Упатства по нет, по весници, на телевизија, по филмови.. Дали се придржувате на некое упатство за убав и квалитетен живот или го почитувате она на што сте навикнати ? За некои таквите ,,формули,, се инспирација да сменат нешто, ама постојат и такви кои постојано го бараат вистинскиот рецепт. Што ве инспирира вас ? Дали имате да поделите некој рецепт за кој сте сигурни дека може секој да го примени ?
1. Ќе избегате од се што ви влијае негативно. 2. Ќе изберете цели што сакате да ги постигнете. 3. Ќе почнете да штедите,но само ако навистина сакате а не со сила и со искушение да земете пари од касичката. 4. Да се откажете од она што долго време велите дека ќе се откажете. 5. Да уживате и да му се посветите на семејството (доколку имате). 6. Да се посветите на себе си. 7. Да бидете храбри и да бидете и слаби. 8. И последното да не ве интересираат туѓи животи ако вашиот е убав. Бидете си оригинални и свои. Ова е за мене лично добар живот.
Не се водам по упатства,туку по интуиција. Решив претежно да се слушам себеси,а оние кои ме повредиле или добиле бокс (во вербална смисла) или завршиле во игнор ол.
За секого рецептот е различен Сите потекнуваме од различна средина и окружување и имаме различно воспитување. Да знаевме сите формула за успех, немаше да се мачиме Статиите кои се појавуваат со бомбастични наслови не ги ни отварам, не кажуваат нешто ново кое некој не го знае.
Правило број 1 - Не се замарајте за туѓите животи. Правило број 2 - Не можете на сите да им угодите, затоа воопшто и не пробувајте... Правило број 3 - Сакајте ги најблиските, најблиското семејство. И направете се за нивната среќа. Толку.
1.Поставете си цел во животот и бидете истрајни да ја достигнете иако можда ќе имате сопки 2.Гледајте си за себе не за некој трет 3.Не се замарајте со тоа што ќе кажат другите дали ве сакаат или не 4.Започнете си со хоби/спорт 5.Помагајте на секому кому му треба помош 6.Бидете оригинални и пружајте ги нозете колку ви е долга чергата 7.Гледајте да не створите лоши навики (пример пушење јер вам не треба) 8.Сакајте го ближниот како самиот себе.
Ако човек премногу се замара во животот , истиот ќе му биде полн со нервози а нема да му е добар. Клуч за добар живот според мене е умереноста во се. Потребно е и време за работа, за одмор, за семејство, за себе итн. Меѓутоа животот денеска е многу брз и стресен и ретко кога се може да се постигне. Постојат и стресни денови но, и релаксирачки па тоа прави некаков баланс. Што знам. Фокусирајте се повеќе на позитивните работи отколку на негативните. А и бидете свесни дека исто така и позитивните и негативните се дел од животот, како и успехот и неуспехот, среќата и тагата... Нека не ве обесхрабрува тоа. Најдете инспирација која ќе ве мотивира да бидете подобри, поуспешни т.е да не запаѓате во депресии ако нешто не одело по план. Бидете упорни секогаш и не се откажувајте. Најдете време за семејство и блиски. Прегрнувајте се почесто, кажувајте ги зборовите Те сакам на оние кои ви значат. Помогнете некому - прекрасно е кога на оној на кого сте му помогнале ќе ви возврати со насмевка. Кога шетате по улиците главата нека ви биде исправена, насмевнувајте се на луѓето... Знам дека е понекогаш тешко но, изборете се во тешките ситуации, најдете некој начин да го решите проблемот. Немојте предолго да држете во себе негативни емоции. И не знам што уште би додала. Би можела уште многу да пишувам ама не ми текнува на се.
Статиите се прилично површни, ама затоа книга знае да ме допре. И чудно, некогаш навистина откривам нешто што ми било пред очи, ама не сум го видела. На пример преку една таква книга сфатив колку врмето поминато во природа ми е важно за да функционирам како што треба. И за да бидам посреќна и посмирена.
