И мојот одговор е не Млади девојчиња кои се зачленети,повеќе можат на овој начин да се отворат и да прашаат дури и за онаа работа што никогаш никого не би прашале лично.Позитивното е што покрај тоа што ќе го добијат одговорот,тие ќе се информираат уште за многу работи кои ги чекаат во животот,а воедно со нас ќе ги споделат и стекнатите искуства Тука сме за да си помогнеме,споделиме искуства,нели
Јас мислам дека не треба да биде 18+ затоа што има девојчиња кои сакаат да научат нешто повеќе во врска со некои теми. Јас на пример имам 15 години па не сум знаела некои работи и од тука ги дознав тие работи какви се и како се прават. Често го посетувам форумот иако тек сега се зачленив.
не-поради советите за сите членови и "нечленови"...+ тоа многу рано се впуштаат во сексуални чинови па и требаат совети или некои слични мислења барат... може да бидат одредени теми заклучени само за оние кои се логирани на фемина не... (да го има мислењето на гоогле,или темата на фемина а да не можат да ја читаат незачленетите во фемина...)
Мислам дека не треба. Секој сака да осознава нови нешта, да чита животни приказни на други луѓе, да дава совети и да стекнува нови искуства без разлика на возраста.
и да биде над 18,не знаеме кој отвара,неможе тоа да се изведе.од каде да знаеме дали некој лажно се претставува,или не. јас тука можам да кажам било колку години дека имам,никој нема да знае дали имам толку или повеќе или помалку.
На ниту еден форум не постои нешто слично, што па овде да се води дискусија. Е сега ако е за право, па и треба некакво ограничување, едно 12+ не ќе е лошо. Оставете тие муабети, ќе лажеле, ќе се претставувале како повозрасни.. точно, ама пак, ако има некакво правило малку поинаку е.
Во никој случај. Ако е до тоа дека деца од 10 години пишувале глупости и го полнеле форумот со глупости - барем јас не знам за гаранција дека тој што е 18+ ќе пишува само квалитетни мислења !? Ако е за тоа дека не треба да се чита во темите како секс и слично, тогаш навистина нема потреба. Ако јас сакам да се едуцирам на таа тема, постојат многу начини да го направам тоа. Па не е само форумов место каде што можам да прочитам нешто повеќе за тоа. Значи ако намерата е да се спречи пристапот на информации во врска со темата секс, јас ако сакам можам и надвор од форумов, на било кое место. Немам 18 години и форумов навистина ми помогнал да изградам дел од мојата личност. Сум научила толку многу работи, кои навистина се корисни во животот. Убаво е тоа што тука многу девојчиња можат да добијат совети од повозрасни и поискусни. Навистина форумов е корисен. А поготово за тие под 18, без големо искуство. Затоа што не знам кој денес би седнал и би разговарал отворено со родител на некоја не толку прифатлива тема. А совети и те како требаат.
даа ми се допаѓа идеата за фемина.јуниор.мк само да биде нешто како подфорум, мислам дека треба да се спушти границата на 13-14 и ние да имаме пристап до нивнот форум(бидејки има мноогу теми каде се бара совет од поискусни) а тие да имаат пристап само до одредени теми(пример слободно време,кафемуает..)(а другите да можат само да ги читаат чисто за едукација) на тој подфорум би имале свој теми како првиот бакнеж,микимаус или штрумфета... штознам нешто тинејџерско
И да е 18+ ако сакаме да влеземе, ќе влеземе. Ќе напишеме дека сме 20 и ете ти. Не можете да не избркате
Не гледам потреба за такво нешто заради тоа што овде сме за совети и дружење. Така што мислам дека девојките под 18 можат само да научат нешто од постарите овде, некогаш ќе бидат искарани некогаш смирено советувани ама се е тоа добронамерно. Барем јас до сега не сум видела некоја постара феминка да советувала погрешно некое девојче. А и незначи дека ако се некоја година помали дека ништо незнаат. Има девојчиња овде што можеш да се чудиш каков речник поседуваат и какви зрели мислења постираат. Како и да е треба да бидеме малце поопуштени, посмирени и потолерантни за тие што се некоја година помлади од нас затоа што секој некогаш бил збунет и незнаел што се случува со неговиот живот па му требала правилна насока. Е сега за несоодветни мислења и отварање дупли теми си постои пријавување на мислење и заклучување на дуплата тема. Ама па незначи дека тоа го прават само девојките под 18 тоа сите го правиме, свесно или несвесно ама сепак го правиме. Така што не, не сум за да се ограничи форумот на 18+ затоа што не се постигнува ништо позитивно со тоа, а и убаво вели Lella тоа може многу лесно да се среди.
Не, мислам дека е добро што ние, девојките (и момците) под 18 години имаме место каде пишуваме за нашите проблеми и добиваме одговори, совети и мислења од постарите и поискусните, а имаме и можност ние да помогнеме некому.
Секако дека не! И ние помалите можеме многу да научиме од вас постарите.Секако тука не ее само категоријата секс. има многу други теми и категории кои ни се соодветни. И уште нешто годините не се мерило на зрелост.И ајде 18+ е и што не ли може да се кажеме како 20 годишни...
Ти можеш да го читаш ова што го пишуваме и без профил овде. И што најмногу би ве интересирало вас помалите од нас поголемите? Факултет? Фамилија? Бременост? Болести? На 13 години? Уште незнаеш каде средно ќе се запишеш. Немора да биде +18 не викам така, туку некаде 15+. А и да, годините не се мерило на зрелост, но неможе бре 14 годишна девојка мене да ме советува за љубов,секс, образование,фамилија или слично освен ако нема нешто преживеано како на пример смрт на некоја блиска личност (не дај боже) или некои трагедии. Си ја слушнала изреката "послушај,постара сум" ? Не е за џабе тоа. Не се восхитувам што сум во тие од 18 години и далеку од тоа дека велам дека сум многу паметна. Затоа велам дека треба 15+. Што може девојче од 11 години да го интересира? А има такви. Нивните мислења се с*ање со извинение, секако, со исклучоци. Па и во пубертет сте си, уште незнаете што сакате и секогаш вие сте во право. Никој не ве разбира. Знаеме, сме поминале од таму.
