Торта за во микро ( вкусно како pop cake ) 4 лажици брашно 2 лажици шеќер 2 лажици какао 3 лажици млеко 3 лажици зејтин 1 ванила 1 јајце Се прави хомогена смеса од состојките, се исипува во една чаша за млеко. ( смесата прво е половина чаша, но потоа нараснува во микро ) 3 мин. на 1000W
Еве нешто и од мене,јас само ова знам да го правам РЕСАНА ТОРТА 200 гр. млеко и 1 коцка маргарин треба да зовријат. Се додаваат 1 кг ресана искршени на 4 дела,200-250 гр сецкани ореви.Сето убаво се меша и се прави форма.Одозгора се става шлаг,може и чоколадо и чоколадни мрвици. БАНАНА ТОРТА 3 банани 300гр кршени бисквити 250 гр шеќер 3 пудинга од чоколадо 1 л млеко Пудингот се вари во млекото и шеќерот. Бананите се сецкаат и се мешаат со искршените бисквити.Се чека малку да се олади пудингот и се заедно се меша.Се формира торта и се премачкува со хопла и рендано чоколадо. Пробајте,па кажете ми свое мислење
Оваа торта ако не ја направите ќе се каете - БАНАНА ТОРТА СО БИСКВИТИ Се зема едно пакување бисквити Петит Бер на Краш и во длабок сад се кршат на мали парченца, се додава 100 гр сецкано желе, 200 гр мелени ореви и 100 гр мелена плазма Бамби. Со еден литар млеко и 4 ќесички пудинг од ванила се приготвува пудинг на стандарден начин. Во друг сад на страна се мати еден маргарин Кристал и 200 гр шеќер во прав, па смесата се додава во садот со бисквитите и се меша, а потоа и пудингот од ванила и повторно се меша убаво. Потоа во сад обложен со фолија се става пола од смесата, па врз неа се сецкаат 2 банани и одозгора останатиот дел од смесата и се препокрива со фолијата. Се остава околу 2 саати најмалку во фрижидер за да се стегне убаво и потоа се вади и се сече на парчиња. Ако оваа торта ја приготвувате за гости и сл. можете да ја декорирате со некоја глазура одозгора, пример со стопено чоколадо за готвење, шлаг и сл. (Декорацијата си е по желба) Добар апетит!
Brzi recepti za torti Ве молам помогнете.... утре на училиште имаме час вештини на живеење и треба да правиме брза торта без печење..доколку знаете некој брз рецепт ве молам помогнете
Еве една од мене, повеќе е бајадера, но мн. е вкусна, доколку не е на соодветно место рецептов преместете го Сникерс бајадера 1 маргарин 500гр кикиритки(несолени, непечени ) 300 гр бисквити мелени 2 јајца 150 гр шеќер во прав 1 ванила Маргаринот, шеќерот и ванилата се матат заедно се додават 2 јајца потоа бисквиттите и 300 гр кикири( мелени) одкако убаво ке се соеднинат се става во тава или во калап (по избор ) Глазура : 5 лајци шеќер, 3 л. какое, 1 и пол лајца маргарин, 2 мали филџани млеко и 3-4 реда коцка (цело ова на оган да се соеднини ) се става одозгора на бајадерата и се редат 200 гр кикиритки.
Може да е ролат или мора торта? Овој рецепт е за ролат со крем бананки брз и вкусен, а најбитното- лесен Потребни состојки: 5-6 крем банани 1 маргарин 500гр бисквити 3 јајца 3 лажици какао 7 лажици шеќер Маргаринот го оставаш да се растопи(на оган) и го додаваш шеќерот, какаото и мешаш. Откако ќе се олади, ќе ги додадеш јајцата, па бисквитите( измелени или кршени) сето ова се меша. На послужавник ставаш најлон фолија и пола од смесата(треба да има правоаголна форма) и врз смесата ги редиш крем бананите, после тоа ја додаваш уште половината од смесата и со помош на фолијата ќе го обликуваш ролатот.