Многу рецепти постојат но нели, секој човек е со различен вкус е а за вкусеви " не се дискутира ".... Темава е прекрасна, има толку многу позитивни дискусии што нема крај и се надевам ќе продолжи да се развива така... Ќе дадам еден мал рецепт, универзален кој што за секој е добар а тоа е: - работа на себе - ; потоа следат - трансформации, после успех, кој што ќе се манифестира во некој сопствен рецепт за добар живот.
Не може, нема терк, нема правила. Уствари, некои златни правила можда и има, ама не сите од нас можат да ги применат. Сите си имаме различни патеки во животот, различни грешки, од кои највеќе ненамерни... Многу фактори влијаат врз тоа дали ќе постапиме на овој или оној начин. Често ќе чујам/прочитам за некој што го обвинуваат зошто не внимавал, па зошто постапил така... Ха... Колку и да ги знаеме правилата, некогаш се случува да не ги примениме. И не е тоа по наша волја... Едноставно... Животот е таков.
Нема правила, правилата се измислени од околината: мора да завршеш факултет за да бидеш успешен, мора да се омажеш до 25(пример) .... итн И на многу луге им е тешко да си терат по свое, да си го слушат сопственото срце.....
Јас не се водам од општи правила и шаблони што се универзално прифатени од останатите, па поради тоа за многумина сум чудна, мистериозна и несфатлива. Не сакам споредби и копирања на туѓото секојдневие зашто не делиме универзален пат. Различноста прави да имаме индивидуално искуство, потреби и очекувања што го создаваат личниот профил. А тој е толку разнообрзен, како и колоритноста на уметничките слики. Како што нема општо правило за добра слика, така нема ни рецепт за добар живот. Животниот прирачник по кој се водам се состои од воспитување, карактер и интуиција. Се друго е демагогија.
Според мене, нема некој посебен рецепт за убав живот. Само следење на своите цели и дружба со луѓе кои влијаат позитивно на нас. И работа на себе. Тоа е.
1. Опкружете се со позитивни луѓе и исклучете ги сите што не заслужуваат да бидат дел од вашиот живот 2. Патувајте и тоа многу 3. Излезете од комфорот и пробајте нешто ново 4. Надоградувајте се и научете нешто ново без разлика дали е поврзано со вашето образование или не
И јас сакам да си најдам упатство за добар живот. Се нешто некои лоши работи ме снајдуваат и јас пустата од инат лесно излегувам од нив
Упатство за добар живот е да те исполнува работата која ја работиш, а не да трошиш 1/3 од денот тапкајќи во место и мрзејќи се околу себе. Упатство за добар живот е да не јуриш слепо по пари. Упатство за добар живот е да не штедиш на љубов мислејќи дека е потрошен материјал, туку несебично да ја делиш.
Upastvo za dobar zivot za mene e dobra organizacija. Rabota kako rabota, vo 4:02 ripam od stolce I pocnuvam so mojot zivotot, onoj poubaviot. Ne e deka nezadovolstvo vo rabotata ne ti crpi energija ama, j*biga ovoj pat sefot ne se pogodi ama nemam uste mnogu od zivotov pa sega ke sedam doma I ke ocajuvam. Sefot nema da se smeni ama jas ke ja smenam firmata do togas …… Ne sum od tie tipovi koj mozat da dojdat od rabota I sednat, mora da se pravi 5 raboti po rabotno vreme. Nemozam bez vezbanje, citanje, seckanje hartii , crtanje, boenje, sobiranje pametni misli, setkanje bez nekoja potreba po prodavnici I cackanje se I sesto se dodeka ne si gi omirisam racete so nesto nepriatno sto mirisa I moram doma na komplitno banjanje za da se spasam od nekoja "kineska roza" ,rucek da se napravi za utre, da se iscisti najkasno do Petok 10 vecer za da moze da se bezdelnaci za vikend , mora da se iskaci nekoja planina za vikend, mora da se izmisluvaat proekti, pomali I pogolemi, niz kuka ili nadvor od kuka,..... Samo dobra organizacija na zivot mi pravi super raspolozenie Zaboraviv, nemoze a da ne se sedi do 2 sabajle vo Petok, a koja e potrebava , neznam , isto toa spaga vo organizacijata.