Фемина готвач - Тема: Mесо во сос

Марула салата

 

Со јајца

 

Нормално дека најлесното ке дојде од мене.

Спанаќ до ориз

Пропржувам,лук,тиквичка и морков.Ситно сецкани.
Го додавам исецканиот спанаќ. Пропржувам да омекне па додавам ориз.
Пржам дур однема течноста.
Ставам во тава за печење и во тенџере зовривам вода 4-1 према оризот.
Попарувам и печам во загреана рерна.
При крај ставам јајцата и исклучувам.
Од зачини,дол,мешан зеленчук,црн бибер,куркума и гумбир.
Нема мерки.
Се од око.

 

Топчиња од спанаќ
200 грама замрзнат спанаќ, потоа исцеден и ситно сецкан, две јајца, две парчиња сув леб (ситно издробен), 50 г растопен путер, 50 г рендан пармезан, зачини по вкус. Се замесува густа смеса (ако не е доволно цврста да се направат топчиња, додадете уште малку леб). Се прават топчиња и се печат на плех со хартија на 200 степени, 10-15 минути (да се заруменат). По желба во смесата може да се додаде млад кромид. Се служат како предјадње со некој сос, а може да се додадат во салата или тестенини.

 

Зелени коцки или проја со спанаќ

1 филџан бело брашно
1-1,5 филџан пченкарно
1 филџан кис. Вода
1/2филџан зејтин
1 пециво
4 јајца
Спанаќ (сецкан/блендан) 200-250гр
Сирење 100-150гр
Сол/вегата по вкус
Тавче бр.32

Прво се матат течните состојки со миксер. Потоа се додаваат сувите со мешање со лажица.
Спанаќот и ситењето се претходно насецкани.
Се наросува со сусам и се пече на 220 степени додека не порумени.

 

Ај да не останам покусо

-Паста сфоља со спанаќ-

Спанаќот (од око) се става во вода да зоврие 3-5 мин.
Се цеди и се става во тава со путер, се пропржува и му се додава рендан пармезан.
Кај него се додаваат 2 јајца и 250гр. урда, се промешува се заедно и се истура врз пастата.

Може да се направи и како затворена...

 

Пита со спанаќ и сирење

Спојлер: Рецепт

Од 4-5 млад кромид - перцата
Околу 350гр спанаќ
4 јајца
250гр сирење рендано
200 мл јогурт
100 мл масло
500 гр брашно
1 пециво

Перцата од младиот кромид ги пржиме, потоа го додаваме исецканиот спанаќ, пржиме додека омекне.
Во сад ги ставаме сите состојки заедно и матиме со миксер, последно додаваме сирењето и перцата со спанаќот и мешаме со лажица. Смесата ја истураме во намрсена тепсија и печиме додека убаво порумени од горе.
Лесна и брза а најважно превкусна

 

Многу убаво изгледа,идеална комбинација ми е,само ме буни што е тоа лебчето,паста,што состав е

 

https://www.buitoni.it/prodotti/pasta-sfoglia-rotonda/

 

Знам за која Монела ќе гласам Damn damn damn! @Monella

 

Мора да се проба.
Салатата павлака и мајонез ти е ?

 

Не ,кисело млеко е.

Може и со сос од павлака и мајонез, со малку сенф и копар да комбинираш.Вкусно е.

 

Жаби со спанаќ

Спојлер: Рецепт

https://moirecepti.mk/post/жаби-со-спанаќ

Откако потпорасна синко спанаќот мора да го камуфлирам... Колку толку

 

Моево не е нешто посебно, ама во сезоната на спанаќот ни е хит дома, па решив да го ставам.

Гравче со спанаќ, а наместо салата, жетварка... превкусно!

Гравчето го варам со една главица кромид, неколку чешниња лук, морковче, ловоров лист... Кога е при крај со варењето настрана го пропржувам спанаќот, додавам една лажица црвен пипер, зачинувам и го истурам во тенџерето со гравот. Промешувам, а потоа истурам во сад за печење и го потпекувам малку во рерна.
Најубаво иде во комбинација со жетварка.

 

Викторија, не знаеш кој ужас ми се створи во глава кога прочитав жаби. Ми олекна кога ги видов фотките Интересно

 

Гласав за @duffi и @Bridget

Убаво е што може за 2ца да се гласа

 

Гласав за @Monella .
Не приметив дека има две опции да избереш.
Ништо следниот пат.

 

За @♡BuBaLe♡ и @dunika.