Употреба на туѓи зборови во македонскиот јазик

Мислиш дека само сѐ на училиштата се сведува? Културата, јазикот не е само „вертикален“ феномен - институции во однос на поединци , туку и „хоризонтален“ - култура МЕЃУ поединци... И едните и другите имаат одговорност. Од нив зависи до некаде кој јазик и како ќе го употребуваат. Зошто јас како поединец да придонесувам кон својата неписменост и таа на другите?
.
Вас/тебе ако те ни пречи, очигледно, на многу други им пречи претераното користење на туѓи зборови. Тоа се гледа и низ форумов и надвор од него.. Не мене не ми боде очи ако некој зборува странски јазици, мило ми е за него, јас зборувам неколку, но, сакам да си го зборувам како што треба и мојот мајчин , зашто така секако нема да зборувам ниеден друг. И мислам дека и другите треба да зборуваат, наместо да бидеме жртви на околностите и престижот. И од нас зависи тој престиж. инаку.

 

Треба да се почне од најмала возраст, и ПРЕД училиште според мене. И низ целото образование до докторски студии. Секако и во секојдневниот говор. Но, не знам што би изгубиле ако за тоа се зборува и на еден ваков форум. Секоја ситуација е можност. Всушност, децата користат медиуми од најмала возраст, па ќе се сретнат со коректна употреба на јазикот и ОВДЕ.
јас мислам дека јазикот е суштински инаку... Тоа што се „шака народ“ јас не можам да го спречам ама МОЖАМ и те како да посочам кон коректна употреба на јазикот. Претпоставувам и затоа има вакви рубрики на форумот?

 

Да во ред, исто и јас викам дека треба да збориме македонски, не ко инстаграм блогеркине што за нешто најпросто ќе употребат англиски збор, ама јас сигурно нема да речам наместо билет, пропусница или наместо факт е, податок е. Тука ќе се изгуби самата смисла на реченицата. На пример сакаш да кажеш нешто што е добро познато кај народот ќе речеш факт е тоа, нема да речеш податок е тоа. Добро сега, зависи и од поентата на реченицата, наместо да речам fun fact можам да речам интересен податок и повеќе ми лежи да речам така него со туѓизми.
Едит: заборавив да додадам, ќе речам имам имунитет, нема да речам отпорен сум.

 

wtf?

Не е исто, едното има функција како опис на чувство, ама повеќе се користи како дијагноза, другото е чисто само чувство.
Гледате дека немаме доволно зборови....

 

Веќе прифатени што постојат како туѓизми да (уствари ако не отвориме книга, нема да знаеме дека се туѓизми) , а нови како (wtf,omg) што произлегоа од тастатура не!

 

Ко за некој поборец за македонскиот јазик, многу чудно како не ти текна дека на македонски PM е попладне, и дека уствари се пишуе 15.00 часот, али која сум јас да ти судам...

У истите мислења у кои плукаш против странски зборови, користиш зборови шо најчесто имаат свој збор или фраза у македонскиот јазик, и уште потрагично одредени зборови ги имаш напишано у наводници, од не знам која причина, некои странски, некои наши...

Спојлер

Исто као и @GirlLove, и тоа провалена е поише пути у Сдк, али нема везе, добра е темава.

Еве и ние ќе си пишуеме ,, тодлер,, вака, и чича Мича, готова прича. Све ни е опростено.

Земале изгуглале некој турцизам ни покојната ми баба шо не го знаела, и така се викало тригодишно дете на македонски...
Не, него се кажува новороденче, па бебе, и од коа ќе прооде, 9 месеци, 15 месеци, 19 месеци и 3 недели и тако даље, и ја треба математика да решавам да откријам колку години има детето.
Е затоа е тодлер.
Пардон, ,, тодлер,,.

 

Според мене т.е лично мене ми е интересно да знаеме јазик што многу помалку луѓе го знаат. Нешто како шарм на limited edition

Инаку сум за тоа човек да знае што повеќе јазици, бидејќи така светот го имаш на дланка

И немам проблем ако некој користи збор како тодлер. Дури се случува ако знаеш повеќе јазици и си во брзање, па да не може во моментот да ти текне соодветен збор или израз на твојот јазик.