Тортата ја видов на емисијата Храна и вино - се вика Чоколадна уживанција. Морам да напоменам дека е многу вкусна, се прави за некои 40 минути, но многу садови се валкаат Потребни состојки: 500 гр бисквити (за обложување на садот) 10 јајца 100 гр шеќер во прав 250 гр црна чоколада за готвење 250 гр бела чоколада за готвење (јас ставив по 300гр и црна и бела чоколада, нели по 3 чоколада од секое) 500 мл млеко 1 маргарин 500 гр мелени бисквити 200 мл слатка павлака (за декорација - јас декорирав со шлаг, повкусно ми е така) 50 мл вода и 100 гр шеќер - за шербет. Постапка: Јајцата се кршат и се делат белките од жолчките. Во садот со жолчките се додава шеќерот во прав и се мати. Во тенџере на оган се става половина од млекото (250мл), се додаваат изматените жолчки и се меша со лажица - да се добие крем. Откако кремот ќе ја добие потребната густина, се трга од оган. Притоа, внимавајте да не го преварите! Кремот треба убаво да се излади, а потоа во него се додаваат мелените бисквити и се мати со миксер за смесата убаво да се соедини. (Јас додадов и една ќесичка ванилин шеќер) Во друг сад се мати маргаринот - убаво да се избие. Во маргаринот се додава кремот со бисквитите и повторно се мати со миксер. Во две тенџериња на оган се растопуваат чоколадите, посебно белата, посебно црната. Во трето тенџере се става водата и шеќерот за да се направи шербетот. Белките кои претходно ги одделивме, се матат и во многу тенок млаз, внимателно, се додава врелиот шербет и се мати. Во овој сад со белките и шербетот се додава смесата од садот со маргаринот, кремот и бисквитите. Се мати додека смесата не се соедини. Добиената смеса се дели на половина, во едната половина се става растопената бела чоколада, во другата, растопената црна чоколада и се мати. Калапот (може да биде во различна форма, во рецептот беше во форма на срце, но може да се направи во било која форма. Јас ја направив тортата во калап во форма на квадар) се обложува со најлонска фолија за да може без проблем да ја префрлите во сад за торта. Бисквитите се макаат во преостанатото млеко и се редат во калапот - и долниот дел од калапот и по страните. Во калапот се става прво темната смеса (препорачливо е неколку минути да постои во фрижидер за да се стегни), а потоа и белата смеса. Откако ќе ги ставите смесите, и горниот дел го редите со бисквити. Тортата се става во замрзнувач за да се стегни убаво. Потоа може да ја декорирате по желба со слатка павлака или со шлаг.
ПОСЛОВНА ЖЕНА Се прави фил од 1,5 л.млеко, 7 лажици брашно, 15 лажици шеќер и 3 пудинга од ванила. Откако кремот ќе се олади се додава еден маргарин изматен со 200 гр. шеќер во прав. Кремот се дели на три дела: - во првиот се додава 200 гр. топенно чоколадо - во вториот се додава 200 гр. мелени наполитанки - во третиот се додава 200 гр. мелени ореви Штом филовите ќе бидат готови, на послужовник се редат 200 гр. бисквити и се премачкуваат со првиот фил, врз филот се реди 300 гр. ресана, па се премачкува вториот фил и на крај се редат 200 гр. пишкоти, па се премачкува третиот фил. Целата торта може да се премачка со хопла или шлаг.
Брзи ЧОКОЛАДНИ БАНАНЧИЊА Земате банани , ги сечкате на пола. Ги наденувате на стапчиња од сладолед (ако не ви се најдува може и на стапчиња од ражничи). 100гр чоколадо го растопувате и правите чоколаден прелив. Додека се прави чоколадниот прелив, бананите набодени на стапчињата ги ставате во замрзнувач околу 30 мин. Ги брцкате бананите во топлото растопено чоколадо, и по желба насечкајте им лешници на чоколадниот прелив, или мрвици ставете... Лесно и брзо а вкусно
Мој модифициран рецепт што вчера го правев и излезе одлично. 1 коцка маргарин се мати со 200 гр шеќер. 2 пудинга од ванила се варат со 600 мл млеко. После сето тоа заедно се замешува како за крем фил. 300 гр. бисквити се мелат,а 100г. бисквити се дробат со раце и се додаваат во филот. Потоа се сецка 200 гр желе и тоа се додава во филот. Со раце се дроби 1 пакетче ресани и се сецка 200 гр лешници кои исто така се додаваат во филот. Се топи едно чоколадо и тоа се додава. се мати и 200мл слатка павлака и се замешува заедно со сите состојки и филот. Со става во калап (каков сакате и каков имате) јас во куглов го направив. се остава во фрижидер да се стегне барем 2 / 3 часа.
