Фемина готвач - Тема: Mесо во сос

Дали спаѓа во полнето тесто,благи кифли?Или крофни полнети?

 

Се што е тесто и има внатре нешто во нeго

 

Спаѓа спаѓа

Секое тесто што е преклопено/затворено и има нешто внатре може. Пример панцероти.

 

Ахх што ми ги спомна. Имам и време и желба само што постиме дома сите па ќе нема кој да ги јаде.
Следен пат..

 

ајде, со лесно постењето. Друг пат, тогаш, со нешто друго, исто интересно. Бујрум во темава

 

Лиснато полнето со џем од јагоди...

1кг.брашно
1л.сол
2фил.масло
Се замесува со млака вода да се добие убаво обликувано тесто.
Се сучи кора се премачкува со маргарин и витка во форма на правоаголник .
Се остава во фрижидер да одстои 40мин.
Постапката се повторува уште два пати.
Потоа тестото се остава да одмори се расукува и се полни со џем од јагоди.
Се пече на 250 степени додека да порумени.
Откако ќе биде готово се посолува со шеќер во прав.
Пријатен апетит!!!

 

Па вие одлучете кој слика ќе ја избришете ..незнаев дека такви се правилата

 

Кифлички со мармалад од кајсии.
1кг брашно,500мл млеко,коцка квасец,лажиче шекер,прстофат сол,4 јајца,две шолчиња масло,пола коцка маргарин,малку шафран,и ванила.Околу 200гр брашно за сукањето.
Квасецот го мешаме со топлото млеко,шекерот и солта и чекаме да надојде.Потоа го замесуваме со брашното,3јајца и маслото.Оставаме да стаса тестото околу еден час на топло.Потоа го делиме на мали топчиња и ги расукуваме во круг а секој круг го делиме на четири или шест дела зависи какви сакаме да бидат кифлите.Се става си лажиче од мармаладот и се формираат кифлите.Направените кифли ги оставаме на топло да се надигнат околу пола час макс ако се на топло и потоа се мачкаат со јајце.Врз секој кифла се става маргарин.Се печат на загреана рерна додека не заруменат.Потоа веднаш жешки ги мачкаме со маргарин повторно,да бидат уште помеки.Излегуваат душа меки.Морам да кажам дека ова е модифициран рецепт од @Annath .Она имаше напишано за солени кифли со два квасци,и тој го имам пробано и е предобар .

 

Затворена пица

Рецепт:
1 кг брашно
1 квасец
3-4 лажици цврст јогурт
1 јајце
Сол
Малку масло
Вода по потреба.
Квасецот го растварам во млака вода и месам тесто од сите состојки и го оставам на топло да стаса.
Од ова тесто правам две големи пици, ги печам во плех од шпоретот, и двајца јадеме една пица, големки се. Важно е да биде тестото тенко. Развлекувам кора во круг, ја премачкувам со кечап и ставам кашкавал, моцарела, шунка, малку сиренце и печурки. Ја преклопувам и убаво ги затворам краевите со прсти. И ја печам. Колку потенко тестото, толку по убава е пицата. Внатре ставете си што сакате, по желба.

Edit: во тестото наместо јогурт може млеко, и така сум правела убаво е.

 

Полнета риба.

Тестото е како за кифли.
Јас никогаш не замесувам специјално за риби, кога правам кифли одделувам и за риба.
1кг.брашно, 2 белки од јајце, 1 квасец, 6л.сол, 6л.шеќер и млеко колку да се замеси тесто на по меко.
Од тестото се одделува топче и се засукува во јајцевидна форма, од двете страни се засекува како кифлите а на средина се става филот (кој е по ваш избор ) и се затвара со засечените парчиња .
Горниот и долниот дел (главата и опашката ) не се засекуваат, се предиплуваат и на главата се става парче маслинка како око.
Филот кај мене е со урда, шунка, кисели краставички, морков и малку сол.
Може и со мелено месо и печурки.
Одозгора се премачкува со жолчка и се наросува сусам.

