Се' што си напишала укажува на тоа дека ќе бидеш најдобрата мајка за своето дете. Ќе почнеш со паники и стравови, за еден месец ќе станеш експерт.
@EvieBabe сите ги имаме тие стравови, а пола од нас и тие маки да не можеме да прошетаме, да купиме што треба, да средиме за бебе. Јас во првата бременост до 8ми месец не купив ништо, освен креветче оти сите ми викаа рано било. На почеток некаде, околу 30 - 31 недела ми беше намален цервиксот и др. рече строго мирување. Мм го праќав сам да купува се, ми праќаше слики на вибер и така бирав. Ќе си пукнев од мака што за прво бебе не можев ништо јас. Стравови како ќе биде после-да не ти кажувам. Фала му на бога, се роди малата во 39та недела, жива и здрава. После беше на почеток малку збунувачки и требаше малку време да се навикнам. Со мм заедно станувавме ноќе, бевме усогласени за се околу бебе. Можеш да замислиш, по моите постови која паника сум, па успеав да се снајдам и да бидам добра мајка. По цели денови бев сама со бебе. И успевав. (е сега што станав хистерична мајка, тоа е друга приказна и има други причини позади тоа Така да, верувам и знам дека ќе бидеш одлична мајка. Се гледа дека и покрај сите маки да дојдеш до бременост, си пожртвувана уште од сега, лежиш и ги слушаш докторите, се само да биде добро бебе. И ќе биде се добро и ќе бидеш најдобра мама
Знам дека те нервира моментот што си зависна од некој друг... А си сакала да си средиш сѐ цакум-пакум за пречек на бебче. Знам со првото како ми беше - недела пред термин бев на столица качена и бришев бојлер (?) од што збеснав. Сакав бебето да дојде во комплетно среден дом, со сѐ на свое место - пребришано, исчистено, облеки средени, креветче со постелнина наместено... Истото го сакам и сега, но грам енергија немам. А чисто како инфо - џабе креветче наместено кога 2 месеци бебето спиеше во корпа. Џабе совршено наредени облеки кои ги менував по 5-6 на ден заради бљуцкања и чуда. После сфатив - не е заради бебето. Заради мене е. На бебето не му е гајле дали бојлерот сум го пребришала. Ама сфатив дека сум јас на породилно и дека јас сум дома цело време и ќе ми е покомотно да сум во мојата замислена идила. И уште една работа - си се чудам себеси како со цел памет кога маж ми беше за викенд дома и немаше да стигнеме да исчистиме...јас во понеделник сабајле плачев. Блесава. Плачев дека не ми е чисто. Плачев дека не сум стигнала да се издепилирам... Не знам зошто животот си го замислував како некоја мајка од списание, средена, што изгледа прекрасно, со средено и насмеано бебе.. до некој "ред" фатен... На состаноци тука со нови мајки со бебиња стари недела - две... Заклучивме колку е тоа нереално. Колку рекламите за бебешки производи (пелени, средства за перење, цуцли, шишиња...) ни даваат толку погрешна слика за мајчинството - на едно толку потсвесно ниво сите оние насмеани и нашминкани мајки се пример за нас... Исто како и славните личности и статиите дека "после само месец изгледаат феноменално"… "ко да не родиле"... И ред е да се тргнеме од тие моменти затоа што едноставно не се реални. На никој не му се случуваат. На "обичната" мајка домот ѝ е хаос затоа што е околу бебето цело време. И така треба да биде. И ок е да "закрепнува" некое време во кое ќе е без притисок и со темпо кое е за неа најповолно и не претставува психички и непотребен физички напор. Отидов со муабетот во друга насока, ама сметав дека и ова треба да си го кажам за да си го слушнам уште еднаш и самата да престанам да си правам притисоци во поглед на неважни работи. А сакав ова да ти ги кажам - она што те прави добар родител е моментот што се плашиш дали ќе бидеш. Затоа што секојдневното преиспитување и самокритика се најважните фактори за добро родителствување. Само така зрееме како родители. --- Мене пак, ме фати страв од породувањето. Како ќе биде, дали ќе е сѐ ок. И ред хорори во главата. Ама тоа е во 2 саат сабајле кога сите спијат - не знам што друго да очекувам. Крајот е тука некаде, а јас не сум спремна баш некако. Не знам. А сакам да помине и да е тука. Само некако ме фаќаат лудите дека ништо веќе нема да е исто. И нема да е. Баш ќе е поубаво. Ама нели, секоја промена како промена, дури и да е убава, нѐ вади од некој колосек кој ни е во зоната на комфорот. ) А за препотување и жештини - почело је. Ме фаќаат и мене, ладна пот ме облева. Се будам навечер минимум 2 пати и не можам да спијам ко што треба. Станувам укочена, препотена и ми треба пола час да се "истегнам". Ко да не сум спиела и да сум одморила.
Потпишувам се' што кажа. Освен тоа со бојлерот, од проста причина што не ми текнало тогаш. Јас лустерите ги бришев, како да бебето ќе почне да се беси на нив и да ги лиже одма штом ќе се врати од болница. Бебето утре прави година и осум месеци. Уште го нема докачено лустерот. Ама па и мајка и' одамна го нема исчистено. Не и' текнува...
