Труднички муабети

Епа вака
При констатирање на бременоста ми зедоа крв и ми рекоа да дојдам за орприлика 1-2 недели.
Кога се вратив веќе имаше срцева реакција(6+0) и добив мајчина книшка која беше целосно пополнета.
Стоеше крвна група и рх фактор
хив анализи
Сифилис
Рубеола
Калл
....уште неколку имаше стојат Antikörper Suchtest
Околу 32 недела Хепатитис Б и Кламидија
Околу 36 недела Стрептокока.


При секоја посета кај докторот давав урина и беше испитувана истата а крв во просек еднаш во квартал, но доколку имаше потреба го замолував за почеста проверка.



Ова се значи основните анализи кои ми ги правеа.

Првиот скрининг преглед беше кај мојот матичен гинеколог но јас се одлучив и за подетални испитувања. Приска ми беше непрецизна а амниозинтеза со преголем ризик.
Скоро секоја праксис има договор со приватна амбуланта која врши испитувања за елиминирање на хромозомски нарушувања. Во крвта на мајката има и крв од бебчето, со анализа на крвта зедена од вена може со сигурност да се утврди постоење или да се отфрли истото на даун синдром и уште неколку болести кои се проследени со ментална/физичка ретардација, срцеви заболувања...
Тестот се вика Praena test и платив на приватно околу 850еу. Тестот беше спроведен во првиот триместар и веднаш добив и информација за полот на бебчето.

Вториот скрининг преглед исто ми беше кај матичниот доктор, но јас се одлучив и на приватно во една пософистицирана амбуланта да го повторам истиот. За орган скрининг платив 125 еу. Скоро еден час(далеку подетално и повнимателно) беше мерен секој внатрешен орган, секоја коска...

Третиот орган скрининг исто беше кај мојот матичен гинеколог. Треба само да се потрвди правилниот развој утврден од првиот и вториот скрининг. Некоја недела порано имав закажано и во другата приватна клиника 4д ултрашал кој беше пак со цена околу 100еу каде добив слики од бебчето и уште една потврда дека се е во ред при деталниот преглед.


Прегледите на старт кај матичниот гинеколог се 1 месечно. а во третата третина еднаш на две недели.
Со цтг почнуваат од 28 недела.
Практикуваат и вагинален преглед до крајот на бременоста.
Сите клиники имаат тури(еднаш неделно или месечно) каде трудниците може да разгледаат условите за пораѓај пред да се одлучат за истата. Околу 36 недела со мајчината книшка и здравствената карта се пријавуваш во една од нив и доколку се појави некој проблем во оваа фаза ќе ги контактираш нив и можеш кај нив да одиш а не кај матичниот.


Друго плус што те интересира прашај

 

Доколку не се неподносливи болки и нема крварење нема потреба за нервози. На жалост нормално е.
Матката се шири, бебчето притиска некој нерв или има зазедено таква положба, си се уморила...Напи се магнезиум (можеш и 500 мг на ден), легни одмарај и смири се.

 

Не покри осигурување бидејќи тоа не се рачуна како нешто што е потребно и неопходно.
Не верувам дека тоа е воопшто возможно. Каде што има потреба или сумља...упатуваат на амниозинтеза но истата како што знаеме си има ризик.
Оној кој не сака да снесува ризик мора сам да си ги покрие трошковите бидејќи е под категорија луксуз.

Инаку цените тие се...Единствен попуст(ако така може да се нарече) кој го добив беше да ги добијам резултатите по итна постапка(за една недела) за која инаку се плаќа околу 100 евра, ама бидејќи ординацијата на докторот штотуку имаше склучено договор со нив во нормалната цена беше вклучена експрес услугата.

Само за Даун синдром беше околу 750 евра, а за трисомие 13 и 18 и некои додатни плус платив 850. Немаше ниту некаков попуст ниту некакво покривање на трошкови.
Life Codexx AG, Konstanz. Земањето крв беше кај мојот матичен гинеколог во Франкфурт а вработените од лабораторијата лично ги подигнаа епруветите со крв.