 

Затворена пица

Спојлер: рецепт

Затворена пица
300мл вода
200мл млеко
50мл зејтин
2 мали лажички шеќер
1 голема лажица сол
1 свеж квасец (1 1/2 сув квасец)
1 кг брашно

Се замесува тесто од сите состојки - водата и млекото треба да бидат млаки, а квасецот „стасан“!!!
Добро измесеното тесто се дели на топчиња и од секое се расукува кора, не многу тенка. На пола од кората се става полнењето - кашкавал, сирење, шунка, печеница, печурки, павлака, маслинки, кечап, оригано...
Се преклопува со остатокот од кората, убаво се завиткува од краевите за да не „истече“ полнењето, стасува и се пече.

СликО од печената затворена пица имам само една... Заедно со „отворената“ пица

 

Панцероти

Тесто
150мл јогурт
100мл зејтин
1 жолчка
200мл вода
Пола квасец
Пола пециво
500гр брашно
Се меси и се остава 30мин да одстои
Се дели на 8 делови и се оформува (како што сакате)
Се полни со што имате и се пече на 200 со вентилатор
*најубавите панцероти на свет

 

Меки кифлички со спанаќ и сирење


Потребни состојки:
1кг брашно
1 коцка квасец
2 јајца
1лажичка шеќер
1 чаша јогурт
2 чаши млеко
малку масло
путер
спанаќ и сирење за фил
Од состојките се замесува тесто и се остава да стаса. Користев чаша од околу 150мл ако не е доволно се додава уште млеко( кое треба да биде млако ), додека не се добие средно меко тесто. За фил користев спанаќ кој беше од замрзнато пакување го одмрзнав, посолив и додадов сирење. Од тестото се зема, се прави топка , се расукува, се премачкува путер, се става од филот, се мотаст кифлички , се премачкуваат со јајце, озгора пак малку путер и сусам. Се печат околу 30 минути на 200-220 степени. Се топат во уста.

 

затворена пица


рецептот на тестото е од кифлите од @Annath .
-пола кило брашно,пола пециво,пола лажичка сол,една лажичка шекер,3 лаж масло,филџан и пол вода,и квасец.Филот е со кечап кашкавал и шунка.

инаку не ја правев јас туку ќерка ми скроз сама И ветив дека ќе ја ставам во натпревар па еве ја

 

Панцероти

Тесто
1кг брашно
2лаж. Шеќер
1лаж. Сол
1сув квасец
1 пециво
250мл јогурт
250мл топла вода
1 жолчка
250мл масло
Фил по желба

Спојлер: Фил

1 пак. Зденки
10тина маслинки
Шунка
1пак печурки
Доматно пире

Се замесува тесто и се остава да стасува. Кога ќе стаса се вадат топчиња, јас извадив 8 и се расукуват во кора. Таа се сече на пола и секоја половина се филува. Се преклопува во триаголник, се мачка со јајце и се поросува со ким, а може и сусам, јас не ставив оти немав. Се пече на 180степени.
Добар апетит

Прв пат правам и вкусни излегоа

Спојлер: Слика

 

Polneti pernicijna

1kg brasno
2jajca
1pecivo
Sol
Kvasec 1-lazica
Mleko za testo da sé pravi.

Da otstoit testoto okolu sat vreme i potoa go delime na 3dela i se suci sekoj del i se formirat kvadrati i vo sred se stava po' zelba,kaskaval,meso meleno vo ovoj slucaj jas imam so meso meleno...
Se zatvorat pernicijnata ubavo i se przat vo maslo

 

Гласав за @forumce ,дека рече првпат прави во знак на поддршка А и лични сигурно и вкусни биле
Да можеше глас и за @Arendelle ќе дадев . Како би си каснала , мх мх...
Уствари од се би каснала. Браво девојки