Пробав кога бев на одмор во Албанија и очекував да биде многу тешко и благо за јадење, напротив, преубаво е лесно и многу вкусно. Карамелот е многу погоден, ниту премногу тврд, ниту се растекува. Интересно и слатко благце. Во Тетово и Гостивар го правеле исто добро, а мислам дека и во Чаршија го има по слаткарниците.
Се купува готов карамел во поголемите маркети, јас имав избор од турски и бугарски , со цени од 230турски и 190бугарски Нормал турски купив арно ама дури да направам трилече внуците ми го мафнале, па ајде трчај по друг
Готов карамел имате во Принц маркетот (во населба Топанско Поле се наоѓа). Цена 200 или 220 ден, не ме фаќајте за збор.
Вистинското три-лече се прави од 3 типа на млеко, како што вели и самиот оргинален назив на шпански (tres-leches). Дехидрирано млеко - содржи само 40% вода, кондензирано млеко и слатка павлака а која исто се добива од млеко.
Јас го правам трилечето и стварно немате појма колку е едноставно..значи попроста торта за правење амин... Еве рецепт.. тесто.. 5јајца се маткаат со 15 с.л шеќер се додава 3 с.л гриз 1 пециво и 1 ванила и на крај во смесата се додава 15 с.л брашно НАПОМЕНА да не ве буни доколку смесата е премногу густа..таакаа треба! и плехот да е помал и повисок..32 тестото се печи на 200 С околу 10тина мин.. Откако ќе се олади тестото се вади од плехот(караванче), се премачкува целиот плех со шлаг(хопла) и се враќа тестото во плехот.. Настрана се затоплува(не да се вари) 1/2 кг млеко(трајно) и 1/2 кг масно млеко(од оние што се користат за во кафе...околу 10% масти има) и 500гр шлаг(хопла)...се тура над ладнаата торта и се премачкува со карамел.. BON APETITE!
Ова во трилече гриз да се става првпат слушам ,навистина. Го направив вчера за првпат ...и ...не сум воодушевена.Искрено мене подобра ми е обична „сунѓерка„ со гриз и прелив од обичен шербет.Ќе го изедеме трилечево ама нема да го повторам.
Според рецептов ова ми изгледа како раванија,таа така се прави со гриз и се прелива со шербет од шеќер и вода(а може и со млеко)
Па тестото не е главното нешто во рецептот...самото име си кажува од што се состои "главниот дел" ..3 видови на млеко.. јас ја сакам и ја правам..вкус е во прашањее
Се согласувам дека вкус е во прашање.... Но... Трилече нема никаква врска со раванија, воопшто не е благо шербетосано како раванијата и има посебен шмек од хоплата и кондензираното млеко... нешто што не може да се најде во ниедна друга слатка.
Еве го и мојот рецепт, синоќа го правев преубаво испадна 500 мл, млеко, 500 мл хопла и 340 мл кондензирано млеко се варат, но не да зовријат. 5 белки се матат со 150 гр шеќер додека се добие цврст снег. Потоа се додаваат жолчките 1 по 1 и 1 ванила. На крај се додава 150гр брашно измешано со 1 пециво Се истура во плех со мрсна хартија и се пече. Се прелива жешко трилече со ладните млека откако ќе се олади се премачкува со фраситура од карамел, јас најдов од ким најблиску е како таа во слаткарниците
Ставаат некои и гриз, не е ништо страшно. Набубрува тој во тестото, повкусно и поголемко доаѓа и поубаво е за сечење. А, има ли трилече без јајца ? Некој сличен рецепт?
Го обожавам, да можам секој ден би го јадела. И не го сакам она од Апче со фил горе, туку само со карамел како во Рамстор на пример. Инаку никаде не сум слушнала да се става гриз. Тоа е повеќе во стилот на раванија. А тоа е сосема поинаку.
Јас купувам од Специјал. Не сум пробала од друго место, освен домашно ама ми се допаѓа. Дечко ми има пробано од повеќе места и вика дека е прилично добро, а и во Палма не било лошо. Ние обично го комбинираме со толумба, преубав вкус.
Мене ми е најубаво во Рамстор, ама во овој супермаркетот што е во трговскиот. Имам земено и од Рамстор во ГТЦ ама не е истото. Има фил под карамелот, а јас така не го сакам многу. Не дека ќе остане неизедено ама...
По мене убаво трилече има во слаткарницата во Ѓорче не и го знам името точно. На главната улица во Ѓорче кога одиш накај Тетово само што ќе го поминеш Дома Мебел од истата страна, до слаткарницата има неколку кладилници.