Факултет-Треба/не треба во денешно време?

Факултетот секако дека вреди, ама и врските си требаат, без тоа тешко.

 

Се помалку верувам во факултетската диплома, при крај сум со студии и страв почнува да ме фаќа, дека откако ќе ја земам ќе си работам во Веро или Тинекс... Ако немаш врски во ова наше државче, ништо не те спасува. Квалитетот само надвор се бара и наградува, кај нас само се препознава и се остава на листа на чекање.

 

Факултет мора во денешно време.
После тоа пак треба и малце срека, и нешто врски, ама без факултетот ништо.
Освен на татко ти ако не е фирмата, никој нема да те вработи без некакво школо.
Факултетот е единствената работа која зависи од нас самите, да бидеме упорни да го завршиме, да покажеме дека нешто сме постигнале. Па после него каква ќе ви биде ѕвездата...

 

Си треба ама не е веќе гаранција за знаење и квалитет. Кога ќе видам некои на 40 или скоро 50 год си фатиле со врски некое место и сега студираат. Па сигурно не учат повеќе од тие што имаат 20 сега, ама штом добијат диплома ќе има и покачување.

 

Ако имаш јаки врски , факултет и не ти треба баш

Ако немаш врски тогаш би било добро некој факултет со јак успех па ќе имаш шанса

 

Јас мислам дека треба, бидејќи без факултет си никој и ништо! :3

 

ако немаш врски денеска џабе ти е се ,не те спасува ни фаултет,за жал денеска во нашава државичка е така

 

Со факултет тешко, без него уште потешко...

 

Факултет треба, ама ако имаш врски. Ако немаш врски, џабе ти е факултетот. Дипломата ќе ти стои за украс.

 

И кога тогаш образованието ќе ти се исплати. Никогаш и во никој случај нема да бидете во минус ако имате факултетска диплома

 

Дали треба факултет во денешно време? Хмммм... Па јас си го сфаќам Факултетот како место каде можам да си го зголемам знаењето во одредена област, многу дружби со колеги, со еден збор запишана сум на факултет од срце, од мерак, а не како предуслов за вработување. Лично за себе си го учам.
А дали вреди, ќе пишам за 2 години. Ама мислам дека ќе се исплати. Некако убедена сум во тоа.

 

Нема кој нема веќе фалкутет во нашава држава.
Секакви се запишале и старо и младо.
Некој не знаат подалеку од носот,а магистри се.
Не ми се верува и да денес виското образование го изгуби значењето.
Има некој кој навистина учи и се бори за нешто во животот и некој што ќе плати,ќе заврши и мисли дека е којзнае што.
Денес вистинскиот труд не се цени воопшто.
Повеќето завршуваат фалкутет ради реда колку да се рече дека го имаат.

 

Секако дека треба.

 

Денес без факултет си никој и ништо.

 

Дури и да имаш врски, ако не те бива и ако не се трудиш, никој нема да те држи на работа и да ти плаќа. Зошто некој би фрлал пари на некој што го искористува и сака лесно да си помине низ животот.

Имам малку поделено мислење за дипломата.
Да, треба за да започнеш, ама натаму, сите ќе ги гледаат твоите способности. После првото работно место, понатаму ќе се гледа твојата способност, труд и волја за работа.

 

Мислам треба добро да се размисли дали воопшто да се упишува факултет, некако премногу се искомерцијализира факултетот, па најреално да збориме неможе секој да заврши, а и кој ќе работи во стандарниот сектор?

Некако денес, посебно кај нас, се измешани вистинските критериуми за вработување, но зависи и за која струка се работи, на пример ако е струка кај што треба пракса и докажување како на пример во медицината, (хирург сигурно треба да има знаење неможе со врски да биде хирург, ма да кај нас имаше и некои бизарни скандали со хируршки зафати )

А за банки, администрација, влада и слично кај што треба да попунуваш обични уплатници, фрчат врски, а некој завршува цел факултет (економски) за тоа, за на крај школскиот единичар од средно го глеаш у банка како ти куца сметки

Се на се треба добро да се размисли ако се упишува факултет и на кој да се упише, посебно ако немаш никакви врски треба да се проба во оној сектор каде што има пракса затоа што ако си добар во тоа, нема да изостанеш сигурно, на крајот на краиштата секој бара квалитетен кадар.

 

Јас сум за тоа секој кој има можност да се запише на факултет пред се лично за себе за лична надградба. Дали вреди за вработување мислам дека сите се сложуваме дека за жал кој нас многу повеќе се цени партиска книшка и пријател што ќе ти се најде. Но, нели никогаш не се знае ништо во животот а на крајот зошто би живееле ако не се надеваме на нешто подобро. Па така каква-таква диплома си е диплома.

 

Без оглед за кој период станува збор пожелно е да се има високо образование.
Секоја струка има своја тежина со свои предности и недостатоци што може да се анулираат доколку се има јасна и прецизна стратегија за потребната квота што се бара на пазарот на трудот. За жал, кај нас се води многу погрешна политика по ова прашање и целокупната реализација се сведува на комерцијализација и финансиска придобивка.
Секој што може да се стекне со факултетска диплома е добро за лична сатисфакција.
Можноста да се применат соодветните квалификации на конкретно работно место е сосема друго знаејќи ги условите и (не) критериумите кои се бараат при вработување (врски, партиска книшка).