Овие денови таква меланхонија ме има фатено, не ми се прави ништо и баш ми е чудно, зошто турбо сум цело време. Се видов со една другарка во петокот, и ми вика баш загрижена ми изгледаш. И баш загрижено се чувствувам. А да ме прашаш зошто, ќе кажам за ништо и за се одеднаш. До сега не сум била нерасположена, не сум плачела без причина, на работа ми викаат како не сум се жалела за ништо.. И наеднаш толку осамено се чувствувам. Веројатно хормони, страв од тоа што следи, страв дали се ќе биде добро... Страв колку ќе ми се смени животот, дали ќе бидеме добри родители... А да, и сум пишала, ќе пишам пак. Гушнете си ги вашите мајки. Јас мојата ја изгубив многу одамна и во овие месеци мислам дека ми фали повеќе од било кога. А знам дека тек ќе ми фали.. 15 години покасно, знам дека времето ама баш ништо не лечи. И така. Само да споделам мисли и стравови.
@Kaetana @kockichka прво а после Ме изнасмеавте со болјерите и лустерите. И секој збор на место, баш така се осеќам, сето тоа потпалено од стравот дали ќе биде се добро до крај. Само да донесеме дома живо и здраво бебе, тоа е the ultimate goal.
Мислам дека на Пластичарска улица ќе најдеш. Таму ги гледав и јас. Ама прошетај. Не избрзувај не се сите со ист и убав квалитет.
Мислам дека најевтини ти се во Charli Baby во Тетово можеш и онлајн да нарачаш .. сите ги фалат а и гледам убаво работат..
Локо Кроко има, ние кога купувавме гледавме и на пластичарска, ама немаше многу избор. Овде има, гледав на фб
Немој Локо Кроко.. не се убави.. многу се чудно изработени, не знам од каде ги набавуваат. Ги гледавме пред некоја недела, барем нас не ни се допаднаа.
@Starlič ние земавме од Локо Кроко пред скоро 4 години. Исто вакво ко што бара @Larahappy. Јас сум многу задоволна,ќерка ми од прв ден си спие во него. Има 4 фиоки. Има механизам за лулање, ама ние го ставивме до спална и не го користевме за лулање. Инаку од квалитетот сум задоволно, ко ново е. Од таму земавме и монтажно, исто супер се покажа
Ooooo kolku me rasplaka barem pominalo vreme.... Od mojata se 9 meseci kako ja izgubiv i nema moment da ne se prasam zarem nemozese da poceka da bide tuka do mene koga mi e najpotrebna da ja prasam kako taa pominala da me gusne da se raduva i place so mene... Zosto bese ljudina bese najdobrata na svetot... I da vie sto mozete gusnete gi ne postoi nikoj sto poveke ve saka od niv Ama ete nasite ne mozele da bidat so nas no veruvam deka od nekade ne cuvaat i se raduvaat za nas te gushkam silno
За креветчиња препорачувам од Бебе Хоум. Се’ друго ми се гледаше мене фуш и неквалитетно кога купувавме за првото (мада и моите критериуми се превисоки, признавам) Ај добар ден. Да кажам само дека ептен уживам да ги читам постовите на @Kaetana , некако стилот на пишување ти е баш лесен, смирувачки, ме тера во еден здив да те читам. Друга работа, што се пронаоѓам себеси во тебе со првото дете тотално. Сега сум 14 недела, уште ми е рано за испади оваа бременост, ама ќе биде и тоа, знам @kockichka нашиве девојки врснички биле, мојава е еден месец помала. Те плаши ли како ќе се снајдете дома со бебе? Мене само тоа ми е во глава, иако рано сум уште. Се плашам кога ќе ме фати лудилото за организација. Бебка сега и во градинка ќе тргнува, па и тоа ми е стрес огромен. Ми оди памет на болести, вируси, јас дома со новороденче... Уф Знам дека ќе се снајдеме со мм, не сме ни први ни последни, ама ете на моменти ќе ми текне на ова и паничам. Па распоред за спиење каков ќе правиме, сите четворица во спална... Ај да не зборам Инаку мене денес препониве ме болат Спијам само во широка маица од мм, по гаќи, ама синоќа осетив ми залади (оставаме прозор во дневна, ама дува до спална). Се покрив кога осетив, ама еве баш ме болат препони. Истава болка ја имав и првата бременост, може не е од ладното, туку од што се шират лигаменти, матка, чуда ( иако веќе еднаш раширени кај мене ). Синоќа па и заборавив магнезиум да се напијам, па може и затоа, кој да знае. Битно се спремаме за одмор, рано сабајле тргаме, околу 3, додека спие малава. Два дена се пакуваме со мм, пукнав, ми се чини цела куќа ја носиме, ама со дете тоа е. Тек па со две Убав ден имајте сите
И јас имам такво.. исто од локо кроко.. само мечето е во плава боја и презадоволна сум.. убаво се вклопи во спалната.. има механизам за лулање плус и музичка играчка ни дадоа гратис за креветчето се закачува.. буквално се за бебе имам земено од таму.. имаат доста квалитетна роба.. буквално се имаш таму.. немаш потреба да шеташ од дуќан во дуќан.. сега и шишенца донесоа на германската фирма нук... топло ги препорачувам нив...
Во Локо Кроко за 13000 комплет со душек,постелнина и играчка гратис. Многу е поубав квалитетот во Локо Кроко за разлика од Чарли. А штом од таму не ти се свиѓа ,можеш да замислиш во Чарли какви се,јас се разочарав кога бев.
