Фемина готвач - Тема: Mесо во сос

Домашен сладолед?
Банана сплит?

 

Ајде еве нека биде Пролетни јадења.
Од секаков зеленчук и овошје кои се типични за пролетта.
Може да е и благо и солено,само да е пролетно и полесно за стомак

 

Еве ме одма
Тава со зеленчук.

Модар домат, пиперки, тиквички, морков, кромид, млад компир, домат. Модриот пиперките и тиквичките се прво пржени. Доматот компирот и морковот само лупени и сецкани. Потоа се заедно печеме 40 мин.На едниот крај има пармезан на сликата за да се види и без.

 

Турли тава со свинско каре.
Зелка, модар, боранија, тиквица,зелена и црвена пиперка,
кромид, печурки , патлиџан,морков. Прво запржено , па запечено.
Прилог,младо компирче со мајонез

 

Темава се пуни уште пред да се смени насловот Фала Мамасита за одлукава Искрена да бидам мене најпролетно јадење ми е омлет со перца и сиренце но веќе ја имам ставено таа слика во ФИ.

 

Исто и мене прва асоцијација ми беше тоа

 

Ај напрај да се полигавиме малце ,

 

Супер тема,одма настапувам на сцена со денешниот ручек
Парче стек е мевцето,печено на грил-тава,белото е младо сирење(cottage cheese),зелената салата не и знам име на мк,ама има трвкасто-сочен вкус,рендан морков,домат и ротквица,со малку кашкавал одозгора.Лимон и маслиново уште на благо што не ставам,редовен прелив ми е.

Иначе и ја би умрела за урда ама нема овде,саде перца

 

Еве и мене, за првпат во темава. Кајгана со тиквички 2 тиквици сецкани на коцки, се запржуваат со сол, вегета, рузмарин, чили. Кога се убаво запржени се додаваат 5 јајца.
Брзо лесно и вкусно...

 

Крем супа од тиквица
Ова ми е омилената крем супа, многу е лесна за правење и освежителна. Супата е многу кремаста и ароматична.
Количините се за две особи
1 голема тиквица
2 млади кромитчиња
1 младо лукче
Зачини: бибер, куркума, биозачин,сол
Се запржуваат лукот и кромидот во маслиново масло, се додава ситно сецкана тиквица и се меша кратко време. Се става вода колку да ги покрие тиквиците и се вари на тивко со капак 20 мин. Откако ќе се олади малку се блендира.
Кубетите се потпечени со чили и маслиново.
Јас ја сервирам супата со додаток неколку лажици овчо кисело млеко, може и павлака или сл.

 

Ова утре ќе го правам

 

Бравоо браво,само нека се готви

 

Spoiler: Рецепт

Дип од спанаќ и пита-леб
Спанаќот треба да се стави во жешка вода за да омекне и после тоа се блендира (може и со блендер или процесор, лично јас користам процесор поради густината). На тава се става малку масло, и се пржи ситно исечкан кромид, а кога ќе имекне се додава и лук. После две-три минути се додава изблендираниот спанаќ и се ставаат зачини. Јас користев: кари, куркума, гарам масала, thyme, магденос во прав и на крај сол.

Пита-леб
Се меси меко тесто и се пече на тава. Попросто - здравје!

 

Само кај мене не отвара сликата или?
Сакам да видам за да се убедам во напишаното.
Па нема да гласам на слепо

 

Само кај тебе

 

Домашен овошен јогурт


Одличен појадок за сезонава
блендирани банана, јагоди, мед и јогурт

 

Омлет со спанаќ

Го сечкаме спанаќот на ситно и го пропржуваме.
Во меѓувреме ги маткаме со вилушка јајцата со малку млеко и сол.
И ги додаваме на пропржениот спанаќ.
Сервираме по желба.

 

Роловани тиквички со бешамел сос


Рецепт:

3 поголеми тиквици
300 гр мелено месо
1 страк праз
1 поголем домат
100 гр кашкавал
Сол,буковец и оригано.

Бешамел сос
30 гр путер
30 гр брашно
2 чаши млеко
оригано


Тиквиците се сечат на ленти со дебелина од 2-3 мм и се посолуваат. Се премачкуваат со малку масло и се потпекуваат на грил тава по 2-3 мин. од секоја страна додека не омекнат и добијат малку боја.
Во друг сад на тивок оган се пржи празот заедно со меленото месо,зачините и доматот ,претходно излупен и исечкан на коцки.
Подготовка на бешамелот
На 30 гр путер се запржуваат 30 гр брашно, постепено се додава млекото кое треба да биде млако, се додека не се згусне . На крај се става ориганото.
На секоја лента тиквичка се става парче кашкавал, малку од смесата и се витка во ролна . Вака ролованите тиквички се редат во огноотпорен сад и се полеваат со бешамелот, се покрива со алуминиумска фолија и се печат на 200 степени околу пола саат. После се вади фолијата и се допекуваат уште 10-15 мин.

Spoiler: Слики

 

Едноставен неделен ручек типичен за ова време.
Пржени пиперки и домати со јајца, пржен млад кромид со јаца и тиквички потпечени на грил тава со лукче, масло и оцет.