Мене омилена во последно ми е на Rimmel Lasting Finish предолготрајна ми е и преубаво изгледа на лицето. Иако била за нормална сува кожа, мене со базата на Авон со мат ефект совршено ми одговара иако имам комбинирана кожа. А цената не е повеќе од 500 ден. Од МФ Face Finnity 3 in 1 ми е омилена, мат е и дава убава покривност ама ако нанесеш малку повеќе може да се познава на лицето ама сепак мислам дека не постои невидлива пудра. Дава баш мат изглед и ако нанесеш со сунѓерче изгледа совршено. Со еден слој има помала покривност па затоа подобро е да нанесеш 2 потенки слоеви. Исто многу ми се допаѓа Miracle Touch преубавп стои на кожата ама дефинитивно не е за мрсна кожа. Ама за фотографии особено со блиц мислам дека не постои подобра течна пудра.
Ај помош .. Сакам да си земам пудра за преку ден, до сега што имам користено најмногу ми се свиѓаше на римел со црвеното капаче ама ко потешка да е таа, не се разбирам нешто многу, ми треба полесна некоја, исто имам чат-пат по некоја бубулица особено пред добивање значи средно покривна.. Предлог некој?
Го користам Буржуа хеалти микс што е, бев задоволна, но откако го сменија пакувањето како и пудрото да се смени или е до мојто лице не знам. Во последно време лицето ми е суво, и кога ја ставам пудрата едвај ја размачкувам хаос воопшто не ми се допаѓа ни покрива ни ништо, лицто ми изгледа многу суво кога ја ставам пудата, немам воопшто сјај на лицето, порано се знаеше кога ставеш пудра добиваш сјај лицето изгледа убаво средено. Па затоа ве молам да ми препорачате пудра која што нема да ми го прави лицето суво, која што ќе дава хидратација, свеж и природен сјај?
Можеш да ја пробаш City Radiance од Bourjois или пак нивната ЦЦ крема. Редовната цена им е околу 700 денари, а на попуст можат да варираат до 500-600 денари. Разгледај низ темава доста имаме зборувано за овие две пудри, мислам дека особено ЦЦ кремата ќе ти се допадне.
@Mishela со што ја нанесуваш Ревлонот? Јас кога ја ставам со четка некако се осеќам ко премногу да имам, и како да ми е претешка. Можеби е до четката, не сум сигурна.
Со RT четката за пудра, а имам таква слична и од Makeup Revolution, ја има во продавниците на Голден Роуз и е околу 900 денари. Со рамна и тенка четка многу лошо стои и само се разнесува по кожата. Било која четка која изгледа вака некако (кратки и многу густи влакна) ќе ти заврши работа. Ми се допаѓа како изгледа и нанесена со сунгерче, ама ретко користам, повеќе ми одговара да нанесам пудра со четка.
Со сунѓерче ја имам користено, супер ми беше повеќе ми се допаѓаше ама ми се изобличи и немам купено друго. Плус некако со четка ми е попрактично. И мојата е ваква слична, ама можеби не е доволно густа. Ај можеби ќе се искористи попустот викендов во ГР. А не излегува оваа на РТ поевтина?
Со попуст највеќе до 700 денари и нешто би се симнала цената. Скапичка е малку за жал, ама навистина е добра, јас сум презадоволна, @x.Daisy.x .
Девоjки, утре сум на свадба, а времево е пекол. Што мислите, коja пудра би издржала наjдобро а сепак да не се чувстувам како со маска по топлово? Cartice HD Liquid Camouflage, Loreal Infallible Pro Matte или Revlon Colorstay?
Јас би ти рекла да одиш со Catrice и некоја солидна матирачка база, доколку сметаш дека Ревлон ти е тешка за носење. Мене и Ревлон не ми се топи на високиве температури, а како база го користам фиксаторот од Авон. Всушност, тој ми е и база и завршница. Ама мене не ми е воопшто тешка пудрава, како втора кожа ми е. Внимавај само на базата, стави и фиксатор ако имаш, а би ти препорачала да си земеш со себе и од оние матирачките марамчиња за секој случај. Сепак ептен е топло и имај си ги во себе како превенција.
@Mishela дали си ја користела од Golden Rose longstay matte пудрата да ми кажеш дали е добра? Се мислам утре меѓу другото и неа да ја земам да ја пробам. Имам нормална до комбинирана кожа.
