Труднички муабети

Фала ви Rusi i Girl-Miri. Веќе два дена имам стварно големи болки во половината, во долниот дел точно над задникот. Помалку ме боли само кога лежам и не мрдам. Инаку на сабајле помалку боли, а после тоа не можам да дишам од болка. Болката ми се пренесува на препоната долу и ми се укочуваат нозете (особено левата) и ме вијат како за добивање. Ама не ми се на интервали, туку константно боли само ако мрднам.
Можеби се спушта па се шират колковите...Можеби е и некој нерв. Ќе видам денеска да не се оптеретувам многу па ќе видиме како ќе се одвива. Во секој случај ми е тешко, како болна се чувствувам.

 

Штом те боли многу нормално дека треба да одмараш, најдобро консултирај се со лекар може ке ти каже точноод што те боли, и јас исто претпоставувам дека е некоја комбинација од ширење на колковите и некој нерв, ама како и да е консултирај се.
Мој совет доколку можеш да се движиш е да пешачиш што е можно повеќе. Јас со првото исто имав проблеми со левата нога, ми се кочеше, ама упорно се движев и резултатот беше навистина лесен пораѓај и на тебе ти посакувам ист таков. Тогаш др. Димчев ми рече " вака можеш 100 деца да родиш, глумиците на филм повеке ги боли од тебе"

 

Здраво мешиња, ние да се пријавиме дека сме супер, штом има сонце и ние цветаме
Инаку вчера си најдов матичен гинеколог, во Железара, ми ја фалеа женава па си реков се надевам нема да погрешам. Се чудеше како тоа ми се внесени погрешни податоци во мајчината книшка и зошто не ми го заведувала секој преглед??!?!?!? Среќа што одам и на паралелни прегледи на приватен гинеколог, па од нејзините извештаи ми внесе се како што треба во мајчина книшка. Ми падна терет од душава.
Сакав да прашам, нешто ми спомна вчера матичната за проверка на скриен шекер на клиника, има некој искуство? Ми рече треба околу 28-ма недела да се прави испитувањето, но претходно да се закаже.
Поздрав мешиња и имајте убав ден

 

Здраво мешиња. Денес бев на прво цтг во Чаир со пријатели нормално си закажав. Во ред е се фала му на Бога. После тоа се запознав со докторот што ќе ме пораѓа д-р Георгиев многу добар и стручен доктор дефинитивно. Ме прегледа на ехо и ми рече малиов дека според менструација е 34 недела + 5 дена, е арно ама според тоа како напредува машала 2900 кила, и според димензиите на главчето и телото излезе дека е 36 + 1 ден, вика машала голема глава.
Веќе и тикеров не знам како да го направам. Ми рече веќе си влезена во породилниот период, но според менструација си вика 34 + 5 дена и се смееше вика може претходно си зачнала па си добила менструација па после тоа си видела дека не ти доаѓа и си направила тест и позитивен. Па си реков може да е до тоа. Па терминот вика ти е на 21 јуни (според последна менструација) па после вика според растот на бебето на 9 јуни. Ај си викам јас да си ја спремам торбицата не ќе е лошо да си бидам спремна за секој случај. Битно бебуш е во ред добар е си расте уште, но ме загрижува тоа што сум слабокрвна и ми рече да испитам и крв повторно да видам до каде сум па да ми даде нешто за зајакнување на крвта или фероглобин (а јас веќе ги пијам нив) па ќе видиме еве да испитаме сега во четврток крв. Исто така и кај матичната сум на последен преглед па со Господ напред да си земам и упат за во болница и да си отворам породилно.
Имајте убав ден мешиња.

 

Јас проверував скриен шеќер ама во Авицена. Останав околу 2 ипол часа таму. Прво боцкаат, па даваат глукоза да се испие една чаша, па по еден час пак боцкаат, па пак чекаш еден час и трет пат боцкаат и толку. Платив 700 денари.

 

Во која недела проверуваше скриен шекер? Дали е задолжително и ако не, според кои симптоми одредуваат дали треба да се испита или не, ако знаеш нормално

 

И јас требаше да одам во Авицена да испитам скриен шеќер, но не бев добра тогаш и не појдов. Па и реков на матичната вака и вака јас не појдов па ми рече добро биди здрава и жива не е задолжително, така што, не знам според мене убаво е да се појде, но ете јас не бев бидејќи навистина не бев добра тогаш таа недела.

