Фемина готвач - Тема: Mесо во сос

Спојлер

Состојки:
1 белка
100гр шеќер во прав
100гр мелен орев
120гр мелени бисквити
100гр растопено чоколадо
рум

За преливање:
70гр растопено чоколадо
1 лажичка масло

Се мати белката со шеќерот, се додаваат растопеното чоколадо, бисквитите, рум и оревите.
Се формираат бомбици и се украсуваат по желба.

 

Солени бомбици правев јас .
250 гр палента се вари со сол на средно густо. Се трга од оган и после 5 мин се додаваат 3 претходно изматени жолчки. Една лажичка путер.Се додава и сирење . Јас ставив од око ( едно парче -кафанско парче). Се прават бомбици. Се увалкуваат во белките , па сусам и се печат околу 20 мин на 180.
По печењето со лажичка се премачкува горниот дел со павлака и се наросуваат со микс коктел ( семки од тиква, сончоглед и соја)
Јас си ставив и буковец

И едни блаЧки пијани бомбици.
Сок од 1 портокал
100 гр суво тропско овошје (претходно малку отстоено во ликер blue curacao.
Околу 300 гр мелена плазма
100 гр црно чоколадо со портокал -линт .
100гр путер изматен со 150 гр прах шекер
Малку ореви (за адет).
Се прават бомбички и се увалкуваат во кокос натопен со ликерот. Во фрижидер барем пола саат. Моите не стоеја

 

ќе ја опиеш бабата D

 

Бабата( свекрвче) на скоро 90 г пие по литро пиво. Овоа е гола вода за неа

 

ехеее баба со стаж за алкохол.

 

Еве го моите здрави бомбици, јас кога готвам здравото мора да биде вкусно и вкусното мора да биде здраво, најлесно е да изматиш некои готови филови, нутела или плазма, предизвик е хранливото да го внесеш со сласт.
Здрави бомбици
Влажна смеса
Се покиснуваат 6 сецкани урми и една рака брусница, една лажица чија семе во сок од еден цеден портокал и лажица цимет, 1 саат.
Сува смеса
300 гр овес и една рака бадеми се мелат, при крај се додава две лажици семки од тиква и две лажици сончоглед лупен несолен. Се додава една лажица ленено семе, интегрален сусам, една лажица кокос, една лажица кокосово масло, две лажички мед.
Се меша сувата смеса со влажната додека не се спојат. Се прават топчиња и се ставаат 5 мин во замрзнувач. Лесно се валкаат во какао и се прскаат со стопено чоколадо и пола лажица кокосово масло. Од оваа количина излегуваат 10 бомбици. Ги чувам во фрижидер 2-3 дена.
Комбинацијата на сок од портокал, цимет и брусница мириса неодоливо, откако почнав да ги правам немам желба да пробам од класичните бомбици.

 

Е готово..
Ме освои
Сега дефинитивно ќе те пишам во тефтер на список за гости

 

@MissDior овде не се работи за што е најлесно, туку за вкусови. Некој сака здраво некој нездраво. Секој има право на избор.

 

Не те разбрав.Ќе ме пишеш во тефтер на список за гости .
1.Мене ќе ме пишеш за да ме викнеш на гости, или
2. Рецептот мој ќе го пишеш за да ги правиш бомбичките за гости

 

Ќе те пишам во мојот распоред за скитање по гости
Стресена сум денес, едвај спасив жива глава по патиштава па нејасна може да сум

А и ти си добредојдена, ако правиш бомбици кај мене

 

ааа . И на мене толку ми тркале. Бујрум, у секое време.
Некни у општи прашања ти пишав дури и кај ќе те чекаме. Да не ми се изгубиш

 

@LiliBoz остави ме да си правам кампања како што си правиш и ти

 

Ејјј... Колку мнооогу бомбички
Значи, погодена е темата
Продолжете, имам јас енергија за коментари

​

 

Темава излезе бомбастична....браво...ајде уште

 

Сликава не ми е нешто нај нај, ама од архива е, не спремав денеска.
Не се баш бомбици, слатки гнезда се, ама може да пројдат како бомбици ако не им ставате ништо одозгора и ако ги правите како топчиња.
Потребно е:
100 г чоколадо
200г шеќер (ставив 100г)
100г маргарин
300г мелен кекс по желба (може обични бисквити, а може и плазма)
200г кокос (пола за валкање на бомбиците)
200мл вода
Слатка павлака или шлаг

На оган се ставаат шеќерот и водата да се стопи убаво. Кога ќе зоврие, се трга од оган и се додаваат чоколадото и маргаринот да се растопат. Ако има потреба уште се држат на оган додека да се стопат целосно. Се меша убаво и се додаваат мелените кекси и 100г кокос. Ако не е доволно густа смесата може да се додадат уште кекси или кокос, или пак може мелени ореви или лешници за побогат вкус.
Се прават бомбици, се валкаат во кокос, се прави дупка на средина со прст и се става изматена слатка павлака одозгора. Може и еурокрем да се стави, или пак да се остават така.

 

Рафаело
(одамна ме немало во темава)

Спојлер: Рецепт

Потребни состојки:
- 500мл. млеко
- 5-6 лажици шеќер
- 7 лажици густин
- ванилин шеќер
- лешници
- 2-3 пакетчиња кокос

Подготовка:
Се вари млекото, а во него се додава шеќерот. Во меѓувреме, густинот се меша со ванилиниот шеќер и вода и се додава во млекото. Се вари исто како пудинг.
Откако ќе се свари, треба да почекате да се олади. Кога смесата барем ќе биде млака, тогаш се додава кокосот и се меша. Потоа се прават топчиња и во средината на секое од нив се става по еден лешник.
На крај се валаат во кокос.

Можам да кажам, за разлика со пудизни или слично ..бомбициве со густин, ем поцрвсти се, ниту ја губат својата форма, и поубави ми се.
Сличен вкус скоро до оргиналните рафаело.

-

 

не сфатив дали густинот се вари со вода или со млекото? преубави се.

 

Прво се меша со вода а потоа се додава во млекото што се вари..
А, може и со млеко да се измеша па потоа сето да се додаде во млекото.
Исто како пудинг што се прави

 

Спојлер

Мелена плазма, мелени ореви, кацкани ресани и кацкани чоко бананчиња, топени бели чоколади, млеко додека се направи смеса добра за формирање топчиња. Валкани во мелени ореви.
Бомбици никогаш не праам по рецепт.