Мешиња, да прашам нешто. Го пратив мм да ми извади упат за д димери и крвна група, матичната му рекла нема никаде упати, да сум отишла таму да ми креурат упат. Тоа некако ми е немогуча мисија. Сте имале вакво искуство? Не знам што да правам
Денес не успеав да направам доплер на ногата. Правев целосна крвна слика, уринокултура и ддимери. Се е во ред освен што ддимерите ми беа покачени и докторката ми кажа дека гинеколошки се е во ред дека треба со трансфузиологот да видам со отоциите. Така да утре пак ќе одам до 8-ми септември и ќе видиме што ќе направам
Значи може да ти даде приоритетен и без проблем ќе си завршиш работа. Без упат нема да сакаат да те примат. Без малтретирање ќе си завршиш одма во 8 септември во клиника е потешко барем за мене
Maticniot ginekolog? Ne e vistina deka nema termin. Mene sekogas mi vadi uput za transfuziologija bez problem za sleden den i ima polno otvoreni termini. Posledniov mesec bev dva pati. Plus tamu koga odis, odma gi zemaat trudnicite da ne cekaat. Bez uput moze da te vratat.
@maaitka @KuklickaSk да од матичен гинеколог барав. Мм го пратив, му рекла за никаде нема. Еве пак го прашав. Пробала да извади и преку мој термин и приоритетен и некој упат што важел 24 часа. Никаде немало, не можела ништо да извади. Леле ми се крева коса вака кога се дешава. Ништо утре пак ќе и ѕвонам ако ја добијам на телефон за пак да проба.
Не е маж ти крив, оваа матичнава изгледа малку чудна. Термини има по 2 на секои 5 минути. Кажи и да ти закаже прв слободен термин (сигурно ќе има до петок) па нема да може да те врати.
Мене ми го даваат упатот што важи една недела.Во "8-ми Септември одам"Таму одма завршувам работа,дека трудница.Не чекам ред.За резултати од маж ми.Од трансфузиолог се напишано.Нит се гужваш,нит чекаш.Барај си упат што има важност една недела.
Фала, ќе побарам утре. Баш ќе видам што ќе направиме. Да се надевам дека моментално било тоа што не можела да извади упат.
Јас се вратив. ЦТГ уредно, не покажа контракции иако дома често имам стврднувања, веројатно тие се лажни. Само бебе дур клоцаше на моменти ѝ скокаше пулсот на 170 и контракциите од 8 се креваа на 12-13 на ЦТГ ама значи сѐ тоа било нормално. Главчето уште е малку помало ама дефинитивно не може да се измери добро зашто е пикната горе во ребро и докторот 5 пати премеруваше, џабе. Не беше воопшто загрижен, напротив - 3 пати ми направи „да пукне“ и ми рече дека е презадоволен до каде стигнавме Сепак ќе си примам уште една доза Флостерон неделава за да сме безбедни и ми рече После што сакаш прави Само да ги издржам уште тие неколку дена кога ќе биде пак успана и пасивна, минатиот пат ми беа хорор... Сѐ на сѐ, не ми се верува дека се гледа крајот и едвај чекам да гушкам бебе
Добро вечер на сите Jас малку настинав и сега пробувам да средам со чаеви. Пред неколку часа бевме на прошетка со мм и наеднаш осетив болка во стомакот и како некои пресеци.Седнав на една клупа и таман си реков е подобро кога станав пак наеднаш силно ме пресече.Прашав на доктор ми рече дека се е во ред.Прашав и друг доктор,ме прегледа со рака ,ми го рече истото во ред било со бременоста. И се случило на некоjа истото? 17 + 5 сум,друг проблем немам освен вака што ми се случува некогаш. Сакав да ве прашам и кога прв пат се чувствува бебето во прва бременост? Имаjте убава вечер мешенца
Не знам како се вика на македонски тоа, но можеш да видиш на Гугл round ligament pain; сосема нормални за неделите околу 17та, неколку пред и неколку по - се шири матката и стомакот и се јавуваат такви нагли, остри болки во мускулите на стомакот. Мене ми се случуваше најчесто на кивање или на станување од кревет. Баш боли ама сосема е нормално, не се секирај. За чувствување на бебето, индивидуално е. Јас за првпат слабо го осетив во 14-15 недела, а веќе позабележителни движења од 16 ама викаат прворотки некогаш и до 20-21 не ги чувствуваат. Може дека јас бев цело време во кревет и само на тоа сконцентрирана
Да ве поздравам и јас сите. Мачнините полека ми исчезнуваат иако мислев дека ќе им нема крај. Денес 17+5, бев на контрола бебе одговара за 18+2, 270грама тежи, докторот неможеше да го измери во должина многу преткаше, не запира, почнав да го осеќам уште пред 2 недели и порано но многу плодовата вода ми се намалила, тоа малце ме исплаши затоа денес еве 2.5л имам испиено. Да се надоврзам и за брисевите од претходната контрола ми покажаа стрептокока и кандида, пиев амоксиклав и полигинакс ставав, денес докторот кога ме погледна рече за кандидата да ставам mycoryl 3 дена. Дали навистина ќе се излечи? Вие кои сте биле во таква ситуација, внимавате ли и на исхраната?
