Вовед во серијата : На почетокот ја запознаваме , навидум лудата Алеида , успешна деловна жена , која е во брак со Еухенио , кој пак е нејзин партнер во фирмата но и син на познат и многу успешен доктор . Дејството се одвива во Мексико , каде нешто подоцна ја запознаваме и Ребека ( Бека ) која пак е суспендиран инспектор , но и доста избувлива личност . Ребека работи како форензичар , па е испратена да го " собере " телото на Алеида која е застрелана во престрелка меѓу неа и полицијата , и за која се мисли дека е мртва . Сепак , Алеида не е мртва , таа успева да ја види Ребека , пред повторно да изгуби свест . Тука почнува да се одмотува клопчето на лаги и измами , и на крајот се случува нешто сосема неочекувано . Серијата е прилично нова , но јас ја изгледав за неколку саати . Малку е предвидлива , но во секој случај е освежување . Одамна не сум гледала шпанска серија , па оваа добро ми дојде . Крајната порака е : Секогаш следете ги своите чувства . Бидете упорни во она што го имате на ум и за кое вашата интуиција ви говори дека не сте полуделе .
Серијава дно, актерката ужасно глуми, може се справува со еден лик ама со три различни е хаотична. Јас ја пуштив вчера изгледав три епизоди со жива мака, потоа прочитав како завршува оти немав трпение, бледа, многу бледа копија на Orphan black, не во смисла на приказна(иако има малце елементи) него карактерите и животите на ликовите, дури и изгледите се имитација. Јас не ја препорачувам.
Една ги глуми сите 3? Не го разбрав баш воведов. За 3 сестри близначки да не се работи? Личи тоа на шпанска серија
Да . Близначки кои се разделени 2 месеци по нивното раѓање , како дел од експеримент врз човечката психологија , односно психологијата на еднојајчаните близнаци . @1209 Имаш право на свое мислење . Не сум ја гледала оваа што ја спомена , кога ќе имам прилика ќе ја пуштам , па ќе споредам . Мене не ми изгледаше толку лоша серијава ( можеби баш затоа што одамна не сум гледала шпански серии преплавени сме со турски па ми дојде како освежување ) , Маите Перони е добра актерка , но дејството на серијата е такво , се е хаотично и измешано .
Ја изгледав серијата пред неколку дена. Најискрено, мене ми е ок. Секако во последните десетина години нема серија што ме фасцинирала. А глумата е 100% подобра од турските серии
Ја пуштив и јас. Глумата е навистина лоша, кој од кој.. Ама затоа пак надоместува со заплетот. Изгледав 2 и пол епизоди и кога заврши втората се зачудив колку брзо поминало
И мене воопшто не ми се допадна, не ја ни догледав до крај. Многу лоша глума, наивна, предвидлива и на моменти патетична. Глумицава иста ми беше и во dark desires мислам дека се викаше серијата, тотално утната. Си мислам дека можеби доколку главната улога беше играна од друга глумица можеби ќе беше подобра серијата.
За мистерија, крими филмчиња на шпанциве им нема конкуренција. Глумицава ја памтам од OSCURO DESEO и не извади некоја јака глума, туку беше баш онака просечна. Не беше лоша серијата ама замислата концептот беше неверојатен мајндфак. А да и јаки песничиња имаше памтам, тоа ми остави впечаток и голем плус имаат од мене за песните у серијата. Деновиве ќе ја започнам оваа триптих ме заголица плотов