VII. Кандидати со завршено средно образование во странство а) Странски државјани 1. Странските државјани се запишуваат надвор од квотите утврдени во Конкурсот, а нивниот број може да изнесува најмногу до 20% од вкупниот број редовни студенти (во државна квота и со кофинансирање) утврден на ниво на студиската програма. За одделни факултети, односно студиски програми се утврдени квоти за запишување странски државјани и нивниот број е даден во Прилог 4 од Конкурсот. 2. Школарината за странските државјани во учебната 2019/2020 година е дадена во Прилог 5. 3. Селекцијата на кандидатите се врши според соодветноста на претходно завршеното средно образование во однос на студиската програма за која се пријавуваат и според успехот од средното образование. Селекцијата на кандидатите кои се пријавуваат за студирање на Архитектонскиот факултет и на факултетите од областа на уметностите, се врши со проверка на знаењата и умеењата (II/5.б). 4. При пријавувањето, кандидатите наведуваат на кој факултет, односно студиска програма сакаат да студираат, дали се стипендисти на својата влада или самостојно ги поднесуваат трошоците на студирањето. Со пријавата поднесуваат нострифицирано свидетелство за завршено средно образование, заверен превод на изводот од матичната книга на родените и уверение за здравствената состојба (издадена од З.У. Студентска поликлиника на Универзитетот „Св. Кирил и Методиј“ во Скопје). 5. При пријавувањето, кандидатите странски државјани поднесуваат сертификат за успешно положен тест по македонски јазик како странски јазик издаден од Центарот за тестирање и сертифицирање на македонскиот јазик како странски/втор јазик (ЦЕТИС МАК) при Филолошкиот факултет „Блаже Конески“. 6. Странските државјани – студенти на Универзитетот го задржуваат истиот статус до дипломирањето. 7. За кандидатите странски државјани кои немаат познавања на македонскиот јазик, Универзитетот „Св. Кирил и Методиј“ во Скопје организира подготвителна настава за изучување на македонскиот јазик. Подготвителната настава се организира во траење од по три месеци интензивен курс во зимскиот и во летниот семестар и се реализира според посебна програма изготвена за таа цел. Во текот на подготвителната настава се врши континуирана проверка на знаењето на кандидатите - слушатели. По успешно завршување на подготвителната настава и полагање на завршниот тест, кандидатите добиваат сертификат за успешно положен тест по македонски јазик како странски јазик издаден од Центарот за тестирање и сертифицирање на македонскиот јазик како странски/втор јазик (ЦЕТИС МАК) при Филолошкиот факултет „Блаже Конески“, со што стекнуваат право за пријавување за запишување на Универзитетот во наредната учебна, 2018/2019 година. Детални информации за полагањето на тестот по македонски јазик како странски јазик, како и за пријавувањето и потребните документи за следење на подготвителната настава за изучување на македонскиот јазик (пријавен лист, уплата на надоместоци, жиро-сметка, и др.) ќе бидат содржани во посебно соопштение објавено од ЦЕТИС МАК при Филолошкиот факултет „Блаже Конески“. Соопштението ќе биде достапнo и на интернет-страницата на Универзитетот „Св. Кирил и Методиј“ во Скопје www.ukim.edu.mk. (извадок од: http://ukim.edu.mk/dokumenti_m/Konkurs_I_ciklus_2019-2020.pdf ,страна 11)
Треба да имам дипломирано само за да можам да почнам со стажот за лиценца или треба да ја имам земено дипломата церемонијално за да можам да почнам со стажот за лиценца?
Колеги, дали прашуваат професорите многу на одбраната на дипломската? Колку време трае одбраната? Какви прашања најчесто поставуваат? Прашањето е до колегите што студираат на филозофски на психологија.
Ќе може ли некој од постарите колеги/колешки да ми каже искуство на колоквиум кај проф Владимир ХГФ? Колку прашања дава, дали се со целосни одговори или пак на заокружување? Би ви била многу благодарна
Не знам на ова прашање како очекуваш да добиеш објективен одговор. Едната причина за ова е што сите студенти кои студираат ќе пишуваат за својот факултет како најквалитетен. За приватните знаеш што се Зборува. Колку е точно тоа не знам. Јас студирам на филозофски психологија и можам да кажам за него, за другите имам слушано различни приказни, колку се квалитетни или не, не знам.
Јас не би можела многу да ти помогнам зошто мене ми беше друг професор. Но како што ги слушам студентите требало да се посвети повеќе внимание на предметот и не било многу лесно. Сепак за одговори прашај некој од колегите кои се втора година, и тие го имаа тој предмет кај истиот професор.
Владимир веќе втора година како е ставен за редовен професор по предметот така што ние постарите не можеме да ти кажеме нешто многу, јас имав кај Ицко. Меѓутоа стандард тоа што се слуша за Владимир е дека многу бара и строг е. А за какви колоквиуми дава не знам
Да, само што би рекла дека повеќе ригорозноста се истакнува отколку принципиелноста кај него. До некаде оправдано со оглед на предметот кој го предава. Сепак сме идни психолози а не генетичари
Арнаудова многу конфузна и несфатлива на предавања и страшно досадна. За перцепција обрати внимание на задачите обавезно, зашто многу го паѓаат предметот заради задачите иако не се премногу тешки. Колоквиумите не и се најлесни како што кажав делот за психофизика внимание најголемо,но секако дека треба да се учат и другите теми. Ачковска исто досадна и не ми остави позитивен впечаток. Исто не е премногу тешко. Лесен предмет предава во прв семестар. Огнен мора да се слуша на предавања зашто од предавањата кај него може многу да се научи и многу добро ги објаснува работите. Еволуциска не беше многу тешко иако имаше колеги кои го презапишаа и кажуваа дека премногу тешко се положува, ама моето искуство со овој предмет не е такво. За редовноста сигурно веќе знаеш, ви кажале професорите. Но сакам да нагласам дека повеќе од професорите не гледаат низ прсти ако имаш повеќе минуси од дозволеното. Во тој случај се презапишува предметот. Имаше повеќе случаи такви.