Си лежам во дневна, среќна дека конечно стигна креветчето. А и ролетни за во дневна. Па досега мајсторишавме со пауза за успивање дете, и така некако сум задоволна. Стомакот многу ме боли, денес дека цел ден дома турбо, премногу ми е натежнат и тврд. Или бебо се врти некако, или пак лажни контракции. Утре сабајле на клиника. Ќе пишам што ќе ми кажат. Така сум целата возбудена. Ама највеќе од сѐ сум среќна за креветчето што го средивме. Е во спална направивме невозможен распоред - креветот на ќерче, па залепена спалната, и на крај со мал размак бебешкото. Сѐ е тоа идеално, само кој знае дали така ќе остане. Сѐ си мислам маж и дете ќе избегаат во другата соба набрзо откако ќе дојде бебо. Мачорка се мрдна, да спиела таа во креветчето, па се пикна внатре... Па се прпелкаше на подлогата за пресоблекување.. каква дигресија во однесување - немам коментар. Ама мислам дека е нормално. Дури покажува интерес дека сакала и таа да цица (?) да видела како било оти заборавила... На моменти ми се креваат сафри, ама на моменти си велам дека стварно е многу нормално - и таа до вчера била бебе, сега се чека на ова, па не сака да биде изоставена, дури тоа да значи враќање едно 7 развојни чекори наназад. Ама решив не бранам ништо, ќе пробувам да објаснувам дека е голема, ама некои моменти ќе ѝ ги дозволам, нека помине мерак. Останува уште кујната да ја досредиме, и дневната да ја средиме со шкафови ... И викендов да исчистиме. И секако, уште десетина машини за перење да пуштам. Се надевам ќе стигнам со сѐ што сум наумила. Искрено, откако го видов креветчето сѐ ми стана некако пореално.
А како, директно да отидам таму?! Не знам, така никогаш не сум била, а ако има гужва треба да чекам многу. Јас сакам во 8ми Септрмври дека поблиску ми е. Се јавив и сега, докторкава со пациенти била и сега ќе се бркаме по телефон.
На мене кандидата цело време ми се повторува. Ја лечев и со Канестен, и со едни други жолти што 6 дена се ставаат, ме држи ок една недела и после пак. Пијам и брусница, јадам умебоши, пијам пробиотик, се одмивам со камилица, не јадам нешто посебно благо, иако можеби треба комплетно да ги исфрлам и него и пченичниот леб со квасец. Докторката ми рече да избегнувам киселинска храна ама единствено така покиселинско што јадам се индиски ореви и мешунки, најмногу лебот. Ама не е тоа па претерано толку за од тоа да не ми се чисти кандидата. Не знам веќе што, ја вриев и долната облека со сода, сушам на јако сонце... Др вика имало некои безбедни лекови што се пијат ако тотално излезе ситуацијата надвор од контрола ама некако не ми е сигурно, јас сама ќе си направам филм дека од тоа нешто ќе му биде на бебето. Кажи ти ако успееш некако да се оттарасиш, сподели. Јас денес се видов со докторката, и кажав дека ми се зачестија прилично лажните контракции, па ми рече на ехото на 30 недели ќе додаде забелешка и цервикс да ми проверат. Утре полнам 28 недели, до сега се' е во ред, па почнав да се приплашувам од предвремен пораѓај и други некои такви компликации. Пошто очигледно мора за нешто да се секираме, не може туку така да си седиме чил. Поздрав мамички имајте убав ден. Едит: три дена се мачкам со кокосово масло и не ме чеша до полудување, малку е потсмирено ама знам дека кандидата е уште тука.
