Уредување на домот. Вие или архитекти?

Кога го купив новиот стан, мислев дека уредувањето ќе ми биде најзабавниот дел. Па имам Пинтерест, имам Инстаграм, имам фантазија – што би можело да тргне наопаку? По првите три часа лутање по салони за мебел и пет различни мислења за тоа „дали каучот треба да е сив или беж“, сфатив дека ова не е баш како во стори

Одлучив да соработувам со архитект, и денес мислам дека тоа беше една од најдобрите одлуки што сум ги донела. Соработката започна со запознавање со просторот, мерења, разговор за моите навики, очекувања и буџетот со кој располагав. Многу ми се допадна што од самиот почеток сè беше поставено јасно и организирано – добив 3D визуелизации, скици, и тоа ми помогна веднаш да замислам како би изгледал станот кога ќе биде готов. Секоја одлука беше разгледана заедно, без притисок, но со голема поддршка и насоки од неа.

Архитектката пристапи кон уредувањето со чувство за рамнотежа помеѓу естетика и функционалност. Особено сум задоволна од тоа како успеа да ја искористи секоја можна површина – кујната е исклучително практична, а во другите две соби има плакари кои на прв поглед изгледаат како дел од ѕидот, но зад нив се кријат целосно организирани простори со полици, фиоки и делови за облека. И сето тоа без да изгледа гломазно или да ја оптовари просторијата.

Во однос на мебелот – се беше нарачано од Турција, идентично со рендерите. Единствените елементи што ги променивме беа неколку мали масички, и тоа по договор. Таа се погрижи и за завесите и теписите, а јас се посветив само на декоративниот дел, ламбите и сликите. Иако ги избрав сама, се придржував до насоките и концептот, а сликите беа нарачани од млада уметница.

Она што ме воодушеви најмногу – и што секој што влегува веднаш го забележува – е осветлувањето. Станот има многу извори на светлина и добро планирани светлосни точки, што прави секоја соба да изгледа поголема, посвежа и поотворена отколку што е во реалноста.

Сега, кога се е завршено, можам искрено да кажам дека добив дом кој не само што изгледа убаво, туку ми одговара естетски, практично и емотивно.
Да, можев и сама да пробам да уредувам, ама немаше да излезе вака прецизно, смирено и усогласено.
Лично соработката со нејзе ми заштеди време, енергија и многу дилеми.

За крај, искрено би препорачала соработка со архитект на секој што се наоѓа пред предизвикот да уреди нов дом – ќе заштедите време, ќе избегнете импровизации и ќе добиете сигурност дека просторот ќе биде функционален и уреден токму по ваш вкус

Во продолжение неколку слики

 

преубаво ​

 

Препреубаво ти е, со здравје да си живееш и да си уживаш

Сакав да те прашам мебелот од каде е од Турција? Ептен ми се свиѓа гарнитурата и масичките.

 

Фала ти многу! ❤️ Мебелот е правен по нарачка според рендерите, па не знам точно од каде се набавени – тоа го организираше архитектката. А масичките ги сменивме и ги избравме заедно, па се сеќавам ми прати линк и од таму ги нарачав
еве го линкот
https://www.larexdesign.com.tr/products/page/6/

 

Фала ти најмногу

 

Ќе сакаш ли да ми пишеш порака бидејќи јас не можам, ме интересира цената за архитектот колку беше?
И колку плативте за шипинг за мебелот?
Прекрасно е сѐ

 

и мене ме интересира колку плативте за архитектот

@deliza

 

Проектирањето беше 20 евра по метар квадратен

 

Јас наплаќам 15 евра од квадрат, се движат од 15-20 моментално.

 

За кој архитект се работи? Ако е од Мк секако?

 

Да од Мк е, повели https://www.instagram.com/ney_architects?igsh=M2toczhkMDc5MW9j