Фемина готвач - Тема: Mесо во сос

@An-na честитки.
Можеш да бираш нова тема

 

Може рецепта

 

Честитки @An-na

Нема некој посебен рецепт. Оризот што ми остана од претходниот ден (ориз потпечен во тава со кромид, морков, магдонос и компир сецкан на ситни коцкички) го мешам со неколку јајца, зависно од количеството на останата храна. Во случајов јас имав нешто помалку од половина тава и ставив 3 јајца. Во тава за пржење ставам масло да се загрее и откако ќе биде врело ја истурам смесата, пржам минута-две и толку, пак имам вкусен и топол оброк. Важно е маслото да е убаво загреано, тогаш е повкусно.

 

Јухуууу, ама ми тргна

Што знам...
Спанаќот (зелје, блитва) од минатиот пат сеуште стои како предлог, а може и домашна паста/тестенини.
Ова второво е попредизвикувачки и поинтересно (барем за мене) само не знам колку ќе биде популарно со оглед на тоа дека не секој дома спрема домашна паста/тестенини. Јас никогаш не сум правела, ама може да пробам
Што мислите за предлозиве?

Да надополнам, под домашна паста се вклучуваат и јуфките се разбира

 

Убава тема е домашна паста ама не верувам дека многу ќе се нафатат..
Ама како сакаш - така. Реши се па да сменам наслов

 

И јас така мислам, затоа и го дадов спанаќот како опција.
Не знам... ај ако не нека биде спанаќ (блитва, зелје)

 

Мене кофтињава ме фанаа за око .

 

Оваа тема ќе ми биде мерак за гледање! Обожавам спанаќ, а ако успеам и ќе прикачам нешто и јас, колку да учествувам Повторно браво за темата @An-na

 

И мене

 

Прв пат го првам рецептов, ама многу е вкусно


6 јајца се матат, се додава 200 гр. рендан кашкавал, 200 гр. сечкани, претходно пропржени шампињони (јас ставив свежи), 200 гр. спанаќ малку обарен и исцеден (јас ставив едно снопче блитва), 1мала лажичка сол, 1/3 чаша млеко (околу 70мл). Во оригиналниот рецепт нема шунка, ама јас додадов околу 150 гр.
Сето ова се меша и се става во калапи за мафини. Се пече 25 минути на 180 степени. Откако ќе се испече, се остава да отстои 30-тина минути пред да се извади од калапите.

Добар апетит

 

Од архива.
Паста сфоља со спанаќ и урда.

Спанаќ 200-300гр. се обарува во вода, се цеди и се става на оган со путер колку да му се додаде рендан пармезан.
Ваквиот спанаќ се меша со едно пакетче (250гр) урда, 2 јајца и сол по вкус.
Смесата се истура врз пастата и се пече 15-20 мин. на 180°

 

Еве од мене еден куглов со спанаќ или пита со спанаќ печена во куглов.
Правен е во селски услови во стар куглов и шпорет на дрва па и затоа малку се препече и подзалепи.


Денес е правен со дел од тесто за пастрмајлија а инаку оригиналнипт рецепт е следниов:
600 гр брашно 1 квасец,1 јајце ,сол 1 лажиче ,3- 4 лажици масло и се замесува со вода по потреба.Се кисне па се размесува и сука кора како правоаголник,се мачка со маргарин и и се става фил од спанаќ и сирење (спанаќот само исецкан ,истриен со сол и исцеден).Се витка како ролат и се става во намастен куглов.Се засекува на неколку места до пола ножот да појде и се полева со маткано јајце со малку јогурт.Се кисне уште малку и се пече.
Треба убаво не на многу висока тт да се пече за да е и внатре убаво печен а и околу да не загори како кај мене. Декоративен а после ако се исечи и се сервира со дополнителни премачкувања со павлака и плус средината да се наполни со шери доматчиња,пример како за гости.Што сега кај мене не беше случај туку остатокот од спанаќот за ручек и тестото од пастрмајлиите ги претворив во ова.

 

Посна Пита/Проја со спанаќ

3 шољи пченично брашно
2 шољи пченкарно брашно
2,5 шољи газирана вода
1 шоља зејтин
1 пециво
300 г спанаќ
200 г печурки
100 г сончоглед
малку сол
Смесата се меша се става во подмачкана тава и се пече 40 минути на темература од 180 степени

 

Манџа зелје со просо

За да бидеме на чисто, ова е всушност манџа "спанаќ со ориз".
Запржив кромид, пашканат, лукче. Додадов зелје. Провре. Додадов малку вода, 100 мл. Додадов варено просо. Малку сол и вегета.
Наменето за деца и возрасни со низок хемоглобин.

 

Пита со спанаќ и урда. Рецепт: брашно, вода, малку квасец, сол, масло за готвење и шеќер се меси во меко тесто и се остава да одмори околу 10 минути.
Фил: спанаќ и урда/сирење.
Немам пишано по грамажа,бидејќи се ставам по око.

Се извинувам, требаше да ја напишам подетално постапката, ако може модераторите нека го спојат мислењево со претходното.
Тестото се дели на парен број топчиња, јас имав 12.
Првото топче го расукуваш во круг колку еден мал тањир и го попрскуваш со масло, потоа истото го повторуваш и со второто топче и ги редиш едно врз друго, истата постапка ја повторуваш се до шестото топче.
Потоа, од нив расукуваш кора во големина на тепсијата што ќе ја употребиш и ја ставаш на долниот дел. Врз неа го ставаш филот, па ја повторуваш истата постапка за да ја добиеш втората кора што ќе ја употребиш за горниот дел од питата.
На крајот се попрскува со масло и малку водичка, се пече на 180 степени.
Поздрав!

 

@ilyan те молам ако можеш делот со тестото да го објасниш.Ако не се лажам се дели на два дела и се расукува во две кори помеѓу кои доаѓа филот така?Фала однапред