А некогаш па и сакаш да кажеш некој збор/израз на друг јазик, со цел да доловиш и подобра конотација со се емоции

Секако секој има право да се изразува како сака, особено неформално, во муабет со другари и сл.

Мене лично што ми онака пречи е ваков пример:

Имаше видео од Брејнстер за некој млад претпримач. Значи си излегол на презентација пред студенти - формална комуникација, а ни п од претставителност и професионалност.

"До тој џурни, треба да имаш луд перзистанс бидејќи ќе наидеш на многу бампс ин д роуд. Ако стварно грајндаш ќе имаш успех"

 

@Gosh, не знам како се замараш кој, како, каде и што пишал. И кој, во која тема е провален.

 

Се саклдиса е прв братучед на "се секира"
Употребувам англицизми затоа што ми се помилозвучни, поинтересни и некогаш финесите најдобро се пренесени.

 

Се уљандиса му е братучед исто

 

Не ми се допаѓа и уште се користи backstage, а си имаме наш збор што секој го знае. Не ми се допаѓа и кога на пишан текст, реклама, (радио и тв), јавен настап и најчесто денес водителките и водителите на емисии па и презентерите на вести ќе кажат на пример "пешкир". Ак кога би погледнале емисија, јавен настап или вести пред 30-40 години.

 

Тоа го напишав на шала
Инаку лично јас немам ништо против употреба на туѓи зборови, употреба на англицизми. Но исто така немам ништо против оние што не употребуваат туѓи зборови во нашиот јазик. Англискиот јазик мене ми е дел од приватното секојдневие. Така да природно ми доаѓа употреба на англицизми. Во мојата потесна фамилија зборуваме на 3 јазици (затоа што сум во брак со странец). Тоа не значи дека го "убивам" македонскиот јазик. Македонскиот јазик секогаш ќе го употребувам без оглед на тоа каде живеам. Сметам дека Мк има далеку поголеми проблеми од употреба на туѓи зборови, но тоа би било целосно друга тема

 

Точно. Некои англицизми не можеме да прифатиме, а луѓе што ги мрзи да ја сменат тастатурата на кирилица можеме да ги прифатиме. Јазикот е "жив", секоја година имаме стотици нови зборови од кои многу се преземени од англискиот. Најпрост пример компјутер, како ќе го викаме? Пресметувач? Мислам дека доста поголем проблем за македонскиот јазик е латиницата, отколку англицизмите.

 

С'клет дефинитивно не е анксиозност. Турцизам е, со повеќе значења. Анксиозност е чувство на непотребна претерана загриженост или страв. Во таа смисла ни тремата не е анксиозност иако се слични, тремата има причина зошто се појавува, анксиозноста е врзана со нереалноста или претераната загриженост за нешто.

 

Јазик како средство за комуникација е "жива материја", и постојано се менува, излегуваат зборови од употреба, и влегуваат нови. Односно, јазикот се адаптира кон "векот" и модерните потреби на истиот. На пример бутин, аван, гумно, кабает, такуѓаре, постојат како зборови но скоро и да не се употребуваат пошто го изгубиле контекстот на значење во секојдневната употреба, односно луѓето не живеат веќе во дејствие каде би им се нашла соодветна употреба (бутин, гумно), додека други зборови како кабает и такуѓаре би се употребувале и денеска, но си нашле соодветна замена, модифицирани во модерните изрази. Е сега, англицизми има што се користат за технологија, и тоа не може да биде поинаку. Како и да е ние како народ не го негуваме нашиот јазик, затоа и ни бришат историја, па и јазик не ни признаваат, али нема везе.

 

Можда зборот АМПА. Ме фати ампата? Не знам прашувам, не сум сигурна...

 

Ампи ко за маки го знам јас.
Ампи големи (маки големи)