Јас ќе се пораѓам во една мала приватна клиника која работи и со пациенти кои си се најнормално здравствено осигурани и со приватни пациенти од околината на Франкфурт.
Истото би ти го препорачала и тебе.
Овие клиники се специјализирани само за пораѓај и најчесто се справуваат со некомплицирани случаеви каде нема компликации во текот на бременоста. Мали, компактни, веднаш се воспоставува близок однос со вработените и секогаш имаш некој на располагање.
Верувам дека го нема истото во големите уни. клиники. Таму влезот нема да го најдеш и да се снајдеш да влезеш ...
Минатата недела имав тровање и лежев 3 ноќи таму. Бев сместена во соба со уште една девојка (најчесто си со уште 1 особа, ретко со уште 2 но може доколку е се полно).
Постојано стоеше едно цтг во собата само за мене и многу пати на ден проверуваа дали се е во ред. Постојано инфузија, проверка на крв, притисок, редовни визити.

Со мене во собата беше жена која беше породена со царски.
Секогаш кога ќе притиснеше копче доаѓаа и ја прашуваа како може да помогнат. За секое цицање и го префрлуваа бебето од една на друга града за да не се мачи, кога имаше потреба го земаа со нив за она да одмори, го пресоблекуваа(цела облека за бебуш беше од нив), ја советуваа со доењето, облекуваа чорапи за тромбоза, и помагаа за во веце, нудеа психилошко советување.
Едни девојчиња нон стоп менуваат постелнини, други мерат притисок, трети цтг, четврти за инфузија, петти носат храна и нудат нешто да се напиеш...насабајле редовна визита од докторот а доколку имаш некое прашање веднаш доаѓа хебаме или те упатуваат кај докторот на разговор.
Значи ова е моето искуство од минатата недела кога имав труење од храна и ме набјудуваа да не реши бебуш да излезе.

Јас планирам таков суит апартман кој сам го користиш но се плаќа измеѓу 85-125 евра од вечер. вклучено е ноќевање на партнерот и оброци за него. Собите навистина делуваат како хотел со 5 звезди. Огромен брачен кревет, комода за пресоблекување, колебка за бебуш, тераса и веце, дел за гости со маса и столчиња, тв...
Овој пат бидејќи бев со други симптоми, не беше на видик дека ќе се пораѓам не добив таква соба...а и не гледав причина за истата. Баш ми одговараше малку друштво.

Клиники можеш да разгледуваш кога сакаш. ОД 20-25 недела можеш да почнеш. На интернет страницата на секоја клиника стои кога имаат таков ден и со податоци во однос дали е потребно пријавување, во колку саатот и сл. Пријавувањето е како што кажав околу 36 недела.
Доколку бебуш реши порано да испадне не е страшно и непријавен да им отидеш. Важно имаш мајчина книшка, здравствена карта(и извод од матична книга на родени или венчаница) и ќе те примат. А за соба наоѓаат за сите. Освен оние со царски никој не оди таму планирано, така да без страв.
Кога ќе дојде моментот ќе бдиеш одлично згрижена, и ти и бебуш.

Едит:
не знам дали веќе си почнала со купување на работи за бебуш. би ти препорачала да се зачлениш на интернет страницата на дм во категоријата glückskind. Нудат купони за попусти кои и те какос е добредојдени.
При мојот голем шопинг од дм(не само за бебуш и мене, туку и дома) си го искористив купонот од 10 проценти кој миз аштеди 25 евра на пример. Има некои помали купончиња за проценти или по некое евро на разни продукти...зијан или штета нема у секој случај.
Истото го сторив и со купување на мебелот. Се зачленив во baby walz и следев кога имаат еден од оние денови кога нудат дуплирање на бодовите од членската карта.
Еднаш на неколку месеци имаат денови кога за умножуваат бодовите за 15 пати. Количка, транспортер, релаксатор...се купив во такви денови и на крај ми дадоа ваучер од 250 евра кој се насобрал од вкупната сума што сум испазарувала.