Burjois, Revlon пишувавте дека ви предизвикува акни, а мене не ми требаат дополнителни, доста ми се моиве, Maks Factor, L'Oreal... Се' што е поефтино од Vichy, а е покривно барем како Aura Cover Me, а пожелно и повеќе, затоа што имам катастрофа кожа.

Инаку сум со некој жолтеникав подтон и најчесто најсветла нијанса што постои. Мрсна Т-зона и нормални образи. Камена пудра и слични работи не користам.

Се надевам не пропуштив нешто. И однапред благодарам за одвоеното време.

 

Виши е многу покривна. Мене многу убаво ми изгледаше и бев задоволна, но не ја користев секој ден затоа што ми ја гушеше кожата. Други девојки пишуваа дека не била соодветна за мрсна кожа, па не знам колку ќе ти одговара. Мојата е чувствителна нормална, па Виши ми беше одлична. Покрива депигментација што е невозможно да се покрие со други пудри, па затоа ми стои повисоко на листа и од Есте и Ревлон. Акни не ми предизвикуваше, но имав малку црвенило кога ја оставав преку цел ден. Ова ми се случува скоро од сите пудри затоа што кожата ми е многу чувствителна. Исто така и затнати пори (црнки), можни се затоа што ова е тешка пудра наменета за покривање недостатоци.
Мене не ми беше потребна камена одозгора, па траеше доста долго. Ефектот е природен, не е мат но не е ни сјајна. Има некој природен изглед на кожа што ми се допаѓаше.

Ова е ептен индивидуално, мислам дека сум од ретките девојки на кои оваа пудра им била супер. Повеќето гледам се жалат... така што не можеш да знаеш без тестер.
Инаку пишував за Виши Дермабленд. И таа за мрсна кожа ја имам пробано (Norma Teint) - таа беше пресува за мене, и нема толку добра покривност.

Мислам дека најсветлата нијанса на Дермабленд ќе ти биде добра, со жолт подтон е.

Ревлонот е одлична пудра и не предизвикува акни на сите. Мислам дека повеќето девојки се презадоволни од неа. Исто и мене многу ми се допаѓа, дава баш природен изглед ко да немаш тони шминка на себе, но сепак има супер покривност. Во споредба со Вишито не е толку покривна, но е посоодветна за секојдневна шминка.

 

Мислење за Natural fix od Radiant ?

 

Колку пари е виши дермабленд и за каква кожа е?

 

Loreal true match

 

Ви ја препорачувам,нема да зажалите

 

Девојки, фала на предлозите. @LivingGlam, сега ептен ме замисли за Виши-то. Ама ај ќе почекам уште малце можеби и @Mishela ќе се јави со некој предлог, па да си направам сума-сумарум и да се упатам накај пробување, т.е. тестирање. Претпоставувам дека и јас не би ја носела новава пудра постојано, ама секогаш така викам и на крај испаѓа спротивното.

Не знам зошто имам проблематично лице. Имам и проширени пори на челото и околу носот, најверојатно по линија на мајка ми. Може се работи и за хормони, ама преку глава ми е од лекари, па не ми се оди да се испитувам, ако верувате. А акни ќе ми излезат пред да добијам, неколку, ама квалитетни, стратешки распоредени така да немам кај да се фатам на лицето, секаде да ме боли и после тешко исчезнуваат, па ме провоцираат да ги малтретирам.А освен тоа, лесно ми остануваат па лузни од нив. Абе што да ви кажувам... И јас сум за ќотек.

А целава работа со Виши почна на еден многу смешен и интересен начин. Мојата свеки-to-be, која, патем е душа невидена како за свекрва, никогаш не може да се одлучи што да ми купи на нова година. И сега, за себе си земала некоја крема од Виши, што одела заедно со некаков тестер гел за миење на лице (зелена боја). И јас го пробав гелов и освен тоа што убаво ми го мие лицето, после тоа го осеќам така малку затегнато и измазнето, нежно и меко и чисто. И го испофалив на мојов, а он и' пренел. Па женава се возбуди - да ми купела пудра од Виши. Ама мене ми е глупо да ја трошам (мислам дека пудрава е накај 1200 денари барем), па сега барам некоја поефтина варијанта.

Е тоа е. А сум користела и од Oriflame пудри и прилично се непокривни како за мој вкус и моето лице. Од Аурава сум најзадоволна - чини помалку од пудра од Oriflame, а покрива значително повеќе. Доста покрива. Не ми пречи тоа што е мат, зашто гледам дека на други не им се допаѓа оваа, повеќе ја сакаат Refresh Me, ама таа ми е ретка и непокривна. Од Римел Stay Matte веќе никогаш нема да земам - ај што е портокалова и најсветлата нијанса, и што ми е темна, туку и како паштета е некако.

Ај доста го тупев.

 

@Lady Phoenix можеш да ја ѕирнеш на Боржуа 123 перфект, има помат финиш, добра покривност и повеќето пудри се со пожолт тон. И јас имав акни, и боржуа флауер перфекшнот ми ги камуфлираше до тој степен што и премногу пудросано делував, а боржуа 123 дава некој поприроден ефект на мене. Инаку никогаш не ми се исфрлило лицето од нивна пудра. За покривање на акните можеш да си искомбинираш со коректор на Артдеко доколку имаш потреба.

 

Да се надоврзам на муабетот за посебни теми за пудрите.
За пудрите од Авон и Орифлејм може да се прашува посебно во тие теми.

 

@Lady Phoenix, а да ти купи свекрвата препаративна козметика од Виши?

 

Како што сум неодлучна, може на крај и ништо да не одлучам и да си го „сменам“ поклонот за Нова Година. Ај деновиве ќе разгледам од Макс Фактор, Буржоа и Ревлон, па ќе се одлучам.

А иначе, мене којзнае и дерматолог дали ќе може крај да ми фати. Само ендокринолог. Некогаш сум со ОК лице, некогаш како вулкан ми букнува.

 

И јас ти ја препорачувам Facefiniti, а сега е на попуст во ДМ 630 ден,

 

@Lady Phoenix revlon all the way
Мене не ми се исфрла лицето дополнително од неа, а на буржоа 123 што ја користев ни приближно не бев задоволна како од ревлонот

 

Јас ќе ја пофалам пудрата од АртДеко. Има убава текстура, лесно се нанесува, шишенцето нема пумпа но има мало спатулче за црпење и ми е многу покривна.
Ја купив од Шатце во Тетово со гратис коректорот камуфлаж околу 850 ден. Имам чуден тип на кожа, де со мрсна Т-зона додека образите нормални а челото суво, или пак обратно, па ја зедов таа за комбинирана кожа и ми стои на лице еве добри 6 часа.

Е сега, не може се да е толку совршено нели? Се отликува на телефон а за облека не сум приметила и грамажата е мала за тие пари, околу 30мл. Коректорот е доста покривен и за акни и за подочници, но јас тука имам друга мака така да не би коментирала за тоа.

Како и да е, си вреди за парите, дефинитивно ќе ја купам пак.

 

Rich Treatment не е за комбинирана, туку за нормална, сува и чувствителна кожа. Инаку и јас мислам дека е одлична пудра.

А дали некој ја има пробано High Definition на Артдеко? Ме заинтересира. Ја има ли воопшто кај нас?