 

Гушки за мешетооо

 

Агрона ти спреми си ја торбицата , па кога бебе ќе е спремно ќе си излезе
Кај мене на сите мерење бебето си беше со тежина од 3400гр. за на крај да излезе бебе од 4кила
Така да тие мерења не се баш точни .

 

Здраво мамички како сте? Ние сме добро. Утре одам да го видам бебушот. Конечно.. Па ќе ви пишам како сме поминале. И да видиме дали конечно ќе се обоиме во Термини на породување

Да се надоврзам за муабетот за скриениот шеќер јас имам закажано за во 26 недела, а гледам вие дури накај 30та недела испитувате Но добро сигурно овде е така. МачецнеЕна ти која недела испитуваше?

 

Мислам дека проверував во 27 недела, еве гледам по датумот. Тогаш ја сменив матичната и новата ме прати за секој случај, не дека имаше некоја посебна причина. Претходната никаде не ме праќаше, дури ни пап тест не ми направи.
Инаку мислам дека за скриен шеќер најчесто ги праќаат оние на кои им е понапредно бебето за неделите.

 

Во која недела проверуваше скриен шекер? Дали е задолжително и ако не, според кои симптоми одредуваат дали треба да се испита или не, ако знаеш нормално [/quote]

Мислам дека проверував во 27 недела, еве гледам по датумот. Тогаш ја сменив матичната и новата ме прати за секој случај, не дека имаше некоја посебна причина. Претходната никаде не ме праќаше, дури ни пап тест не ми направи.
Инаку мислам дека за скриен шеќер најчесто ги праќаат оние на кои им е понапредно бебето за неделите.[/quote]

Фала ти zuto, откако слушнав за тој скриен шекер страв ме фаќа од тоа дека треба да ја испијам таа гликозата, неможам да го поднесам тоа, воопшто сум скарана со благо и шекер, посебно во толкави количини. Затоа прашав дали според некои симптоми се одлучува дали треба да се испита или не. Во секој случај ти благодарам за одговорот.

 

Уф wtff не ми текнува кога проверував овде , ама одприлика тука 27 до 30 недела е

 

Нема зошто, затоа сме тука.

Инаку мене денеска ми е подобро со болкиве, ама вака ми беше и вчера на почетокот на денот. Само денеска ќе гледам многу да не се оптеретувам па да видиме дали е можеби од тоа. Вчера перев пеглав завеси, па се качував на скала да ги закачувам. Да не зборувам за останатите домашни обврски и шетањето. Денеска ќе бидам попримерна

 

Епа ти си претерала со активности, несмееш толку да се оптеретуваш, сега само одмарај и веројатно ке се смири болката. Поздравче

 

Super - Mama бебешка псотелнина и обиколка за креветче можеш да најдеш скоро во секоја продавница за бебешка и детска облека, плус поевтина отколку во Алф. Помини во Теди, мислам дека имаше таму и во секоја продавница кај ,,Бањата,,.
поззззз

 

Здраво идни мамички, еве и јас да се "пофалам" дека исто како Жуто си направив проблем вчера, преместував стари чаши, складирав по кутии за да се симнат во подрум, и после цела вечер ме штрекаше стомакот и матката
Кога легнав и киселини ме фатија со нагон на повраќање, контракцииве не се смируваат, уште и детево игра ко лудо! Во еден момент мислев да го терам маж ми да одиме на лекар. Среќа лапнав лажица таан кој за пола саат ми ги смири киселините, но уште дооолго се вртев низ кревет со контракциите.
Незнам како ќе издржам до крај само да лежам и ништо да не правам, ич не сум таков човек

 

Леле ми почнаа мачнините и повраќање од вчера Само повраќам нешто жолто. Сега сум околу 6 недела, и еве се што ке изедам право повратам

 

Јас да ви кажам дека ниту синко притискал, ниту нерв бил. Полека полека почнав да си качувам температура. Сега јасно е што била работата.

 

Мене од тоа притискање на нерв 9 месеци ми трнеше раката