Овесни колачиња со суво грозје 125гр путер омекнат 130гр светло кафеав шеќер (јас ставив обичен, немав кафеав) 1 јајце 1 ванилин шеќер пола лажиче прашок за пециво пола лажиче цимет многу малку сол, на врв на нож чаша ипол или 135гр житарки 95гр брашно 3/4 чаша суво грозје (јас ставив цела рака) Во длабок сад се мешаат путерот, шеќерот, јајцето и ванилата. Јас матев со миксер а може и со маталка. Кога ќе се измати убаво се додаваат брашното, пецивото, циметот и солта и измешајте. Потоа додајте ги житарките и грозјето и промешајте убаво да се соедини тоа сето. Оставете ја смесата во фрижидер 10 минути и загрејте ја релната на 180 степени. На плех ставете хартија за печење и од смесата формирајте топчиња со големина на орев и редете ги на тавчето со растојание 3-4см затоа што при печење спласнуваат многу и може да се залепат (ја ептен лакома за да излезат повеќе ги натутав поблизу, се исполепија колачињава, пола квадрати пола кругчиња излегоја). Се печат 10-12 минути, но јас печев повеќе, околу 20 мин, не повеќе затоа што релната ми е послаба. Ќе видите сами, кога ќе заруменат готови се. Кога ќе ги извадите од релна ќе бидат многу меки ама ако, ќе стврднат кога ќе оладат. Полека тргнете ги од тавчето со таа рамната лажица, спатула ли како беше правилно не знам и на здравје
