Фемина готвач - Тема: Mесо во сос

Па ми изгледаат исти,како нашите мекици.
Кај нас во Скопје ги викаат и кори....на пр.јас ги викам,и се прават со обично тесто,посни, без јајца и млеко

 

Да не мислиш на пишии?

 

Не не пишии се друго и тие се пржат ама не де тиганици
Ова се од баба ми ми е научено

 

Ние и пишии ги викаме,ама мислам дека тоа е по Велешки,тамо така викаат

 

По скопски е тиганици
Дијалектите се вистинско наше богатство.

 

Кај нас лангиди се мекици ама со шеќер, т.е благи
Овие обичните се пишии

 

Тоа по нашки е питулици .Ај ја однесовме темата во друга насока.

 

Честитки @Avery

Можеш да бираш нова тема

 

Фала ☺️

Немам баш идеја за тема...
Што мислите за:
- смути
- мојот ручек
- рецепти со авокадо
- рецепти со компир

 

Честитки!
Мене сите предлози ми се супер,но 2 и 4 ке имаат најголем одзив,така мислам.
Сепак ти пресечи

 

@dunika во право си

@Dust новата тема нека биде рецепти со компир

Може обичен, сладок, печен, пржен, мусака, полнет, во пита... има безброј варијанти

 

@Avery Ама веќе имало тема "Компири" и "Печен компир"

 

Па веќе темите се исцрпуваат, а компир последен пат имало пред една година. Може и “Мојот ручек” да биде Нека се изјаснат и другите членки што мислат, која тема би имала повеќе учесници

 

Варен оброк
Зачинети јадења
Рецепти со кари
Брз десерт..

 

Може рецепт кој го научив од баба

 

Може и варен оброк!

 

Манџа

Пржам една главица кромид и неколку чешниња лук во тенџере па потоа наливам вода и ги додавам предходно спреманите топчиња од мелено месо околу 500 гр (мешани со кромид и зачини) една голема конзерва грашок со моркови и 3 поголеми компири.
Се вари 2 часа на потивко. И на крај правам запршка со брашно и црвена пипер.

 

Полнет компир
(Полнев печурки па ми остана од смесата)
Еден поголем компир го сечам на половина и го длабам внатре. Пропржувам мешавина од кромид, чајна/кулен/салама, дршката од печурката, додавам зачини вегета и бибер, и на крај тргам од оган и додавам една павлака и кашкавал и сето тоа го мешам заедно. Го полнам компирот и одозгора пак рендам кашкавал и ставам малку кечап. Го ставам во тавче со зејтин и малку бело вино и го печам околу 30-40 минути на 200 степени (зависи од дебелината на компирот). Прилогот кон компирот е истата мешавина со која е полнет само без кечап и кашкавал.

 

Зеленчукова супа.
Сечкан кељ,праз,целер,морков и компири на коцки,се динстаат кратко на маслиново масло,па се додава рака фиде и литар бујон.Се вари 10-15 мин на средна темп.