сиромашен колач со бесквити околу 500 грама бисквити пола литар млеко 5лајци брашно 4 лајци шеќер 150 гр маргарин 1 шоља сварено и оладено црно кафе по желба рендана чоколада згора за украс брашното го мешаме со 2 лајци шекер и му турвиме малку од млекото колку да дојдит течно.другото млеко го вариме и кога ке зовриет го тргаме од оган и го оставаме за пола минута да одморит.после полека му ја додаваме смесата со брашното и мешаме цело време.го вракаме на оган дури да се згуснит смесата.го тргаме од оган и му додаваме 2 лајци шекер ке ги измешаме и го оставаме сосема да се оладит. маргаринот да ни е на собна температура.ке го избиеме да дојдит како кремаст и лајца по лајца ке додаваме од оладената смеса,дури добиеме еднолишна смеса.(со миксер биеме) сега земас бесквита ја мрцнувас во ладното кафе(не ги оставас внатре туку само кусо)и ги редиш на некоја табака или пајнца.згора фил па пак бесквити и со ред дури имаш.малку во фрижидер да се стегнит и то! а јас ги сложвев две бесквити хоризонтално и другите вертикално дури е долзината на пајнцата,како шнит дојде испробана е со сигурност е преуба за нас....последниов пак кога ја праев не дочека да се олади ја снема
Многу убави рецепти, фала ви на сите. Јас знам да готвам ама торти не знам да правам и вашите мислења ке ми дојдат како книга со рецепти. Плус нема да оклучувам рерна на горештиниве. Уствари правам една торта, пудинг и бисквити ,не е баш торта ама јас така се тешам така си мислам оти ете и јас една торта знам да правам. Се редат бисквити вертикално се лепат со пудинг се става мегу нив, го ставаш тоа во фрижиер и таму омекнуваат бисквитите. После сечеш на косо ко чајна шо се сече и добиваш зебра дезен.
1,5 КИЛОГРАМИ ЈАБОЛКА ГИ ЛУПИТЕ И ГИ ВАРИТЕ ВО ВОДА КОЛКУ ДА ГИ ПОКРИЕ КОГА ЈАБОЛКИТЕ КЕ СЕ СВАРАТ НА СТРАНА ДВА ПУДИНГА ОД ЈАГОДА ГИ МЕШАТЕ СО 200МИЛИЛИТРИ ВОДА И 10 ЛАЖИЦИ ШЕКЕР ГИ СИПУВАТЕ ПОЛЕКА КАЈ ЈАБОЛКИТЕ КОГА КЕ ДОБИЕТЕ ГУСТА СМЕСА ГО ТРГАТЕ ТЕНЏЕРЕТО ОД ОГАН И РЕДИТЕ РЕД БИСКВИТИ ПА ОД ФИЛОТ И СЕ ТАКА ДОДЕКА ИМАТЕ ОД ФИЛОТ ОКОЛУ 400ГРАМА БИСКВИТИ ...ОДОЗГОРА УКРАСУВАТЕ СО ШТО САКАТЕ МРВИЦИ .ЧОКОЛАДО .... ТОРТАВА Е ПОСНА И ЛЕНА А И МНОГУ ВКУСНА ...ПОЗЗЗ
Лешник торта 6-јајца 350гр-шекер, 250гр-маргарин, 2-3лажици големи врело млеко, 350гр-лешници, 350гр-бисквити Јајцата и шекерот се матат заедно,а маргаринот со млекото оделно.Кога добро се изработи маргаринот се става заедно со јајцата.Лешниците се потпечуваат во шпоретот 10мин на 100с,а потоа половината од лешниците се сечкат ,а останите се мелат.Бисквитите се мелат а не смета да се стави и повеке од 350гр бисквити.Се заедно се меша и се дели на 2 дела.Во 1-дел се става стопено 100гр чоколадо,може и 5лажици какао.Се оформува и прво се става кафениот дел,потоа белиот,пак кафениот,белоит.Одозгора глазура,100гр чоколадо,3-4лажици млеко 50гр маргарин.
Тортава ја правам многу често мм ја обожава само пудинг ставам од ванила и одозгора ја преливам со глазура
Торта „САН СНОВА“ Прв слој: -Пишкотите се натопуваат во Фанта и се редат на послужавник Втор слој: -Се меле плазма-кекс (може и обични бисквити) и се потопуваат со Фанта сок за да се добие еднолична смеса. Посебно се мати еден маргарин со 250 г. шеќер во прав, а потоа се соединува со мелената плазма. Трет слој: -Чоколадни бананки се сечат по должина и се редат врз филот од мелената плазма. Четврти слој: -Се варат 4 пудинга од ванила во 1 кг. млеко. Посебно се мати еден маргарин со 250 г. шеќер во прав и потоа се соединува со веќе оладениот пудинг.Филот се дели на два дела и едниот дел се става врз чоколадните бананки. Петти слој: - се реди уште еден слој пишкоти натопени во млеко врз филот од пудинг Шести слој: - се премачкува останатиот дел од пудингот Седми слој: - свежи банани се сечат на кругови и се редат врз филот од пудинг Осми слој: -Шлаг (се мати и се премачкува целата торта)
^^За фил за торта, три пудинзи ќе вариш најмногу со 750мл млеко, не повеќе, оти филот ќе ти биде течен. Геа, тортава ти е супер, ај ќе ја направам некој ден
